Понедельник, Февраля 17, 2020
kg_m RU

Видео жаңылыктар (Баласагын ТВ + Басма сөз кызматы)

КУУдагы соңку жаңылыктар

Спорт - ден соолуктун, сулуулуктун булагы

00

2019-жылдын 23-мартында биология факультетинин биотехнология адистигинин 1-курс студенти Назима Ишеналиева «Тамекисиз спорт» деген ураан астында Кыргыз Республикасынын өкмөтүнө караштуу жаштар иштери, дене тарбия жана спорт боюнча мамлекеттик агенттигинин спорттун олимпиадалык түрлөрү боюнча дирекциясы тарабынан өткөрүлгөн кросс боюнча чемпионаттын 3 миӊ метр аралыкка чуркоо боюнча жарышында байгелүү 2-орунду жеӊип алды.

 

Биофактын жамааты 6-окуу имаратынын сейил багына көчөттөрдү отургузушту

002019-жылдын 22-мартында биология факультетинин окутуучулары менен студенттери университеттин ботаникалык бакчасынын кызматкерлери менен биргеликте №6-окуу имаратынын сейил багына 60тан ашык дарак, бадал жана жарым бадал формасындагы ак кайыӊ, каштан, зараӊ, катальпа жана гибискус сыяктуу көчөттөрдү отургузушуп, факультет студенттеринин камкордугуна өткөрүп беришти. Табиятка кам көрүү – өзүӊдүн бүгүнкүӊө жана келечегиӊе кам көрүү.

 

КУУнун жамааты Нооруз майрамын белгиледи

002019-жылдын 21-март күнү башкы имараттын алдындагы аянтчада КУУнун жамааты Нооруз майрамын белгиледи. Умай эне арча түтөтүп, салтанаттын катышуучуларын аластагандан кийин, Улуттук университеттин окутуучу, кызматкер жана студенттерин жаз майрамы менен окуу иштери боюнча проректор Бекжан Темиров жана бириккен кесиптик бирлик комитетинин төрагасы Кубанычбек Жумабеков куттукташты

 

ККДжКЖ факультетинде Нооруз майрамы өзгөчө өткөрүлдү

00

2019-жылдын 19-20-март күндөрү кадрларды кайра даярдоо жана квалификациясын жогорулатуу факультетинде “Нооруз” майрамы өткөрүлдү. Башка жылдардан айырмаланып, өзгөчө уюштурулган иш чараны факультет деканы Алайбек Шамшиев ачып, күн менен түн теңелген 21-март - чыгыш элдери кылымдар бою белгилеп келген Нооруз (“Жаңы күн”) майрамы менен окутуучулар жамаатын, студенттерди жана окуучуларды куттуктады.

 

Кыргыз-европа факультетинде Нооруз майрамына карата ачык сабак өтүлдү

00

2019-жылдын 20-март күнү кыргыз-европа факультетинин “Бизнес жана коммуникация” кафедрасынын кыргыз тил мугалими, ага окутуучу Чынара Эсентурова Нооруз майрамына карата 1-курстар үчүн ачык сабак өткөрдү. Иш чара кафедра башчысы, профессор Анара Камалованын аластоосу мене башталып, сабактын жүрүшүндө студенттер кыргыздын каада-салттарын, улуттук тамак-аштарын, элдик ыр, бийлерин көргөзүштү.

 

Нооруз кыргыз, орус, немис, француз жана англис тилдеринде майрамдалды

00

2019-жылдын 19-мартында 6-окуу имаратындагы 7-дарсканада табигый илимдер факультеттери үчүн чет тилдер кафедрасы математика жана информатика факультетинин 1-курс студенттери менен бирдикте "Нооруз-2019: Кыргыздын улуу маданияты, каада-салты - заманбап жаштардын көз карашы" аттуу кыргыз, орус, немис, француз жана англис тилдеринде адабий кече өткөрдү. Иш чарага аталган кафедранын жалпы жамааты, математика жана информатика факультетинин жетекчилери, окутуучулары жана студенттери катышты.

 

ККФ колледжинде жолдо жүрүүнүн эрежелери боюнча сынак өткөрүлдү

0

2019-жылдын 19-март күнү кыргыз-кытай факультетинин алдындагы колледжде жолдо жүрүүнүн эрежелери боюнча сынактын экинчи туру өткөрүлдү. Февраль айында болуп өткөн биринчи турга 1-курстар, ал эми бул жолкуда 2-курстар катышты. Командалар буклет, эмблема жакташты жана флеш-моб көрсөтүштү. Жыйынтыгында «Жол сакчылары» командасы алдыга озуп чыкты. Өзгөчө, жол кырсыгына учураган кыздын тагдыры тууралуу коюлган сценка көрүүчүлөрдүн көз жашын агызды.

