Математика жана информатика факультетинин жалпы жамааты математикалык анализ кафедрасынын ага окутуучусу Айпери Асанкулованы профсоюздук ишмердүүлүгү үчүн Кыргыз Республикасынын «Билим берүү жана илим кызматкерлеринин кесиптик бирлигинин мыктысы» төш белгисине ээ болушу менен чын жүрөктөн куттуктап, ага чың ден-соолук, мындан ары да албан-албан чыгармачыл ийгиликтерди каалайт. Айпери айымдын бүгүнкү сыйлыгы талашсыз, анткени 2013-жылдан баштап азыркы күнгө чейин, т.а. 10 жыл бою аталган факультеттин профбюросунун төрөгасынын орун басары кызматын үзгүлтүксүз түрдө аркалап, кесипкөй ишмердүүлүгү белгиленип, билим берүүнүн профсоюздук кыймылына олуттуу салым кошуп келерин баса белгилеп кетүүгө болот.

Белгилеп кетчү нерсе, Айпери Асанкулова – КУУнун волейбол боюнча кыз-келиндер командасынын капитаны жана ал түзгөн математиктердин курама командасы «Ден соолук» спартакиадасында катары менен алты жыл бою командалык зачетто 1 – орунду ээлеп, «КУУнун чемпиону» аталган.

Бактияр Рахманкулов - тарбия иштери боюча декандын орун басары, ф.м.и.к., доцент