2022-жылдын 29-30-апрелинде Москва шаарында илим жана билим берүүнүн маанилүү маселелерине арналган "Москва эл аралык билим берүү салону" болуп, анын офлайн-жыйыны «Цифровое деловое пространство» мекемесинин (Покровка) имаратында, ал эми онлайн көргөзмөсү «ММСО. Коннект» платформасында өттү. Г.Жаманкулованын «Алтай тектүү эллдердин цивилизациясы» аттуу эмгегинин актуалдуулугу жана педагогикалык маанилүүлүгү эске алынып, ММСО-2022 эл аралык форумуна коюлду: «В рамках реализации решений Президиума РАЕ по содействию информационной поддержки учёных и преподавателей, а также учитывая актуальность и научную значимость, Ваша научная разработка Джаманкулова К.Т. «Цивилизация народов алтайского происхождения» была отобрана для представления и обсуждения на Московском международном салоне образования 2022».

Форумду Россиянын Илим жана жогорку билим берүү министрлиги менен Эл агартуу министрлиги уюштурду. Россия табият таануу академиясы аталган форумга техникалык, илимий, билим берүү басылмалары, билим берүү технологиялары жана материалдары камтылган кеңири экспозиция менен катышты.

Иш-чарага 3000 спикер, журналисттер, педагогдор ж.б., ал эми «ММСО.Коннект» онлайн форматында 100 000 адам катышты, 1000ден ашык эксперттер баяндама жасашты. Форумга катышуучулар виртуалдык платформада (10-майга чейин) виртуалдуу көргөзмө, онлайн-стенддер, инновоциялык продуктылар ж.б. менен таанышышты.

Гүлжамал Жаманкулова - кыргыз тил илими кафедрасынын профессору