 

КУУда Мамлекеттик тилди билүү деңгээлине коюлган жаңы талаптар талкууланды

00

2019-жылдын 19-мартында 5-окуу имаратындагы 218-дарсканада факультеттер аралык мамлекеттик тил кафедрасы «Мамлекеттик тилди билүү деңгээлине коюлган жаңы талаптар жана европалык шкала боюнча окутуу принциптери” аттуу окуу-методикалык семинар өткөрдү. Семинардын негизги лектору п.и.д, профессор Ж.А.Чыманов, анын ассистент-модератору аталган кафедранын башчысы, профессор Г.К.Осмоналиева болду.

 

ИжИТ факультетинде Нооруз майрамына карата салтанаттуу кече өткөрүлдү

00

2019-жылдын 19-мартында башкы имараттагы чоң жыйындар залында информациялык жана инновациялык технологиялар факультетинин жамааты Ноорузду шаңдуу тосту. Концерттик программа Умай-эненин аластап, өзүнүн жакшы батасын, каалоолорун айтуусу менен башталды. Андан кийин таланттуу студенттер өз өнөрлөрүн көрүүчүлөргө мыкты денгээлде тартуулап беришти. Иш-чаранын жүрүшүндө факультеттин таланттуу студенттерине мактоо баракчасы тапшырылды. 

 

Экономикалык колледждин жамааты ишембилик өткөрдү

00

2019-жылдын 18-мартында экономикалык колледждин студенттери жана окутуучулар жамааты окуу жайдын директору Аскар Акматов менен биргиликте ишембилик өткөрүштү. Уюшулган коомдук-пайдалуу жумуш учурунда 6А-окуу имаратынын алдына гүлдөр отургузулуп, көрктөндүрүү иштери аткарылды.

 

КУУнун чет өлкөлүк студенттери Ноорузду майрамдашты

02019-жылдын 18-март күнү башкы имараттагы 145-дарсканада эл аралык мамилелер факультети менен тилдерди үйрѳнүү борборунда окуп жаткан чет өлкөлүк студенттер кыргыз тили жана адабиятынын окутуучулары менен биргелешип Нооруз майрамына арналган иш-чара ѳткѳрүштү. Түштүк Корея, Кытайдан келип, кыргыз тилин үйрѳнүп жаткан студенттер кыргыз тилинде ырдап, макалдарды айтышып, адабий чыгармалардан кыскача үзүндүлѳрдү кызыктуу аткарып бере алышты.

 

Матфактын студенттик активи "Марва" телеканалындагы "Жаштар сүйлөсүн" теледебатына катышты

00

Математика жана информатика факультетинин "Жаңы муун" клубунун мүчөлөрү "Марва" телеканалындагы "Жаштар сүйлөсүн" теледебаттык көрсөтүүсүнө активдүү катышып келишти. КУУнун, БГУнун, КМУнун, Эл аралык башкаруу жана бизнес академиясынын студенттери менен белгилүү серепчилер Темирлан Акматов, Бакыт Асанов, Рыскул Смайлов, Каланбек уулу Элдияр катышкан дебатта "Жаштар убакытты туура пайдаланып жатабы?" деген теманын алкагында талкуу болду.

 

Педагогика факультети менен экономикалык колледжде ишембилик болуп өттү

00

«Сен таза болсоң, мен таза болсом, коом да таза болот» демекчи, 2019-жылдын 16-мартында педагогика факультети менен экономикалык колледжде ишембилик болуп өттү. Студенттер көрктөндүрүү жана санитардык тазалоо иштерин колго алып, 6А-окуу имаратынын айланасын тазалашып, дарактарды, отургучтарды сырдоо ишин жүргүзүштү.

 

КУУда факультеттер аралык “Акыл кенч” интеллектуалдык оюну өткөрүлдү

002019-жылдын 16-мартында коомчулук менен байланышуу жана жаштар иштери боюнча департаменти “Шам чырак” клубу менен биргеликте улуттук баалуулуктарды жайылтуу, мекенчиликке үндөө, студенттердин алган билимин практикада колдоно билүүсүнө жана изденүүсүнө шарт түзүү максатында факультеттер аралык “Акыл кенч” интеллектуалдык оюнун өткөрдү. Сынакка жалпысынан 21 команда катышты. Алар:

 

Улуттук университетте санитардык тазалоо жана көрктөндүрүү иштери аткарылды

00

2019-жылдын 15,16-март күндөрү Улуттук университетке тиешелүү жана жанаша жайгашкан аймактарда санитардык тазалоо жана көрктөндүрүү иштерин жүргүзүү максатында ишембилик өткөрүлдү. Уюшулган коомдук-пайдалуу жумушка 15-мартта студенттер, 16-мартта кызматкерлер чыгышты. Аткарылган иштердин жыйынтыгында окуу имараттарынын, жатаканалардын айланасы акыр-чикирден тазаланып, дарактар, бастырмалар, отургучтар сырдалды. 

