2023-жылдын 25-майында кесиптик колледждин котормо иш бөлумунун биринчи курстарынын ортосунда "Кыргыз адабияты" сабагы боюнча “Кыргыз бол!”деген темада таймаш болуп өттү. Иш-чара жаш муундарды кыргыз нарк-дөөлөттөрүн улап кетүүгө үйрөтүү максатында уюштурулуп, "Саламдашуу", "Макалдар", "Элдик салт", "Ч.Айтматовдун чыгармалары", "Элдик бий", "Элдик инструментте ойноо", "Элдик ыр", "Фольклордук чыгармалар", "А.Осмоновдун обондуу ырлары", "Сыноо үчүн суроо" жана "Дастан айтуу" деген тапшырмаларды камтыды. Таймаштын жыйынтыгы менен ИЯ-1-22 группасы биринчи, ПД-3-22 группасы экинчи орунду ээледи.

Студенттердин таймашы курч деңгээлде кызыктуу өтүп, ар бир аткарган ролдорунда эсте калаарлык учурлар болду.

Президент Садыр Жапаровдун “Инсандын руханий-адеп-ахлактык өнүгүүсү жана дене тарбиясы жөнүндө” жарлыгын аткаруу максатында өткөрүлгөн иш-чара көрсөтмөлүү болгондугу менен студенттердин эсинде калды.

Муратова Саадат - илим изилдөөчү