2023-жылдын 16-мартында кыргыз филологиясы факультетинин Манас таануу жана дүйнөлүк адабият кафедрасынын профессор-окутуучулары факультеттин студенттерине белгилүү журналист жана блогер Назира Айтбекова менен пикир алышууга мүмкүнчүлүгүн түзүп беришти. Аталган иш-чараны кафедра башчысы М.Бокешова ачып, Н.Айтбекова тууралуу кыскача маалымат берип, анын ишмердүүлүгү боюнча студенттерди тааныштырды. Андан соң студенттер өзүлөрү кызыккан бир катар суроолоруна жооп алышты жана каалоо-тилектерин да билдиришти. Жолугушуунун аягында Н.Айтбекова студенттерге шык-жөндөм берип, аларды билимдүү, жаратман, чыгармачыл жана күчтүү болушун үндөп, бекем ден соолук, окууларына ийгилик каалады.  

Иш-чарага келип, студенттерге руханий азык тартуулаганы үчүн Н.Айтбековага Манас таануу жана дүйнөлүк адабият кафедрасынын жалпы жамааты терең ыраазычылык билдирип, чың ден соолук, узун өмүр жана чыгармачылыгына албан-албан ийгиликтерди каалашты.

А.Солтоноев – тарбия иштери боюнча декандын орун басары