Жекшемби, Ноябрь 27, 2022
Баннер

Сайттын тилин тандоо

kg_m RU EN

Окумуштуулар кеңешинин кезектеги отуруму болуп өттү

Министрликтин бөлүм башчысы илим менен өндүрүштүн байланышы боюнча кеңешме өткөрдү

↑↑ Журналистика факультетинин "Баласагын ТВ" студиясынын репортаждары ↑↑

Академик Токтомышев Советбек Жайлообекович дүйнө салды

0Кыргыз Республикасынын илими, билим берүүсү, атпай журт орду толгус чоң жоготууга учурады. Узакка созулган оорудан кийин коомдук жана мамлекеттик ишмер, окумуштуу жана педагог, техника илимдеринин доктору, профессор, КР Улуттук илимдер академиясынын академиги, илим жана техника боюнча Кыргыз ССРинин Ленин комсомолу сыйлыгынын лауреаты, “Ардак белгиси” орденинин ээси Советбек Жайлообекович Токтомышев 79 жашында көз жумду.

С.Ж.Токтомышев 1943-жылдын 1-май күнү Москва районунун Предтеченка айылында төрөлгөн. Ушул жылы атасы Улуу Ата Мекендик согушта каза болгон.

1960 – 1964-жылдары Кыргыз мамлекетттик (азыркы Улуттук) университеттин физика факультетинин студенти болуп, 4-курсту бүткөн соң Новосибирск мамлекеттик университетине которулуп, бир жылдан соң окуусун бүтүргөн. 1965 – 1968-жылдары ушул эле университеттин аспирантурасын бүтүргөн соң Кыргызстанга кайтып келип, 1968 – 1976-жылдары КМУда окутуучу, улук окутуучу, доцент, 1986 – 1988-жылдары окуу иштери боюнча проректор болуп эмгектенген.

1976 – 1986, 1988 – 1992-жылдары Фрунзе политехникалык институтунун физика кафедрасынын башчысы болуп иштеди.

С.Ж.Токтомышев 1992-жылы Кыргыз улуттук университетинин ректору болуп дайындалып, кийинки жылы атаандаштык негизде ректор болуп шайланган. 1998-жылга чейинки алты жылда С.Ж.Токтомышевдин жетекчилиги астында Улуттук университетте чоң өзгөрүүлөр болуп, окуу жайдын эл аралык байланыштары сапаттык жаңы баскычка көтөрүлдү.

1998 – 1999-жылдары С.Ж.Токтомышев Кыргыз Республикасынын Билим берүү, илим жана маданият министри кызматын аркалады.

Ал эми 2000-жылдан көзү өткөнгө чейин С.Ж.Токтомышев Ж.Баласагын атындагы КУУда эмгектенип, Спутниктик байланыш борборунун директору болуу менен бирге проректор болуп иштеди жана андан кийин ректордун кеңешчиси, “Атмосфераны мониторингдөө” илим-изилдөө борборунун директору болуп эмгектенди.

С.Ж.Токтомышев техника илимдеринин доктору (1984), профессор (1985) КР УИАсынын академиги (1997) болуу менен бирге 200дөн ашуун илимий эмгектердин, монографиялар менен окуу куралдарынын автору жана илимий ачылыштарын тастыктаган күбөлүктөрдүн ээси болду. Өзүнүн илимий мектебин түзгөн окумуштуу катары 20га жакын илимдин кандидаттары менен докторлорун даярдап чыгарды. Илимий эмгектери АКШда, Жапонияда ж.б. көптөгөн өлкөлөрдө жарык көргөн.АКШнын Нью-Йорк академиясынын, Эл аралык илим, билим берүү, индустрия академиясынын (Калифорния, АКШ) академиги, Донг-Гук университетинин (Корея Республикасы, Сеул) ардактуу доктору болгон.

“Озон катмарын коргоо боюнча Вена Конвенциясынын” (1985) алкагында Жердин озон катмарын коргоо ишине, Монреаль келишимин ишке ашыруу жумушуна баа жеткис салым кошкон. С.Ж.Токтомышевдин бул багыттагы эмгектери менен ачылыштары жана ал жетектеген атмосфераны мониторингдөө боюнча КУУнун “Ысык-Көл” илимий станциясы, анда жүргүзүлгөн илимий иштер менен алынган натыйжалар дүйнөлүк коомчулук, атактуу окумуштуулар чөйрөсү тарабынан жогору бааланган.

С.Ж.Токтомышевдин илим, билим берүү, техника багытында сиңирген эмгеги эл-журт, мамлекет тарабынан жогору бааланып, натыйжада, окумуштуу Кыргыз ССРинин Жогорку Советинин президиумунун, ВЛКСМ БКнын, Кыргызстан ЛКЖС БКнын Ардак грамоталары менен сыйланган. Кыргыз Республикасынын Жогорку Кеңешинин бир нече чакырылыштарында депутат болуп шайланган.

Советбек Жайлообекович Токтомышевдин жаркын элеси түбөлүккө жүрөгүбүздө сакталат.

Маркумдун үй-бүлөсүнө, жакындарына терең кайгыруу менен көңүл айтабыз.

Маркумду акыркы сапарга узатуу зыйнаты 3-февраль күнү саат 10.30да Кыргыз улуттук университетинини башкы окуу имаратынын алдындагы аянтчада өтөт.

КУУнун ректораты, кесиптик кошундар уюму, жалпы коллективи.

02

Тема боюнча кошумча материалдар:

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Сейчас 615 гостей онлайн
Баннер

Пресс меню

Администратордон

Абитуриенттердин ?-лору

Студенттердин ?-лору

  • Бакыт 14.07.2022 16:01
    Здравствуйте! Был отчислен за неуплату контракта по причине службы в армии. Чтобы не портить отношения ...

    Толугу менен...

     
  • Темирлан 30.06.2022 14:18
    САЛАМАТСЫЗМБЫ УЙБУЛОЛУК СЕБЕПКЕ БАЙЛАНУУШТУ МЕН ОЗУМ РОССИЯДА ОКУУЙМ ТУРИЗМ НАПРАВЛЕНИЯСЫ БОЮНАЧА ...

    Толугу менен...

     
  • Темирлан 30.06.2022 14:14
    Здраствуйте я данный момент учусь Сибирском Федеральным Университете РФ по направлению Туризм окончил ...

    Толугу менен...

Бүтүрүүчүлөрдүн ?-лору

  • Нурсултан 18.05.2022 11:43
    Мен КУУнин бутургом, диплому жоголуп кетти кайра жаныдан дубликатын алыш учун эмне кылуу керек?

    Толугу менен...

     
  • Каримов Нурбакыт 12.11.2021 09:12
    Мен колеждеби кутком средный образования дагы дипломум бар . Азыркы кезде университетке восстановления ...

    Толугу менен...

     
  • Umut Almazbekova 28.07.2021 10:30
    Саламатсызбы, мен 2012-2017 жж. Чет тилдер факультетинин бутуруучусумун, мед. Книжкамды кантип алсам ...

    Толугу менен...

Пикирлер жана сунуштар

  • Айзирек 13.09.2021 15:15
    Здравствуйте, я сегодня была в вашем университете чтобы поговорить с куратором моей сестрёнки насчёт ...

    Толугу менен...

Биздин өнөктөштөр

Баннер
Баннер
Баннер
Баннер
Баннер
Баннер
Баннер

Окутуучулардын макалалары