Шаршемби, Август 12, 2020

КУУда жаңы окуу жылынын башталышына арналган жыйын болуп өттү

00

2019-жылдын 2-сентябрь күнү башкы имараттагы кичи жыйындар залында жаңы окуу жылынын башталышына арналган жыйын болуп өттү. Окуу жайдын жетекчилери жана түзүм башчылары катышкан иш чараны мамлекеттик тил жана тарбия иштери боюнча проректор Садык Алахан (Тиллебаев) ачып, чоң жыйындар залында ремонт иштери башталгандыгына байланыштуу, бүгүнкү иш чара бул жерде өтүп жатканын билдирип, алгачкы сөздү КУУнун ректору Канат Садыковго берди.

Ректор жыйындын катышуучуларын жана Улуттук университеттин жалпы жамаатын 31-август - Кыргыз Республикасынын Эгемендүүлүк күнү жана 1-сентябрь - Билим күнү менен чын жүрөктөн куттуктап, жайкы мезгилде бүткөрүлгөн жана алдыда аткарыла турган иштер жөнүндө айтып берди.

Жайкы мезгилде аткарылган иштердин эң негизгиси - кабыл алуунун жыйынтыктары тууралуу сөз кылып, ректор жайкы мезгилде Улуттук университетке жалпысынан 5 миңге жакын абитуриент кабыл алынгандыгын жана магистратурага кабыл алуу улантылып жатканын билдирди. Канат Садыков бул жылы орто кесиптик программаларга кабыл алуу абдан жакшы, ийгиликтүү өткөндүгүн баса белгиледи. 

Ректордун айтымында, жай мезгилинде өнөктөштөр менен кызматташуу да активдүү улантылды. Мисалы, кытайлык өнөктөштөр менен  иштөөнүн натыйжасында, кыргыз-кытай факультети жайгашкан 4-окуу имаратынын 3-кабатында ремонт иштери бүткөрүлүп, жаңы уюштурулган "Илим жана маданият борборунда" класстардын ичин жасалгалоо, мебель, техникалык каражаттарды орнотуу иштери улантылып жатат. Бул иштерге жалпысынан 60 миң долларлык инвестиция тартылды.

Ал эми 5-сентябрь күнү Түркиянын эл аралык кызматташуу уюму (ТИКА) менен бирдикте башкы имараттын 2-кабатында "Санариптик технологиялар борбору" ачылып, толук ишке кирмекчи. Интерактивдүү лекцияларды, конференцияларды өткөрүүгө боло турган бул борборго жалыпысынан 65 миң доллар өлчөмүндө инвестиция тартылды.

Ушул эле жай мезгилинде "корей лингвистикасы" багыты ачылып, 2 группага студенттер кабыл алынды. 

Бул окуу жылында кыргыз-индия медициналык факультетин ачуу, Ломоносов атындагы Москва мамлекеттик университети, Кытайдын Лоян педагогикалык университети менен кызматташтуу боюнча иштер улантылат. Мисалы, ушул жылдын октябрь айында Лоян педагогикалык университетинде орус тилин чет тил катары үйрөтүүчү КУУнун борбору ачылмакчы.

- Ошентип, жай мезгилинде университетин жамааты жакшы иштеп, алдыга жылганга аракет кылдык. Дагы жасай турган иштерибиз көп. Жай мезгилинде жайдын аптабына карабай жумуш ордунда болуп, кабыл алуу кампаниясына активдүү катышкан биздин кызматкерлерге ыраазычылык билдирем, - деп сөзүн улантты Канат Садыков. 

- Сиздер жакшы билесиздер, биздин Президент менен Өкмөттүн чечими менен мектеп мугалимдеринин айлыктары 30 пайызга көтөрүлүп, кээ бир тажрыйбалуу мектеп мугалимдеринин айлыгы биздин профессорлордун айлыктарына жакындап калды. Ошондуктан, биз дагы ушул окуу жылынын ичинде КУУнун окутуучуларынын айлыгын көтөрүү маселесин карап жатабыз. Быйылкы кабыл алуунун жыйынтыктарын, соңку 2 жылдан берки контракттык окутуу акысынын этап-этап менен көтөрүлүшүн эске алуу менен  бул маселени чечебиз деген ойдомун.

