Четверг, Июня 20, 2019
kg_m RU

КУУнун делегациясы ТМУда өткөн Достук фестивалына катышып келди

Кытайлык өнөктөшкө "КУУнун ардактуу профессору" наамы ыйгарылды

Видео жаңылыктар (Баласагын ТВ + Басма сөз кызматы)

КУУдагы соңку жаңылыктар

Педагогика факультетинде окуу-таанышуу практикасынын жыйынтыктары чыгарылды

00

2019-жылдын 27-февралында педагогика факультетинде 2-курс студенттеринин үч жумалык окуу-таанышуу практикасынын жыйынтыктарына арналган конференция болуп өттү. Иш-чарага факультет деканы Рахат Сулайманова, КУУнун практика боюнча башкы адиси Азиза Исраилова, декандын орун басарлары Г.Назарбекова, У.Турдалиев, кафедра башчылары К.Сураналиева, Г.Адылбек кызы жана практика жетекчилери катышты.

 

КУУнун спортчулары “Ден-соолук” спартакиадасынан олжолуу кайтышты

00

2019-жылдын 12-27-февраль күндөрү Кыргыз мамлекеттик дене тарбия жана спорт академиясында, Кыргыз улуттук университетинде, Кыргыз мамлекеттик техникалык университетинде жана Кыргыз мамлекеттик медициналык академиясында Жаштар иштери, дене тарбия жана спорт боюнча мамлекеттик агенттигинин Мектеп жана студенттик спортту өнүктүрүү боюнча дирекциясы тарабынан Бишкек шаарындагы жогорку жана кесипчилик орто окуу жайларынын кызматкерлеринин арасында "Чылымы жок” деген ураандын астында “Ден-соолук” спартакиадасы болуп өттү.

 

GLOBE уюмунун өкүлдөрү экологиялык билим берүү боюнча тренинг өтүштү

00

21-23-февраль күндөрү эл аралык GLOBE уюмунун Чехиядан, Голландиядан жана Россиядан келген өкүлдөрү Улуттук университетте Кыргызстандык мектеп географтары үчүн “Экологиялык билим берүүнү жогорулатуу” темасында тренинг өтүштү. Иш чаранын ачылышында КУУнун ректору Канат Садыков, КББАнын президенти  Алмаз Токтомаметов, GLOBE-дун алгачкы координатору Батыйгүл Баячорова, Россиянын GLOBE координатору Ф.Сурков ж.б. сөз сүйлөштү.

 

МжМБ факультетинде "Чамда жигит" кароо-сынагы болуп өттү

00

Мамлекеттик жана муниципиалдык башкаруу факультетинде "Ата Мекенди коргоочунун күнүнө" карата "Чамда жигит" кароо-сынагы болуп өттү. Сынакка жалпысынан 6 команда катышып, "Атактууларга пародия" , "Акыл таймаш", "Тартынуу", "Аскер ырын аткарып аскерлердей басуу" жана "Противогазды убакытка кийүү" номинациялары боюнча тапшырмаларды аткарышты. Жыйынтыгында, 1-орунду "Бат кыймылдаган шок жигиттер" командасы, 2-орунду "Жалын" командасы, ал эми 3-орунду  "Көчөнүн балдары - реальные пацаны" командасы  багындырып, сыйлуу байгелерге арзышты.

 

КУУ жаштарынын лидерлери көк бөрү боюнча турнирге катышты

00

Белгилүү болгондой, 23-февраль - "Ата Мекенди коргоочунун күнүнө" карата "Аккула" ат майданында көк бөрү боюнча турнир болуп, оюнга Кыргыз Өкмөтүнүн, Жогорку Кеңештин, Жаштар иштери, дене тарбия жана спорт агенттиктин жана Жалпыга маалымдоо каражаттарынын командалары катышты. Өкмөт курама командасын вице-премьер Замирбек Аскаров, ал эми депутаттар командасын спикер Дастан Жумабеков баштап чыкты.

