2022-жылдын 27-июнунда педагогика факультетинде Кыргыз-Түрк “Манас” университетинин педагогика бөлүмүнүн башчысы Акматали Алимбеков жогорку окуу жайдын окутуучулары үчүн “Университет окутуучусунун кесиптик педагогикалык компетенттүүлүктөрү” аттуу семинар өттү. Иш чарага Ж.Баласагын атындагы КУУнун, Кыргызстан  эл аралык университетинин, Б.Бейшеналиева атындагы Кыргыз мамлекеттик маданият жана искусство университетинин, Т.Эрматов атындагы Бишкек музыкалык-педагогикалык колледжинин, № 98-коммуникация жана маалыматтык технологиялар кесиптик лицейинин окутуучулары жана Сокулук районундагы Ихлас эл аралык орто мектебинин мугалимдери катышышты.

Семинарда ЖОЖ окутуучусунун кесиптик педагогикалык компетенттүүлүктөрүн жогорулатуу  маселеси каралып, анын объективдүү себептери, теориялык компетенциялары, университет окутуучусу менен мектеп мугалимдеринин айырмасы, университет окутуучусунун жаңы функциялары, студенттердин өз алдынча ишин уюштуруу ж.б. ачыкталды. 

Катышуучулар аталган теманын алкагында профессор А.Алимбековго бир нече суроолорду берип, кызыктуу эркин баарлашуу менен менен жыйынтыкталды. Окутуучулар кесиптик педагогикалык компетенттүүлүк боюнча баалуу маалыматтарга ээ болуп, ыразычылыгын билдирүү менен мындан аркы ишине ийгилик каалашты.

Жуматаева А.С. - МЧМПжББТ кафедрасынын ага окутуучусу