2017-жылдын 19-декабрында башкы имараттагы чоң жыйындар залында_көрүнүктүү тилчи-окумуштуу,_түрколог, лексиколог, диалектолог жана коомдук ишмер, КУУнун 1954-1960-жылдардагы ректору, академик Болот Мураталиевич Юнусалиевдин жаркын элесине жана мурасына арналган илимий-практикалык конференция болуп өттү. _КУУнун 85_жылдыгына карата өткөрүлгөн жыйынга көрүнүктүү тилчи-окумуштуулар жана коомдук ишмерлер катышты.

КУУнун ректору Канат Садыков "конференциянын астында кыргыз филологиясы факультетинде "Болот Юнусалиев атындагы тил кабинети" ачылганын, анын урпактары 54 папкага салынган улуу окумуштуунун кол жазмаларын, басмадан чыккан жана чыкпай калган илимий-педагогикалык мурасын, ар тармактуу изилдөөлөрүн аталган кабинетке салым катары өткөрүп бергенин билдирди. - Бул мурас - биз үчүн чоң жаңылык, биз ага_абдан кубанычтабыз!, - деп сөзүн улантты КУУнун ректору. Ал о.э. "Болот Юнусалиев атындагы тил кабинетин" ачууга демөөрчү катары салым кошкон,_курулуш тармагында эмгектенген кыргызстандык патриот бизнесмендерге да ыраазычылык билдирип, конференциянын ишине ийгиликтерди каалады.

Болот Юнусалиев тууралуу кыргыз филологиясы факультетинин студенттери тарабынан даярдалган видео-фильм көрсөтүлгөн соң,_минбарга УИАнын Ч.Айтматов атындагы Тил жана адабият институтунун директору, академик А.Акматалиев,_КР Президентине караштуу Мамлекеттик тил боюча улуттук комиссиясынын төрагасы, профессор Н.Ишекеев,_Кемин районунун Кичи-Кемин айылындагы академик Б.М.Юнусалиев атындагы орто мектептин директору А.Ногойбаева чыгып, жыйындын катышуучуларына_куттуктоо сөздөрүн айтышты.

Академик А.Акматалиевдин айтымында, "чындыгында улуу окумуштуу Юнусалиев Болот Мураталиевич эмес, Мураталиев Болот Жунушалиевич болмок, анткени чон атасы Мураталы болгон экен. "Менин оюмча, кандайдыр бир символикалуу жактан агай өзү ушинтип жасап койсо керек", - деди Тил жана адабият институтунун директору,

Андан кийин сөз кезеги илимий баяндамачыларга берилип, төмөндөгү докладдар окулду:

• С.Ж.Мусаев - УИАнын корр.-мүчөсү, ф.и.д., профессор: "Б.М.Юнусалиев жана “Манас” боюнча 1952-жылы өткөн илимий конференция”
• А.Биялиев - ф.и.к.,_КУУнун ардактуу профессору:_“Академик Б.М.Юнусалиевди эскерүү”
• К.Т.Токтоналиев - ф.и.д., профессор: "Б.М.Юнусалиев универсал окумуштуу”
• Т.Тургуналиев - И.Арабаев атындагы КМУнун Манас таануу институтунун директору:_“Б.М.Юнусалиев - Манас таануу илиминин_негиздөөчүлөрүнүн залкары”
• И.Абдувалиев - ф.и.д., профессор: "Академик_Б.М.Юнусалиев Молдо Кылычтын кол жазмалары тууралуу”.

С.Мусаев өз сөзүндө 1952-жылы болуп өткөн “Манас” боюнча_илимий конференцияда "Манас эпосу элдикпи же элдик эмеспи?" деген_суроо коюлуп, анын айланасында кызуу талаш-тартыш болгонун, Манасты коргоп калууда Мухтар Ауэзов эмес, Болот Юнусалиев зор салым кошкондугун белгиледи.

Т.Тургуналиев да С.Мусаевдин сөзүнө кошулуу менен, Б.М.Юнусалиевге "Кыргыз Республикасынын баатыры" деген наам ыйгаруу боюнча Президентке кайрылуу жасоо керектиги жөнүндө сунуш киргизди.