 

Матфакта "Мекенди коргоочунун күнү" белгиленди

00

2019-жылдын 22-февралында математика жана информатика факультетинде "Мекенди коргоочунун күнү" белгиленип, иш чарага дене тарбия жана спорт кафедрасынын башчысы Шаршен Абдыкеримов менен кафедранын окутуучусу Бакыт Кадыров чакырылды. Декандын м.а. Изат Усенов мындай жолугушуулар жаш студент-спортсмендерге дем берип, дүйнөлүк аренада чоң-чоң ийгиликтерди жаратуусуна түрткү болоорун белгиледи. 

 

СГИФ студенттери Ооган согушунун ардагерлери менен жолугушту

00

2019-жылдын 21-февралында социалдык-гуманитардык илимдер факультетинде "Ата Мекенди коргоочунун күнүнө" карата Ооган согушунун ардагерлери, «Кызыл Жылдыз» ордени менен бир нече медалдардын ээси Доолокеев Кубатбек жана «За отвагу» медалынын ээси Тешебаев Сагынбай менен жолугушуу болду. Ардагерлер студенттерди атуулдукка, Мекенди сүйүүгө үндөп, өз өмүр баяндарынан кыскача айтып беришти жана, студенттердин берген суроолорунан улам, ордендери менен медалдарынын таржымалдарына да токтолушуп, согуштун каардуу учурларын эскерип өтүштү.

 

КУУда "Тилдер фестивалы" болуп өттү

0

2019-жылдын 21-февралында башкы окуу имаратындагы чоң жыйындар залында "Эне тилдин эл аралык күнүнө" карата мамлекеттик тил бөлүмү жана факультеттер аралык чет тилдер кафедрасы тарабынан уюштурулган "Тилдер фестивалы" болуп өттү. Иш чараны кириш сөз менен мамлекеттик тил жана тарбия иштери боюнча проректор Садык Алахан (Тиллебаев) ачты. Жыйындын катышуучуларын "Эне тилдин эл аралык күнү" менен КР Президентинин алдындагы Мамлекеттик тил боюнча улуттук комиссиянын жетектөөчү адиси Кутмырза Жакыбалиев жана поляк  диаспорасынын төрайымы Зенона Бегалиева-Шлензак айым куттукташты.

 

Журналистика факультетинде "Ата Мекенди коргоочунун күнү" белгиленди

00

2019-жылдын 19-февраль күнү башкы имараттагы чоң жыйындар залында журналистика факультетинин мезгилдүү басма сөз кафедрасы тарабынан "Ата Мекенди коргоочунун күнүнө" карата майрамдык иш чара өткөрүлдү. Административдик жана чарба иштери боюнча проректор Туратбек Суранаев чакырылган меймандарды жана жыйындын катышуучуларын майрам менен куттуктап, Мекенди коргоо - ар бир кыргыз жигитинин ыйык милдети экенин белгиледи.

 

КУУнун студенттер кеңеши "Кайрымдуулук жумалыгын" өткөрдү

0002019-жылдын 11-15-февраль күндөрү студенттер кеңеши тарабынан "Кайрымдуулук жумалыгы" жарыяланып, каражат чогултуу үчүн университеттин ар бир имаратына кутулар коюлду жана жарманкелер уюштурулду. Жумалык ичинде кайрымдуу инсандар менен студенттер кеңешинин мүчөлөрү тарабынан акча, кийимдер, оюнчуктар, азык-түлүктөр ж.б. каражаттар чогултулду. 14-февраль күнү студенттер кеңешинин мүчөлөрү Беловодск мектепке чейинки балдар үйүнө (1-6 жаш) жана Беловодск психоневрологиялык балдар үйүнө (4-18 жаш) барып, жардам көрсөтүп келишти.

 

Менталдык арифметика деген эмне? (толукталды)

00

Бул суроонун жообун маалыматтык жана инновациялык технологиялар факультетинин студенттери 2019-жылдын 20-февралында башкы имараттагы 123-дарсканада болуп өткөн "Менталдык арифметиканын адамдын интеллектуалдык өнүгүшүндөгү ролу" деген семинарда алышты. Программалык инженерия жана инновациялык технологиялар кафедрасы тарабынан уюштурулган иш чарада алар о.э. Кытайдын билим берүү системасы тууралуу да малымат алышты.

