2023-жылдын 17-мартында тарых жана чөлкөм таануу факультетинин чөлкөм таануу жана кыргыз таануу кафедрасынын ага окутуучусу Шаршенбек кызы Айпери жана доцент Каулбекова Ракия тарабынан Нооруз майрамына карата түрк тилдүү элдердин тарыхын жана маданиятын, о.э. тилин үйрөнүүгө жана терең өздөштүрүүгө багытталаган «Alti devlet Bir millet» аттуу ачык сабак өткөрүлдү. Иш-чарага кафедранын өнөктөшү, Toursitalia эл аралык туристтик компаниясынын директору Жем Курекчи жана орун басары Ферхан бей, факультет деканынын орун басары Чодолдоева Гүлзат жана кафедра башчысы Омурова Жамикат катышты.

Сабактын жүрүшүндө факультеттин студенттери түрк тилинде түрк тилдүү 6 мамлекеттин тарыхы, маданиятынын тарыхы, о.э. Нооруз майрамында уюштурулган иш-чаралары чагылдырылган докладдар менен чыгып сүйлөшүп, алты мамлекеттин улуттук ырлары жана бийлери менен коштолду.