 

ИжИТ факультетинде мини-футбол боюнча турнир өткөрүлдү

00

2019-жылдын 15-мартында №6-окуу имаратындагы футбол талаасында “Декандын кубогу” үчүн информациялык жана инновациялык технологиялар факультетинин 1-4 курс студенттеринин арасында кичи-футбол боюнча турнир өткөрүлдү. Аталган курстардын студенттеринен куралган 7 команда катышкан мелдештин жыйынтыгы төмөндөгүдөй болду: 1-орун - 4-курс (гр. ИСТ-15), 2-орун - 2-курс (гр. ПИ-17), 3-орун 2-курс (гр. ИБ-17).

 

“Эне” фонду «Дени сак жаштар - өлкөбүздүн келечеги» деген темада конференция өткөрдү

00

2019-жылдын 15-март күнү башкы имараттагы кичи жыйындар залында республикалык “Эне” кайрымдуулук фонду тарабынан «Дени сак жаштар - өлкөбүздүн келечеги» деген темада конференция өткөрүлдү. Жыйынга белгилүү коомдук ишмер, педагог, КР билим берүүсүнө эмгек сиңирген ишмер Роза Айтматова, Бишкек мэриясынын, туберкулез боюнча илим изилдөө институтунун, республикалык тери-венерологиялык диспансердин  өкүлдөрү жана укук таануучулар катышты.

 

Матфактын 1-курс студенттери "Манас айылына" экскурсияга барышты

002019-жылдын 13-мартында математика жана информатика факультетинин 1-курс студенттери "Манас айылы" этно-маданий борборуна экскурсияга барышты. Борбордун экскурсоводу студенттерге комплекстин мааниси, Манас баатырдын 40 чоросу тууралуу баяндап берди. Студенттер эми "Бурана" тарыхий-архитектуралык комплексине, "Ата-Бейит" мемориалдык комплексине жана "Ала-Арча" улуттук паркына да барууга даярданышууда.

 

Педагогика факультетинин деканы КУУнун студенттерине семинар-тренинг өттү

002019-жылдын 12-мартында башкы имараттагы кичи жыйындар залында интеллектуалдардын "Шам чырак" клубу менен педагогика факультетинин жаштар кеңеши тарабынан уюштурулган "Жолду баскан арбытат" аттуу семинар-тренинг болду. Сабакты педагогика факультетинин деканы, республикалык "Мугалим" илимий-педагогикалык журналынын редактору, билим берүүнүн мыктысы, педагогика илимдеринин кандидаты, профессор Рахат Сулайманова өттү.

 

КУУда “Жаз деми-2019” аттуу жатаканалар ортосундагы жарыш болду

00

2019-жылдын 12-мартында башкы имараттагы чоң жыйындар залында “Жаз деми-2019” аттуу жатаканалар арасындагы кароо-сынак болуп өттү. Жатаканалардын ортосундагы мамилени бекемдөө жана студенттердин окуудан тышкаркы коомдук, маданий иштерге активдүү катышуусуна өбөлгө түзүү максатында коомчулук менен байланышуу жана жаштар иштери боюнча департаменти тарабынан уюштурулган иш чарага №7-жатакананын бир, №5-жатакананын эки командасы катышты.

 

Жаш акындар жатаканага баш бакты

00

2019-жылдын 7-мартында № 5-жатакананын жыйындар залында "Ал мезгил менин эсимде..." аттуу адабий кече болуп, иш чарага Кыргыз Республикасынын эмгек сиңирген артисти, манасчы жана акын Рысбай Исаков  катышты. Ал адегенде өзү жөнүндө кыскача маалымат берип, студенттердин суроолоруна жооп берди, андан кийин өзүнүн калемине таандык ырларды окуп, "Манастан" үзүндү айтып берди. 

