Шаршемби, Сентябрь 23, 2020

КУУдагы соңку жаңылыктар

КУУда Түркия Республикасынын негизделишинин 96 жылдыгы белгиленди (толукталды)

00

2019-жылдын 28-октябрында башкы имараттагы чоң жыйындар залында Түркия Республикасынын негизделишинин 96 жылдыгына арналган салтанаттуу жыйын болуп өттү. Жыйынга Түрк элчисинин билим берүү боюнча кеңешчиси Харун Карджы мырза, Элчиликтин билим берүү бөлүмүнүн жооптуу катчысы Абдугапар Хайткулов, TTÖMER билим берүү борборунун директору Ахмет Гёзюбол мырза, анын орун басары Филиз Явуз айым, Анадолу кыргыз-түрк лицейинин директору Ибрахим Бенли мырза, Анадолу кыргыз-түрк кыздардын кесиптик лицейинин директору Йелиз Кая айым, ТИКАнын программалык координаторунун жардамчысы Фатих Абдичетин мырза жана проекттери боюнча менеджери Санжар Алтымышев катышты.

 

Бекжан Темиров Пуатье шаарындагы Рене Декарт университетинен келген делегацияны кабыл алды

00

2019-жылдын 28-октябрь күнү окуу иштери боюнча проректор Бекжан Темиров Франциянын Пуатье шаарындагы Рене Декарт университетинин экономика факультетинин профессору Филипп Рожон мырза менен Борбордук Азия университеттеринин студенттери жана окутуучулары менен алмашуу бөлүмүнүн координатору Личия Бажини айымды кабыл алды. Жолугушууда Улуттук университетте ишке ашырылып жаткан Эразмус+ программасынын улантылышы жөнүндө пикир алышуу болду. 

 

Журфактын студенттери Нур-Султан шаарында сапаттуу контент даярдоонун жолдорун үйрөнүштү

00

2019-жылдын 25-27-октябрында Казакстандын борбору Нур-Султан шаарында Кыргызстан, Казакстан, Тажикстан, Өзбекстандан келген болочок журналисттер үчүн тренинг болуп, иш чарага журналистика факультетинин деканы Айна Дуйшекеева, 4-курс студенти Рузалия Тыналиева, 3-курс студенттери Зарина Сыдыгылиева, Майсалбек уулу Ильгиз жана Мухтарбек кызы Мунайым катышып келишти. “Кабар Азия” медиа-мектебинин адистери аларга фейк маалыматтарды ажыратуу жана медиа каражаттары үчүн сапаттуу контентти даярдоо ыкмалары менен жолдорун үйрөтүштү.

 

Геофактын студенттери Кочкор районундагы лицейдин аймагына бактарды отургузушту

00

2019-жылдын 26-октябрында география, экология жана туризм факультетинин студенттери жана токой чарбасы боюнча Германиядан келген магистрлер физикалык география кафедрасынын башчысы Кендирбаева Алмагүл, ага окутуучу Авазов Сагын жана картография лабораториясынын башчысы Эскенгул уулу Теңдик менен бирге Кочкор районундагы Жаманкул Тойгонбаев атындагы 15-кесиптик-лицейдин аймагына ар түрдүү бактарды отургузушту.

 

КУУнун профессору ММУдагы илимий конференцияга катышып келди

002019-жылдын 24-25-октябрында юридика факультетинин жазык процесси жана соттук экспертиза кафедрасынын профессору Бактыбек Батырбаев М.В.Ломоносов атындагы Москва мамлекеттик университетинде болуп өткөн белгилүү окумуштуу- процессуалист Михаил Соломонович Строговичтин 125 жылдыгына арналган “«Кылмыш процессинин табияты жана таймашуу принциби” аттуу илимий конференцияга катышып келди.

 

КУУда илимий-педагогикалык кадрларды даярдоону өркүндөтүү маселелери талкууланды

00

2019-жылдын 24-октябрында башкы имараттагы кичи жыйындар залында социалдык-гуманитардык илимдер факультетинин жогорку мектептин педагогикасы кафедрасы тарабынан "Көп деңгээлдүү билим берүүгө өтүү шарттарында илимий-педагогикалык кадрларды даярдоону өркүндөтүү" деген эл аралык илимий-практикалык конференция өткөрүлдү. Жыйынды факультет деканы Камчыбек уулу Мырзабек ачып, окуу иштери боюнча проректор Бекжан Темиров куттуктоо сөзүн айтты.

