2021-жылдын 8-февраль күнү кыргыз филологиясы факультетинин түркология жана котормо таануу бөлүмүндө котормо жана котормо таануу адистиги боюнча студенттер арасында конкурс өткөрүлдү. Сынакка 1-курстан 5-курска чейинки студенттер катышып, англис тилиндеги мультфильмдерди кыргыз тилине которушуп, мыкты үлгүдөгү чыгармаларды жаратмандык менен иштеп чыгышты. Катышуучулар 3 номинация менен жарышка чыгышты.

Котормочуларды баалоо үчүн калыстар тобу түзүлүп, анын курамына факультет деканы Жайлообаев Б.А., бөлүм башчысы Элебесова Б.Б., ага окутуучулар Курамаева Ф.Н., Жалилова Г. А. катышышты.

Конкурстун аягында жюрилер сөз сүйлөшүп, конкурстун катышуучуларына жакшы сөздөр, мактоолор айтылып, кемчиликтер белгиленди. Номинациялар боюнча төмөндөгү  курстар байгеге ээ болушту.

• Мыкты котормо. 4-курс,

• Мыкты үн коштоо; 2-курс

• Мыкты аниматор; 5-курс

Иш-чаранын жыйынтыгында факультет деканы бардык катышуучуларга сертификаттарды ыйгарып,1-2-3-орундарга китептер белекке берилди.

Бурул Элебесова - түркология жана котормо таануу бөлүм башчысы