 

СГИФтин ага окутуучусу Сүйүнбай Гапаровдун окуу куралы жарык көрдү

00

2019-жылдын март айында социалдык-гуманитардык илимдер факультетинин философия, маданияттын теориясы жана тарыхы кафедрасынын ага окутуучусу Сүйүнбай Гапаровдун “Маданият таануу” аттуу окуу куралы жарык көрдү. Китепте маданият теориялык, методологиялык жана тарыхый өңүттө берилип, алгачкы коомдон тартып азыркы мезгилге чейинки маданияттын генезиси жана эволюциясы тарыхый-цивилизациялык контекстте көрсөтүлгөн.

 

Журфакка жазгы жаркын маанай тартуулаган Роза Айтматова…

00

2019-жылдын 7-март күнү 8-март - "Аялдардын эл аралык күнүн" утурлай журналистика факультетинин студенттери менен профессор Роза Төрөкуловна Айтматованын жолугушуусу болду. Мезгилдүү басма сөз кафедрасы тарабынан уюштурулган иш чараны факультет деканы Айна Дүйшекеева ачып, Айтматовдордун үй-бүлөсүндөгү төрт баланын белгилүү инсандар катары калыптануусунда алардын апасы Нагима Хамзиевнанын салымы зор экендигин баса белгиледи.

 

Окумуштуулар кеңешинин кезектеги отуруму болду

00

2019-жылдын 6-март күнү Окумуштуулар кеңешинин кезектеги отуруму болду. Аталган органдын төрагасы, КУУнун ректору Канат Садыков алып барган жыйында химия жана химиялык технологиялар, биология, кыргыз-европа факультеттеринин декандарынын, аспирантура жана докторантура бөлүм башчысынын  отчеттору угулуп, кышкы сессиянын жыйынтыгы жана окумуштуулук даражасы, наамы жана өкмөттүк сыйлыктарга байланышкан маселелер каралды. 

 

Страница 14 из 27

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Баннер
Баннер
Сейчас 518 гостей онлайн
Баннер
Баннер

Пресс меню

Администратордон

Студенттердин ?-лору

  • Алина 02.02.2020 19:24
    Здравствуйте, я еще 13го января написала заявление о переводе на другой факультет, но приказ от ректора ...

    Подробнее...

     
  • Мээрим 01.02.2020 11:24
    Здравствуйте, говорили стипендию повышают , значит мы будем получать больше 1000?

    Подробнее...

     
  • Айтбек 28.01.2020 21:35
    Саламатсыздарбы ! Мен ФИИТте окуйм. Бизге Алмазбекова деген эже сабак берет экен, бирок өзүн көрө ...

    Подробнее...

Абитуриенттердин ?-лору

  • Жанарбек 02.01.2020 23:47
    Каф деген факультет барбы? Дагы программировани е боюнча кандай факультеттер бар

    Подробнее...

     
  • Эсена 27.11.2019 17:05
    Саламатсызбы? Мен микро электрониканы 2009ж бутком, кайра эконофакка заочно тапшырсам кайсы документтер ...

    Подробнее...

     
  • Алсу 14.11.2019 02:22
    Здравствуйте. 1)Хотела узнать есть ли у вас бюджетные места для граждан РФ? 2) стипендии? 3) возможно ...

    Подробнее...

Бүтүрүүчүлөрдүн ?-лору

  • medina 06.01.2020 15:55
    Саламатсыздарбы ? Биз журналистика факультетинин жарнама жана коомчулук менен байланыш багытынын 2019 ...

    Подробнее...

     
  • Кулпунай 01.01.2020 16:05
    Саламатсызбы 4 курсту Толук бутуп Дипломдук ишти жактабай койсо кийин келип 4 окубай Дипломдук ...

    Подробнее...

     
  • Гульнура 16.12.2019 12:26
    Здравствуйте! Я в2001г.закончил а факультет биологии я проучилась с 1995 по 2001 заочно у меня степень ...

    Подробнее...

Пикирлер жана сунуштар

  • Темирлан 11.11.2019 18:11
    Саламатсызбы Мен Шакулуев Темирлан Сиздерге бир суроом бар эле мен азыркы учурда ЮУрГУда 1 курста ...

    Подробнее...

     
  • Student 07.04.2018 18:22
    Урматтуу ректор бул айтылгандын баары чындык. Булардын баарын оз козунуз менен коруп, студенттердин ...

    Подробнее...

     
  • Айзада 07.04.2018 17:09
    Здравствуйте Канат Жалилович и Урмат Олжобекович я студентка ФИЯ 3-Курс...Как всем известно 3- корпус ...

    Подробнее...

Биздин өнөктөштөр

Баннер
Баннер
Баннер
Баннер
Баннер