2023-жылдын 15-мартында USAIDдин «Окуу керемет!» долбоорунун өкүлдөрү Бегайым Торогелдиева менен Асылгүл Токторбаева педагогика факультетинин мектепке чейинки, мектеп педагогикасы жана билим берүү технологиялары кафедрасынын чакыруусу менен студенттерге «Башталгыч класстардын окуучуларынын функционалдык сабаттуулугун жакшыртуучу класстан тышкаркы иш-чаралар» аттуу конок лекция өткөрүп, "Китепканага экскурсия", "Математика боюнча чемпионаттар", "Фин-чилистен» сынагы", "«Китеп куржуну» үй-бүлөлүк эстафетасы", "Изилдөө долбоору", "Үй-булөлүк окуу клубу", "Окуу убактысы/сааты", "Окуу жана эсеп лагери" деген темаларга токтолушту.

Аталган темалардын методикалык колдонмолорунун кыргыз жана орус тилиндеги иштелмелеринин электрондук варианты мектепке чейинки, мектеп педагогикасы жана билим берүү технологиялары кафедрасына тапшырылды.

Кафедранын окутуучулары, студенттери алынган маалыматтар өтө кызыктуу, жаңы формада экендигин баса белгилеп, бул маалымат педагогикалык практиканын алдында берилип жаткандыгы талапка ылайык экендиги тууралуу ойлорун айтып, ыраазычылык билдирүү менен мындан аркы иштерине ийгилик каалашты.

Жуматаева А.С. - МЧМПжББТ кафедрасынын ага окутуучусу