2023-жылдын 19-май күнү санариптик технологиялар борборунда Кыргыз Республикасынын Президентинин “Инсандын руханий адеп-ахлактык өнүгүүсү жана дене тарбиясы жөнүндө” жана “Улуттук нарк  жөнүндө” жарлыктарын турмушка ашыруунун алкагында “Аң-сезимдеги трансформация жана руханий адеп-ыймандык баалуулуктар” аталышындагы илимий-практикалык конференция болуп өттү. Кыргыз улуттук университети, Улуттук уилимдер академиясы жана “Кыргыз жолу” биргелешкен руханий коому тарабынан уюштурулган иш-чарага белгилүү окумуштуулар жана коомдук ишмерлер катышты. Конференциянын жүрүшүндө технологиялар өнүккөн азыркы замандагы адамдардын аң-сезиминдеги жана руханий адеп-ыймандык баалуулуктардагы трансформацияга байланышкан маселелер талкууланды.

Жыйынды социалдык-гуманитардык илимдер институтунун директору Камчыбек уулу Мырзабек алып барды. 

КУУнун ректору Төлөбек Абдырахманов, УИАнын вице-президенти Чолпонкул Арабаев, Президенттин Администрациясынын изилдөө, саясатты иштеп чыгуу жана реформаларды ишке ашыруу бөлүмүнүн эксперти Октябрь Капалбаев, педагогика илимдеринин доктору Ишенгул Болжурова куттуктоо сөздөрү менен чыгып сүйлөшкөн соң, конференциянын пленардык жыйыны башталып, төмөндөгү баяндамалар окулду:

1. Мелис Абдраимович Ногоев - И.Арабаев атындагы КМУнун физика жана аны окутуунун усулу кафедрасынын профессору: "Квантовая физика и сознание человека";

2. Жамиля Жээнбаева - профессор: «Социальная теория современности и традиции, Жер Эне Живая Земля как точка сборки системы координат планетарного человечества»;

3. Кадыр Амиракулович Кошалиев - «Кыргыз жолу» бириккен руханий коомунун төрагасы: «Жеке, жамааттык, улуттук жана жалпы адамзаттык аң-сезимдин туура нукта калыптанышы - адамзат цивилизациясынын туруктуу өнүгүшүнүн негизги шарты»;

4. Умут Асановна Асанова - заведующая отделом науки Евразийского международного университета: «Доброта и сострадание как высшее благо. Как высшая цель процесса духовной трансформации»;

5. Карыбек Сынжыбекович Байбосунов - философия илимдеринин кандидаты: «Манастуулук жана Кармазой концепциясы»;

6. Камчыбек уулу Мырзабек - КУУнун социалдык-гуманитардык илимдер институтунун директору: «Этнонациональная идентичность как форма социальной идентичности»;

7. Абдикайым Рысбаевич Жусубалиев - СГИИнин социология жана социалдык иштер кафедрасынын башчысы: «Руханий баалуулуктардын муундан-муунга өтүшүндө эне тилдин ролу»;

8. Марат Раимкулов - "Биригүү" долбоорунун координатору: «Принципы трансформации сознания и проявления духовно-нравственных ценностей в нашем обществе»;

9. Анара Турсунбаевна Кадырбаева - котормочу, акын: «Глубинные причины первичности духовно-нравственного воспитания на современном этапе развития человечества»;

10. Досаалы Чоюбекович Иманбердиев - саясий илимдердин доктору: «Современные требования к нормам и стандартам поведения государственных служащих в КР»;

жана башкалар.