2023-жылдын 8-март күнү №7-жатакананын кыздары арасында Аялдардын эл аралык күнүнө карата “Ажарлуу айым” сынагы өткөрүлдү. Сулуулар таймашына ар бир кабаттан 2ден кыз катышты. Катышуучулар "Саламашдашуу, дефиле", "Суроо-жооп", Кыздар ашканада", "Мода 2023", "Үй тапшырма (ар улуттун бийи)" деген тапшырмаларды атакарышып, жыйынтыгында 1-орунду Акжолтой кызы Диана ээлеп, 3000сом акчалай сыйлык, жатакананын логотиби түшүрүлгөн лента, о.э. Ташкент шаарына жана Ала-Арча паркына фотосессияга жолдомо алды. 2-орун алган Тынчтыкова Пери 2000 сом, диплом, Алматы шаарына жолдомо жана 3-орунду ээлеген Бекбосунова Алия 1000 сом, диплом, Ала-Арча паркына фотосессияга жолдомо жана бизнес-тренинг курсуна 50% женилдиги бар сертификат менен сыйланды.

Жатакана балдары демөөрчүүлүк кылган сынактын бардык катышуучуларына жатакананын студенттик кеңешинин төрагасы Акматбеков Жакшыбек сертификаттарды тапшырды.

Көпчүлүктүн кызуугусун жараткан “Интернет жылдызы” наамына Талантбек кызы Тахмина татып, 1000 сом, диплом, жатакана логотиби түшүрүлгөн лента жана бизнес-тренинг курсуна 50% женилдиги бар сертификат менен сыйланды.

Алимкулова Назбийке менен Куватбекова Медина 500 сом, ыраазычылык кат жана бизнес-тренинг курсуна 50% женилдиги бар сертификатка ээ болушту.

Жакшылык кызы Асель - жатакананын коменданты