 

КУУда "Японияда билим алуу" деген аталыштагы жарманке болуп өттү

00

2019-жылдын 24-октябрь күнү башкы имаратта "Японияда билим алуу" деген аталыштагы жарманке болуп өттү. Иш чарага катышууга келген Хиросима университетинин профессору Коичи Като мырзаны, Цукуба университетинин доценти Муцущита Рей мырзаны жана эл аралык бөлүмүнүн кызматкери Ямазаки Хироко айымды окуу иштери боюнча проректор Бекжан Темиров кабыл алды. Жолугушуудан кийин, жапон университеттеринин өкүлдөрү чоң жыйындар залында студенттерге өз окуу жайлары жөнүндө айтып берип, 2-кабаттагы фойеде буклеттерди таратып, суроолорго жооп берип, үгүт иштерин жүргүзүштү.

 

Геофактын студенттери УИАдагы "Илбирсти коргоо күнүнө" катышып келишти

00

2019-жылдын 23-октябрында география, экология жана туризм факультетинин Э-1-17 группасынын студенттери УИАнын суу көйгөйлөрү жана гидроэнергетика институтуна барып, "23-октябрь - Илбирсти коргоонун эл аралык күнүнө" арналган иш чарага катышып келишти. Жыйынды аталган институттун директору Догдурбек Чонтоев ачып, факультеттин ага окутуучулары Ж.Чуңгулов, М.Касымов илбирсти коргоо боюнча кыскача баяндама жасашты. Студенттер о.э. илбирстин жана башка жаныбарлардын айкели түшүрүлгөн эстеликтин орнотулушуна күбө болушту.

 

Журналистика факультетинин 1-курс студенттери үчүн тосуп алуу аземи өткөрүлдү

00

2019-жылдын 22-октябрь күнү башкы имараттагы чоң жыйындар залында журналистика факультети салтка айланып калган 1-курс студенттерин тосуп алуу аземин өткөрдү. Кечээки абитуриент, бүгүнкү студенттерди Улуттук университетте билим алып жаткан жаштардын катарына кошулушу менен факультет деканы Айна Дүйшекеева куттуктап, алардын "КУУнун студенти" деген наамга татыктуу билим алып, коомдо болуп жаткан окуяларды өз убагында, так жана туура чагылдырган кесипкөй журналисттерден болушуна тилектеш экендигин билдирди.

 

Журналистика факультетинин "Баласагын ТВ" телестудиясы үчүн 6 диван сатып алынды

00

2019-жылдын 21-октябрь күнү Улуттук университеттин жетекчилиги тарабынан журналистика факультетинин "Баласагын ТВ" телестудиясы үчүн 6 диван сатып алынып, аталган студия жайгашкан бөлмөгө жайгаштырылды. Эгер буга чейин Кореянын Кемен университетинин демөөрчүлүгү менен видеокамералар, монтаж үстөлдөрү ж.б. студияга керектүү шаймандар сатып алынып, иштеп жатканын эске алсак, эми факультет студенттеринин жаңы телестудияда ыңгайлуу шарттарда чыгармачылык менен иштөөсүнө, практикалык жөндөмдөрүн арттырууга жакшы шарттар түзүлдү деп айтууга болот.

 

МжМБФ студенти Тендиков Бекзат эркин күрөш боюнча университеттин намысын коргоодо

00

Мамлекеттик жана муниципалдык башкаруу факультетинин 1-курс студенти Тендиков Бекзат 2019-жылдын 19-октябрь күнү эркин күрөш боюнча Кыргыз мамлекеттик дене-тарбия жана спорт академиясынын «Күрөш» кафедрасы тарабынан уюштурулган мелдеште 97 кг салмакта Улуттук унивеситеттин атынан чыгып, 2-орунду ээледи. Ал о.э. 14-октябрда Нарын шаарындагы С.Бекмамбетов атындагы олимпиадалык резервдин адистештирилген спорт мектебиндеги эркин күрөш боюнча чоӊдор арасындагы мелдешке 97 кг салмак боюнча катышып, 3-орунду багындырган.

