2022-жылдын 27-май күнү №6-окуу имаратындагы 126-дарсканасында математика жана информатика факультетинин 90 жылдык мааракеси белгиленди. Жыйынды факультет деканы Изат Усенов куттуктоо сөзү менен ачып, алдыңкы студенттерге жана окутуучуларга ар түрдүү номинациялар боюнча сыйлыктарды тапшырды. Жыйынга Баткен мамлекеттик университетинин Сүлүктүдөгү гуманитардык-экономикалык институтунун директорунун орун басары Жоро Толубаев катышып, өсүп келе жаткан жаш муундар мекенчилдикке, заманбап жана прогрессивдүү илим-билимге тынымсыз умтулууга, өлкөбүздүн мындан ары өсүп-өнүгүшүнө азда болсо өз салымдарын кошууга милдеттүү экендигин белгиледи.

Белгилеп кетчү нерсе, Жоро Осмонович 1993-жылы аталган факультетти «кызыл диплом» менен бүтүрүп, «Математик» адистигине ээ болгон.

Факультеттин 90 жылдыгына арналган майрамдык концерттин жогорку деңгээлде өтүшүнө студенттик кеңештин мүчөлөрү бардык күчтөрүн жумшашты.

Сыйлыктар төмөндөгү номинациялар боюнча тапшырылды:

«2022-жылдын мыкты группасы»: ПМиИб-2-21 (1-курс)

«Жылдын мыкты жаш окутуучусу»: Асанкулова Айпери Сатылгановна (МА кафедтасынын ага окутуучусу)

«2022-жылдын мыкты студенти»: Жакышова Айдана (4-курс)

«Окуудагы жана коомдук иштердеги ийгиликтери үчүн»:

• Торобаев Асадбек (3-курс)
• Заирбекова Аяна . (2-курс)
• Максатбекова Жылдыз (2-курс)
• Жээнбекова Азем (1-курс)
• Кенемтеева Сейил (1-курс)
• Садыралиева Аилина (1-курс)
• Жеңишбек кызы Асел (1-курс)
• Шукурганова Сайкал (1-курс)
• Нурбекова Рахима (1-курс)
• Жолдубаев Бектур (1-курс).

Бактияр Рахманкулов - тарбия иштери боюча декандын орун басары, ф.м.и.к., доцент.