 

КУУда ЖОЖ окутуучуларынын илимий ишмердүүлүгүн өркүндөтүүнүн багыттары талкууланды

00

2019-жылдын 19-февраль күнү башкы имараттагы чоң жыйындар залында факультеттер аралык мамлекеттик тил кафедрасы тарабынан уюштурулган “Жогорку окуу жайлардын профессор-окутуучуларынын илимий ишмердүүлүгүн ааламдашуу мезгилинде өркүндөтүүнүн багыттары” аттуу академиялык семинар болуп өттү. Жыйынга мамлекеттик тил жана тарбия иштери боюнча проректор Садык Алахан (Тиллебаев) катышып, куттуктоо сөзүн айтты.

 

Математиктерди эне тилдин эртеңкиси ойлондурат

00

Математика жана информатика факультетинде 21-февралда белгиленүүчү "Эне тилдин эл аралык майрамына" карата "Эне тилди сактайбыз" аталышындагы адабий кече болуп өттү. Студенттер Мамраимова Хидоятхон өзбек тилинде, Мусаев Навруз тажик тилинде, Лещева Мария орус тилинде иш чаранын катышуучуларын бүгүнкү майрам менен куттукташса, 4 курстун студенти Усаров Нурмухаммед коомдогу терс көрүнүштөргө токтолду.

 

Алгебра, геометрия, топология жана жогорку математиканы окутуу кафедрасынын бюллетени жарык көрдү

00

Жыйнакта кафедранын тарыхы, 2018-2019-окуу жылында аткарылган окуу-усулдук иштер, илимий-изилдөө иштери, коомдук жана тарбиялык иштер, кафедра окумуштууларынын эл аралык конференцияларда жасалган баяндамалары, Scopus жана Web of Science базаларына кирген илимий журналдарда жарыяланган макалалары, 2018-жылы жарык көргөн окуу-усулдук куралдар, о.э. кафедранын эл аралык мамилелери жана бүтүрүүүлөрү тууралуу маалымат берилет. 

 

Тарых жана чөлкөм таануу факультетинин 1-курс студенттери "Ата-Бейит" комплексине барышты

00

2019-жылдын 16-февраль күнү тарых жана чөлкөм таануу факультетинин 1-курс студенттери окутуучулар Жолдошев Рыскул жана Алымкожоев Өмүрбектин жетекчилигинде "Ата-Бейит" мемориалдык комплексине экскурсияга барып, комплекс менен таанышты жана комплекске тиешелүү музейдеги экспонаттар тууралуу да кенен маалымат алышты. Иш чара тарыхый инсандардын арбагына багыштап куран окуу менен жыйынтыкталды.

 

Тарых жана чөлкөм таануу факультетинде кытай жаңы жылы белгиленди

00

2019-жылдын 15-февралында тарых жана чөлкөм таануу факультетинин чөлкөм таануу жана кыргыз таануу кафедрасынын кытай тилинен берген окутуучулары жана кытай тилин окуган студенттери тарабынан “Кытай жаңы жылы” аталышындагы иш чара өткөрүлдү. Кеченин жүрүшүндө студенттер кытай элинин маданияты, тарыхы, искусствосу тууралуу концерттик номерлерди көрсөтүштү, кафедранын башчысы Омурова Жамыйкат жана окутуучулары куттуктоо сөздөрүн айтышты.

 

Физика жана электроника факультети – тогуз коргоол боюнча КУУнун чемпиону!

00Факультеттер арасында өткөрүлгөн “Ден соолук-2019” спартакиадасында физика жана электроника факультетинин тогуз коргоол боюнча кыздар командасы 1-орунга ээ болуп, “КУУнун чемпиону” аталды. Команданын курамында тарбия иштери боюнча декандын орун басары Бакирова Элизат менен лаборант Жамансартова Азиза ойношту. Факультет жамааты өз командасын бул ийгилик менен чын жүрөктөн куттуктап, мындан аркы спорттук ийгиликтерди каалайт.