Сөзүнүн соңунда КУУнун ректору жыйындын катышуучулары менен окуу жайдын жалпы жамаатын дагы бир жолу жаңы окуу жылынын башталышы менен куттуктап, аларга чың ден соолук, ынтымак-ырашкерлик жана ийгиликтерди каалады.

Андан кийин, Канат Садыков КУУнун айрым кызматкерлерине билим берүү жана илим кызматкерлеринин кесиптик бирлигинин борбордук комитетинин төш белгиси жана ардак грамоталарын тапшырды. 

Төш белгиси менен сыйлангандар:

  • Жаманкулова Гүлжамал Төлөгөновна - ф.и.д., кыргыз тили илими кафедрасынын профессору
  • Керимкулова Меримкүль Кадыровна - башкаруу жана бизнес факультетинин деканы
  • Жолдошев Рыскул - тарых жана чөлкөм таануу факультетинин профессору.

Ардак грамота менен сыйлангандар:

  • Апаева Софья Хусеиновна – кыргыз-кытай факультетинин деканы
  • Исраилова Гүлмира Туткучевна - математика жана информатика факультетинин доценти
  • Ташиев Абсатар Оморалыевич - адистерди кайра даярдоо жана кесибин жогорулатуут факультетинин окутуучусу. 

02

04

05

06

10

12

16

18

20

22

24

26

28

30

press knu 2019 00

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Баннер
Сейчас 491 гостей онлайн
Баннер
Баннер

Пресс меню

Администратордон

Абитуриенттердин ?-лору

  • Модератор 25.06.2020 02:55
    Андай факультет жок, бирок юридика факультетинде "Таможенное дело" деген адистик бар. Өтүү баллы ...

    Подробнее...

     
  • Модератор 22.06.2020 14:51
    Эгер дипломуңуз бар болсо, анда экинчи жогорку билим алууга тапшырсаныз болот. 1) Магистратурага ...

    Подробнее...

     
  • Модератор 16.06.2020 08:47
    1) НЕгизги тест жетиштүү, бирок математикадан кошумча тест болсо - ашыкча болбойт. Абитуриент катары ...

    Подробнее...

Студенттердин ?-лору

  • Базарбек 22.06.2020 23:50
    Мен 2-курста мобильный студент программа боюнча Ошмуга 1 семестр окуп келдим. Бирок кнудагы отпой ...

    Подробнее...

     
  • жоомарт 22.06.2020 13:28
    мен 5 сабактан отпой калдым башка универге которулсам болову

    Подробнее...

     
  • Адина 21.06.2020 13:56
    Саламатсызбы? Менин иним эконофактын 1чи курсун бутуп жатат. Биринчи семестрде баалары жакшы ...

    Подробнее...

Бүтүрүүчүлөрдүн ?-лору

  • Алмазбек 21.06.2020 14:12
    Саламатсызбы, архвтик справка кантип алсак болот ушул жерде окуп бүткөн деген. Пенсияны документ ...

    Подробнее...

     
  • Алима 19.06.2020 12:17
    Здравствуйте!Ес ли не защитила диплом в этом году, можно пересдать осенью? И что для этого надо ?

    Подробнее...

     
  • Дмитрий 15.06.2020 02:48
    Добрый день! Подскажите пожалуйста, как можно восстановить диплом выпускника?Дипл ом сгорел при пожаре.

    Подробнее...

Пикирлер жана сунуштар

  • Ырыскул 24.05.2020 10:43
    Пересдача тапшырып жатканда жетише албай убакыт бүтүп калып,балл жетпей калды, дипломная защитага ...

    Подробнее...

Биздин өнөктөштөр

Баннер
Баннер
Баннер
Баннер
Баннер
Баннер

Башка ЖОЖдордун маалымат каттары жана кулактандыруулары