Мурда кабарлангандай, 2022-жылдын 1-3-декабрында Жусуп Баласагын атындагы КУУ, Кыргыз-Түрк «Манас» университети жана РФ Президентине караштуу Эл чарба жана мамлекеттик башкаруу академиясы биргелешип «Дин антропологиясы » аттуу эл аралык симпозиумун өткөрүштү. Иш чара 1-декабрь күнү Кыргыз–Түрк «Манас» университетинде ачылып, жыйында КУУнун ректору Төлөбек Абдырахманов чыгып сүйлөп, жаӊы форматтагы бул иш-чара антропология, дин таануу, фольклористика илимдеринин мындан ары өнүгүшүнө чоӊ салым кошоорун белгиледи. Симпозиум 2-декабрда Жусуп Баласагын атындагы КУУда уланды. Ага Россия, Белоруссия, Түркия өлкөлөрүнөн жана Ош, Жалал-Абад, Талас, Ысык-Көл университеттеринен, о.э. Бишкек шаарындагы жогорку окуу жайларынан келишкен окумуштуулар катышты.

Жыйында Н.В.Петров, Т.В.Валодина, Булдук Учлер, К.Абакиров, А.Мокеев, А.Б.Мороз, Т.Токтосунов, М.Мурзаев, Д.А.Радченко, Ихсан Жапчыоглу, И.С.Шисыр, Р.Доган, Рамазан Адыбели, Б.Баймырзаев, Т.Асанов, С.Исаева, К.Кулалиева, М.Көлбаева, А.Р.Бикбулатова, У.Алимов, А.Турдугулов, Т.Сырдыбаев, А.Бакиров, Незахат Жейлан, Гүлзат Нурдин кызы, Н.Х.Бекмухамедова, К.Калчикеев, С.Абдуллаев, Н.Заирова, Ц.Б.Селеева, Я.И.Павлиди, Д.Чокоева, Ашык Алпаслан, Г.Жамгырчиева, Т.Айталиева, А.Эрматова, Ш.Дүйшеева сыяктуу илимдин кандидаттары, докторлору, доценттер жана профессорлор докладдар жасашты

Симпозиумдун 1-2-күнүндө эртеӊ мененки саат 10.00дон кечки саат 17.00 чейин  антропология, тарых, фольклористика боюнча жаӊы өӊүттөгү актуалдуу маселер боюнча докладдар окулуп,  кызуу талкуулар жүрүп, окумуштуулар арасында пикир алмашуулар болду. Симпозиумга келген темалар тыкыр көзөмөлгө алынып, 35 тема тандалып алынган. Ошолордун ичинен 34 доклад окулду. Эки күнгө созулган симпозиумдун жабылышы Жусуп Баласагын атындагы КУУда болуп, илимий багыттагы мындай конференциялар мындан ары да уланаарын белгилешти.

Бул симпозиумду өткөрүү идеясын РФ Президентине караштуу эл чарба жана мамлекеттик башкаруу академиясынын Теориялык фольклористика лаботориясынын башчысы т.и.к., доцент Петров Никита Викторович көтөргөндүгү, аны Кыргызстанда өткөрүп, уюштурууда  Жусуп Баласагын атындагы Куунун кыргыз филологиясы факультетинин кыргыз адабияты кафедрасынын башчысы, ф.и.д., профессор К.Абакировдун, Кыргыз-Түрк «Манас» университетинин  доценти К.Кулалиеванын  эмгеги зор экендиги айтылды. Ошондой эле симпозиумдун уюштуруу иштерине тарых факультеттинин деканы Туратбек Сырдыбаев абдан зор салым кошту. Ошондой эле симпозиумга биздин КУУдан кыргыз филологиясы факультетинин кыргыз адабияты кафедрасынын  жана тарых факультетинин окумуштуулары активдүү катышып, өздөрүнүн илимий потенциалынын жогору экенин көрсөтүштү.

3-декабрда «Дин антропологиясы» аттуу эл аралык симпозиумдун алкагында «Манас» эпосу жана азыркы элдик оозеки чыгармачылыктын актуалдуу маселелери» аттуу тегерек стол болду. Анда Кыргыз Эл жазуучу, ф.и.д., профессор  С.Байгазиев, философия илимдеринин доктору Ж.Бөкөшов, КР Президентине караштуу мамлекеттик тил улуттук комиссиясынын төрөагасынын орун басары ф.и.д., профессор Ж.Орозобекова,  журналист, «Кыргыз тил»  гезитинин редактору Д.Керимов, анан Россия, Белоруссия, Түркиядан жана Кыргызстандын ар кайсы жогорку окуу жайларынан келген окумуштуулар  «Манас» эпосунун бүгүнкү күндөгү абалы, эпостаануунун өзөктүү маселелери боюнча иштиктүү талкуу жүргүзүштү.  

Исаева Сайра - кыргыз адабияты кафедрасынын доценти