 

КУУда Советтик аскерлердин Афганистандан чыгарылышынын 30 жылдыгы белгиленди

002019-жылдын 14-февраль күнү башкы имараттагы чоң жыйындар залында Советтик аскерлердин Афганистандан чыгарылышынын 30 жылдыгына арналган "1979-1989-жылдардагы Афган согушу: баары үчүн бүтпөй калган согуш" аталышындагы илимий-практикалык конференция болуп өттү. Жыйынга интернационалист жоокерлер, афган согушуна катышкан ЖК депутаттары Кожобек Рыспаев, Кенжебек Бокоев, согушка катышкан жоокерлердин ата-энелери, окутуучулар жана студенттер катышты.

 

Юридикалык факультеттин студенттери Жогорку Кеңеште экскурсияда болушту

00

2019-жылдын 12-13-февраль күндөрү юридикалык факультеттин 1-курс студенттери Жогорку Кеӊешке экскурсияга барышты. 12-февраль күнү алар депутат Дастан Бекешов, анын эртеси депутат Исхак Пирматов менен жолугушуп, парламенттин тармактык комитеттеринин, депутаттардын иши тууралуу  маалымат алышты. Жолугушуунун жүрүшүндө депутаттар мамлекеттеги көйгөйлөр, жүрүп жаткан  реформалар, өзгөрүүлөр тууралуу кеп кылып, студенттердин суроолоруна жооп беришти. 

 

МжМБ факультетинин студенттери Афган согушунун себептери менен кесепеттерин талкуулашты

00

2019-жылдын 12-февраль күнү мамлекеттик жана муниципалдык башкаруу факультетинде совет аскерлеринин Афганистандан чыгарылышынын 30 жылдыгына карата «Афган согушунун себептери жана кесепети» аталышындагы студенттер аралык илимий семинар болуп өттү. Жыйында факультет деканы Кундузгүл Базакеева, кафедра башчылары Издевалды Искаков менен Гүлсайра Нурматова сөз сүйлөшүп, бул согуш жалпы совет эли үчүн кыйын болгондугун, ошондуктан аны ар дайым эстеп туруу зарыл экендигин белгилешти. 

 

Журналистика факультетинде Афган согушун эскерүү сабагы болуп ѳттү

002019-жылдын 7-февраль күнү журналистика факультетинде Афганистандагы согуштан Советтик аскерлердин чыгып кеткендигинин 30 жылдыгына карата эскерүү сабагы болуп ѳттү. Иш чарага аталган согуштун ардагерлери Таштанбаев Орозбек, Абдиев Асан жана Чотуров Алмазбек агалар катышып, 1-2-3-курс студенттерине согуштун себептери, жоокерлердин азаптуу, кайгылуу күндѳрү, досторун жоготуулары, энелердин санаасы, тилеги жѳнүндѳ кеңири маек куруп беришти. 

 

Практик-психолог Т.Гаипбердиев СГИФ жана КФФтин студенттери менен жолугушту

00

2019-жылдын 7-февраль күнү 5-окуу имаратынын 218-дарсканасында Москва шаарында эмгектенген практик-психолог Турдумамат Гайыпбердиев социалдык-гуманитардык илимдер факультети менен кыргыз филологиясы факультетинин студенттери  менен жолугушту. Иш чараны мамлекеттик тил жана тарбия иштери боюнча проректор Садык Алахан (Тиллебаев) сөз сүйлөп, ачып берген соң, Турдумамат Гайыпбердиев «Ийгиликтин ачкычы», «Ден-соолуктун бекемдиги», «Үй-бүлөнүн идеалдуулугу», «Кызыктуу жумуш», "Активдүүлүк", "Демилгелүүлүк" деген темаларда кызыктуу маек куруп, катышуучулардын суроолоруна жооп берди.