 

Кесиптик колледждин студенттери Беловодскийдеги балдар үйүнө барып келишти

00

2019-жылдын 19-октябрында кесиптик колледждин студенттери педагогикалык факультеттин студенттери менен биргеликте Беловодскийдеги балдардын психоневрологиялык социалдык стационардык мекемесине барып келишти. Студенттер ал жерде тарбияланып жаткан мүмкүнчүлүгү чектелген жеткинчектерге азык-түлүк, белектерин тапшырып, балдарды кубантышты. Мекеме жетекчилиги КУУнун студенттерине кайрымдуулук иш-чараларды өткөрүп, балдардын көнүлүн көтөргөндүгү үчүн ыраазычылыгын билдирди. Студенттер о.э. балдар менен биргеликте түрдүү оюндарды ойноп, ыр, бийлерди тартуулашты. 

 

Профессор Жыргал Момбекованын “Кыргыз жана Кыргызстан тарыхы” аттуу китебинин бет ачаары болду

00

2019-жылдын 19-октябрында башкы имараттагы кичи жыйындар залында «Эне» кайрымдуулук фондунун президенти, профессор Момбекова Жыргал Канаевнанын “Кыргыз жана Кыргызстан тарыхы” аттуу китебинин бет ачаары жана эмгек жолунун 50 жылдыгына арналган конференция болуп өттү. Иш-чаранын алкагында КР Президентине караштуу Мамлекеттик тил боюнча улуттук комиссиянын төрагасы Назаркул Ишекеев “Эне” кайрымдуулук фондунун мүчөлөрү, СССРдин эл артисти Кайыргүл Сартпаеваны, профессор Роза Айтматованы, доцент Мария Анарбекованы, иш-чаранын ардактуу коногу Сабира Чыпыеваны, тарых жана чөлкөм таануу факультетинин профсоюз уюмунун төрагасы Калыйкан Мамбетованы аталган комиссиянын “Кыргыз тил” төш белгиси ” менен сыйлады.

 

КУУда теоретикалык жана колдонмо математиканын актуалдуу проблемалары талкууланды

00

2019-жылдын 18-октябрында башкы имараттагы чоң жыйындар залында көрүнүктүү окумуштуу жана педагог, профессор Леонид Евгеньевич Кривошеиндин 100 жылдыгына арналган "Теоретикалык жана колдонмо математиканын актуалдуу проблемалары" аттуу эл аралык илимий-практикалык конференция болуп өттү. Жыйынды мамлекеттик тил жана тарбия иштери боюнча проректор Садык Алахан (Тиллебаев) ачып, Леонид Евгеньевич баскан-турганы, студенттер менен болгон мамилеси эле жаштарга тарбия болчу нукура педагог, насаатчы болгонун, анын эмгектери КУУнун эле эмес, бүт Кыргызстандын илимин өнүктүрүүгө зор салым кошконун белгилеп, конференциянын ишине ийгиликтерди каалады.

 

Кесиптик колледжде «Мыкты бөлмө» сынагынын жыйынтыгы чыгарылды

00

2019-жылдын 17-октябрь күнү студенттерди тазалыкка, тартиптүүлүккө тарбиялоо максатында №7-жатаканадагы кесиптик колледждин студенттерине тиешелүү бөлмөлөр арасында өткөрүлгөн «Мыкты бөлмө» сынагынын жыйынтыгы чыгарылып, жеңүүчүлөр баалуу белектер жана китептер менен сыйланды. Директордун мамлекеттик тил жана тарбия иштери боюнча орун басары Мирбек Шарабидинов уюштурган сынакка кесиптик колледждин директору Аскар Акматов өзү демөөрчүлүк кылды.

 

КУУнун ректору Кореянын Кукмин университетинен келген делегацияны кабыл алды

00

2019-жылдын 17-октябрында КУУнун ректору Канат Садыков Кореянын Кукмин университетинин эл аралык кызматташтык департаментинин начальниги Ли Донг Ын айым баштаган делегацияны кабыл алды. Жолугушуунун жүрүшүндө билим берүү тармагында Кыргыз улуттук университети менен Кукмин университетинин ортосунда  кызматташтыкты орнотуу маселелери талкууланып, Канат Садыков менен Ли Донг Ын айым тиешелүү келишимге кол коюшту.

