2023-жылдын 12-майында кыргыз тил илими кафедрасынын профессору Гүлжамал Жаманкулова Астана шаарында болуп өткөн "Евразийский мир: история, культура, ценности" аттуу эл аралык илимий-практикалык конференцияга катышып, "Цивилизация народов алтайского происхождения: общности и взаимодействия языков" аттуу илимий баяндама жасады. Казакстан Республикасынын Илим жана жогорку билим берүү министрлигинин илим комитетинин философия, политология жана дин таануу институту жана М.В.Ломоносов атындагы Москва мамлекеттик университетинин казак филиалы тарабынан уюштурулган иш-чарага Россия, Казактан, Кыргызстандан окумуштуулар катышты.

Пленардык жыйында Казакстан Республикасынын Илим комитетинин философия, политология жана дин таануу институтунун директору С.Т.Сейдуманов жана М.В.Ломоносов атындагы Москва мамлекеттик университетинин казак филиалынын директору А.В.Сидорович куттуктоо сөздөрүн сүйлөштү. А.В.Сидорович МГУнун ректору, академик В.А.Садовничийдин куттуктоо сөзүн окуп берди. Пленардык жыйындан соң конференциянын иши "Евразия в потоке", "Евразийский мир: межкультурные и межцивилизационные коммуникации", "Мир Евразии: современные исследовательские стратегии" жана "Философия евразийства в цивилизационном контексте: история и современность" деген секцияларда уланды. Докладдар абдан кызыктуу болуп, суроо-жооптор, кызуу талкуу менен коштолду.

Кыргыз тил илими кафедрасынын профессору Гүлжамал Жаманкулова 3-секцияда "Цивилизация народов алтайского происхождения: общности и взаимодействия языков" аттуу баяндама жасады.

Гүлжамал Жаманкулова - кыргыз тил илими кафедрасынын профессору