 

БжБ факультетинин студенттери иш кагаздарын жүргүзүү боюнча маалымат алышты

00

2019-жылдын 7-февралында Мамлекеттик архивдин иш кагаздарын жүргүзүү бөлүмүнүн кызматкерлери Ж.Байбулатова, Ч.Азизбекова жана Э.Эсенаманова башкаруу жана бизнес факультетинин окутуучулары менен студенттери үчүн “Кыргыз Республикасында иш кагаздарын жүргүзүү” боюнча лекция өтүштү. Иш чарага факультет деканы М.Керимкулова, факультеттер аралык мамлекеттик тил кафедрасынын башчысы Г.Осмоналиева катышты.

 

Мамэкотехинспекциянын маалымат катчысы журфактын студенттерине мастер-класс өттү

00

2019-жылдын 7-февралында башкы имараттагы кичи жыйындар залында Мамэкотехинспекциянын маалымат катчысы Анара Мамбеталиева журналистика факультетинин студенттери үчүн "Коррупция менен күрөшүүдөгү журналисттин ролу" аттуу мастер-класс өттү. Жарнама жана коомчулук менен байланыш кафедрасынын демилгеси менен уюштурулган иш чаранын жүрүшүндө студенттер 2 редакциялык топко бөлүнүп, ойдон чыгарылган коррупциялык көрүнүштү ачыктоого аракеттеништи.

 

Страница 5 из 17

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Баннер
Баннер
Сейчас 441 гостей онлайн
Баннер
Баннер

Пресс меню

Администратордон

Студенттердин ?-лору

  • Модератор 04.09.2018 09:01
    Окуу бөлүмүнөн билдиришкендей, которулса болот. Ал үчүн адегенде 1-курстун контрагын төлөп, андан ...

    Подробнее...

     
  • Модератор 27.08.2018 10:21
    Окуу бөлүмүнөн билдиришкендей, КУУдагы бардык которуулар 27-августтан 27-сентябрга чейин ишке ашырылат.

    Подробнее...

     
  • Аид 27.12.2017 00:35
    Саламатсызбы! R.knu.kg сайты иштебей жатат. Экзаменден канча баа алганымды билбей жатам. Логин парольуму ...

    Подробнее...

Абитуриенттердин ?-лору

  • Модератор 04.09.2018 09:09
    1) Окуу бөлүмүнөн билдиришкендей, кайра ордуна келүүгө болот, 27-сентябрга чейин. 2) Ал үчүн адегенде ...

    Подробнее...

     
  • Модератор 27.08.2018 10:26
    1-сентябрда эле келесиз. 1) Мүмкүн 2) Окуу бөлүмүнөн билдиришкендей, КУУдагы бардык которуулар ...

    Подробнее...

     
  • Модератор 26.01.2018 13:17
    9-бүтүп КУУнун колледждерине гана тапшыра аласыз. Факультеттерге тапшыруу үчүн аттестат керек. Эгер ...

    Подробнее...

Бүтүрүүчүлөрдүн ?-лору

  • Модератор 04.09.2018 09:21
    Билим тууралуу документтерди даярдоо жана чыгаруу бөлүмүнө кайрыласыз. Тел.: 32-20-74, 61-45-04 Окуу ...

    Подробнее...

     
  • ОПВДОО 04.01.2018 10:34
    Маалымат алуу учун, КУУнун пландоо болуму менен байланышыныздар

    Подробнее...

     
  • aman 19.12.2017 20:13
    Физика жана электроника факультетинде 4 - курста билим алып жатам. Ююджеттик орунда. Мен контрактын ордун ...

    Подробнее...

Пикирлер жана сунуштар

  • Student 07.04.2018 18:22
    Урматтуу ректор бул айтылгандын баары чындык. Булардын баарын оз козунуз менен коруп, студенттердин ...

    Подробнее...

     
  • Айзада 07.04.2018 17:09
    Здравствуйте Канат Жалилович и Урмат Олжобекович я студентка ФИЯ 3-Курс...Как всем известно 3- корпус ...

    Подробнее...

     
  • Гулкайыр 28.03.2018 17:38
    Саламатсыздарбы !!! мен КУУ нун Чет тилдер факультетинде 3 корпуста окуйм. Биз контракт төлөйбүз ...

    Подробнее...

Биздин өнөктөштөр

Баннер
Баннер
Баннер
Баннер
Баннер