 

Тарых жана чөлкөм таануу факультетинин 1-курс студенттери тосуп алынды

00

2019-жылдын 16-октябрында Бишкек шаарындагы "Элим" ресторанында тарых жана чөлкөм таануу факультетинин 1-курс студенттерин тосуп алуу аземи болуп өттү. Иш чаранын жүрүшүндө факультеттин окутуучулар жамааты жана студенттер 1-курстардын концерттик программасына күбө болушту. Окутуучулар тарабынан студенттерге карата каалоо-тилектер айтылып, факультеттин бүтүрүүчү курсунун активдүү студенттерине ыраазычылык баракчалары жана белектер тапшырылды.

 

КУУда «Кыргыз-Казак - бир тууган» аттуу пикир талаш жыйыны болуп өттү

00

2019-жылдын 15-октябрында башкы имараттагы К.Ш.Токтомаматов атындагы санариптик технологиялар борборунда Казакстан Республикасынын Кыргыз Республикасындагы элчилиги менен Кыргыз Улуттук университети биргелешип уюштурган «Кыргыз-Казак - бир тууган» аттуу пикир талаш жыйыны болуп өттү. Иш чарага Казакстандын Кыргызстандагы элчиси Кайрат Нурпеисов, көрүнүктүү саясатчылар, коомдук ишмерлер, акын-жазуучулар жана журналистер катышты.

 

КУУда Турдакун Усубалиевдин 100 жылдыгына арналган илимий-практикалык конференция өткөрүлдү

00

2019-жылдын 15-октябрь күнү башкы имараттагы чоң жыйындар залында Кыргызстанды чейрек кылым башкарган көрүнүктүү мамлекеттик жана коомдук ишмер Турдакун Усубалиевдин 100 жылдыгына арналган илимий-практикалык конференция өткөрүлдү. Тарых жана чөлкөм таануу факультети тарабынан уюштурулган иш чараны КУУнун ректору Канат Садыков ачып,  1961-1985-жылдарда Кыргызстандын эл чарбасынын өнүгүшүндө Турдакун Усубалиевдин эмгеги баа жеткис экендигин белгилеп, тарыхый инсандары унутпай, келечек муундарга эскертип, окутуп туруу зарыл экендигин баса белгиледи.

 

КУУнун Камкорчулук кеңешинин кезектеги отуруму болуп өттү

00

2019-жылдын 15-октябрында ректораттын жыйындар залында Улуттук университеттин Камкорчулук кеңешинин кезектеги отуруму болуп өттү. Аталган кеңештин төрагасы Асылбек Токтогулов алып барган жыйында ректор Канат Садыков баяндама жасап, кеңештин мүчөлөрүн КР Президенти С.Ш.Жээнбековдун 2019-жылдын 6-февралында Бишкек шаарындагы жогорку окуу жайлар менен кесиптик-техникалык окуу жайлардын жетекчилери менен болгон жолугушуусунда берилген тапшырманын негизинде түзүлгөн Кыргыз улуттук университетинин стратегиялык өнүгүү планын аткаруунун жүрүшү менен тааныштырды.

 

МжМБ факультетинин балдар командасы - волейбол боюнча КУУнун чемпиону

00

2019-жылдын 9-14-октябрь күндөрү КУУнун студенттери арасында спорттун 14 түрү боюнча 69-спартакиада өтүп, мамлекеттик жана муниципалдык башкаруу факультетинин балдар командасы волейбол боюнча 1-орунду ээлешти. Алар жарым финалда математика  жана информатика факультетин утуп, финалдык беттеште экономика факультетин 2:1 эсебинде жеӊип, "Улуттук университеттин чемпиону" аталышты. Факультеттин жетекчилиги волейбол боюнча балдар командасынын ийгилиги менен куттуктап, мындан ары да ийгиликтерди каалайт.

