2021-жылдын 20-январында тарых жана чөлкөм таануу факультетинин профессору Тынчтыкбек Чоротегин менен кыргыз филологиясы факультетинин профессору Назгүл Турдубаева Нарын облустук тарыхый-этнографиялык музейинде кыргыз элинин залкар окумуштуусу К.Карасаевдин туулган күнүнүн 120 жылдыгына карата болуп өткөн “Кусейин Карасаев - залкар инсан жана  улуу окумуштуу” аттуу республикалык илимий-тажрыйбалык конференцияга жана көргөзмөгө катышты.

С.Нааматов атындагы Нарын мамлекеттик университетинин тарых, философия жана социалдык-экономикалык билим берүү кафедрасы менен Нарын шаарындагы Ж.Чолпонбаев атындагы №10-орто мектеби биргеликте онлайн, офлайн форматтарда өткөргөн иш чаралардын пленардык жыйынында Тынчтыкбек Чоротегин куттуктоо сөзү менен чыгып сүйлөдү, ал эми Назгүл Турдубаева “К.Карасаев – изилдөөчү, фольклорист” деген баяндама жасады.

Солтоноев Актилек - тарбия иштери боюнча декандын орун басары