Мамлекеттик тилди Улуттук университетте жайылтуу жана ал аркылуу билим берүүнүн сапатын жогорулатуу максатында жыл сайын окуу жылынын аягында ѳткѳрүлүүчү мониторинг уланууда. 2023-жылдын 13-мартында КУУнун мамлекеттик тил жана тарбия иштери боюнча проректору, мониторинг жүргүзүү боюнча комиссиянын төрагасы Садык Алахан баштаган комиссия башкаруу жана бизнес факультетинде болушту. Кафедралардын ички иш кагаздарын, жумушчу программалар, ОМК, протоколдор, илимий иштер каралып, коммерция маркетинги жана логистика кафедрасы 12-апрелде кайрадан текшерүүдѳн ѳтѳ турган болду. 15-март күнү кыргыз-европа факультети,17-март күнү эл аралык мамилелер жана чыгыш таануу факультеттери каралды. 

Аталган 2 факультетте кыргыз топтор жок болсо да ОМК, жумушчу программалар кыргыз, орус тилинде бар. Жумушчу программалар эски үлгү менен даярдалган, протоколдор аралаш жазылган. Билдирүү, студенттер менен болгон ички иш кагаздар мамлекеттик тилде жазылып жатканы байкалды. Жумушчу пргораммалар окуу бѳлүмү тарабынан даярдалып, окуу жайдын сайтында мамлекеттик жана расмий тилде  макети турса да, жаңы талаптарга ылйык иштелип чыккан эмес. Буга чейин кабарлангандай, мониторинг март-апрель айларында окуу жайдын бардык түзүмдѳрүндѳ ректордун буйругу менен бекитилген график боюнча ѳткѳрүлѳт.

Мырзагулова Д.К. - мамлекеттик тил секторунун башчысы