 

Геофактын волейбол боюнча кыздар командасы КУУнун чемпиону аталды

00

2019-жылдын 9-октябрынан 14-октябрына чейин КУУнун студенттери арасында спорттун 14 түрү боюнча 69-спартакиада өтүп, география экология жана туризм факультетинин волейбол боюнча кыздар командасы 1-орунду ээлешти. Алар группалык оюндарда ФИиТ жана ФУиБ факультеттерин 2:0, жарым финалда юридикалык факультетти 2:0, ал эми финалдык оюнда 3 жылдан бери чемпион болуп келе жаткан химия жана химиялык технология факультетинин кыздарын 2:0 эсебинде жеңип чыгып, "Улуттук университеттин чемпиону" аталышты. 

 

Математика жана информатика факультетинин дебатчылары Жогорку Кеңешке экскурсияга барышты

00

2019-жылдын 14-октябрында математика жана информатика факультетинин "New Generation" дебаттык клубунун мүчөлөрү Жогорку Кеңешке экскурсияга барып, депутаттардын иш бөлмөлөрү, жыйындар залы, парламенттик китепкана, намаз окуучу бөлмөлөр менен таанышып келишти. Иш чараны уюштурууга Жогорку Кеңештин Закир Шарапов чоң жардам берди. КУУнун студенттери депутаттардын кандай иштер менен алектенип, кандай ийгиликтерге жетишип жаткандыгы тууралуу жакындан таанышып, келечекте чыгаан инсандардын катарында болууга максат коюшуп, көптөгөн дем-күч менен кайтышты.

 

Геофактын студенттери - республикалык олимпиаданын жеңүүчүлөрү

00

География экология жана туризм факультетинин студенттери 2019-жылдын 11-12-октябрь күндөрү И.Арабаев атындагы Кыргыз мамлекеттик университетинде болуп өткөн III-республикалык олимпиадага катышып, женишке жетишти. Иш чарага 8 жогорку окуу жайынын студенттери катышып, 1-турда теориялык суроолорго, тест, контурдук карта боюнча тапшырмаларды, ал эми 2-турда Ала-Арча жаратылыш паркында болуп, ал жердин планы жана профили боюнча тапшырмаларды аткарышты.

 

Страница 11 из 32

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Баннер
Сейчас 401 гостей онлайн
Баннер
Баннер

Пресс меню

Администратордон

Абитуриенттердин ?-лору

  • Азиз 16.08.2020 23:39
    Здравствуйте! Можно ли поступить к вам на магистратуру? Можно ли это сделать онлайн и как? Я закончил ...

    Подробнее...

     
  • Роза 15.08.2020 11:02
    Саламатсыздарбы менин балам сиздердин окуу жайга тапшырды информатика и инновация технологии деди ...

    Подробнее...

     
  • Abdylda 29.07.2020 00:56
    Юфакультеттерди н ичинде максатту оорун дегенди тушундуруп береспи

    Подробнее...

Студенттердин ?-лору

  • Акылбек 19.08.2020 19:18
    Саламатсызбы? 2020-2021 окуу жылы кандай турдо болот?

    Подробнее...

     
  • Базарбек 22.06.2020 23:50
    Мен 2-курста мобильный студент программа боюнча Ошмуга 1 семестр окуп келдим. Бирок кнудагы отпой ...

    Подробнее...

     
  • жоомарт 22.06.2020 13:28
    мен 5 сабактан отпой калдым башка универге которулсам болову

    Подробнее...

Бүтүрүүчүлөрдүн ?-лору

  • Алтынбек 24.08.2020 15:50
    Здравствуйте. Как можно восстановиться? Если все корпусы закрыты?

    Подробнее...

     
  • Жанара 20.08.2020 18:13
    Можно ли забрать диплом другому человеку?

    Подробнее...

     
  • Алмазбек 21.06.2020 14:12
    Саламатсызбы, архвтик справка кантип алсак болот ушул жерде окуп бүткөн деген. Пенсияны документ ...

    Подробнее...

Пикирлер жана сунуштар

  • Ырыскул 24.05.2020 10:43
    Пересдача тапшырып жатканда жетише албай убакыт бүтүп калып,балл жетпей калды, дипломная защитага ...

    Подробнее...

Биздин өнөктөштөр

Баннер
Баннер
Баннер
Баннер
Баннер
Баннер
Баннер