Шейшемби, Октябрь 20, 2020

КУУга ТИКАнын жаңы дайындалган программалык координатору келди

КУУдагы соңку жаңылыктар

Ректор чет тилдер факультетинин окутуучулары жана студенттери менен жолугушту

002019-жылдын 3-октябрь күнү башкы имараттагы чоң жыйындар залында КУУнун ректору Канат Садыков чет тилдер факультетинин окутуучулар жамааты жана студенттери менен жолугушту. Жыйында Улуттук университеттин жетекчиси аталган факультет жайгашкан №3-окуу имаратындагы сабактарды №5-окуу имаратына которуу маселесине байланышкан маселе боюнча маалымат берип, окутуучулар менен студенттердин суроолоруна жооп берди.

 

Садык Алахан Кыргыз-Өзбек университетиндеги илимий конференцияга катышып келди

00

Мамлекеттик тил жана тарбия иштери боюнча проректор, филология илимдеринин доктору, профессор Садык Алахан (Тиллебаев) 1-2-октябрь күндөрү ордолуу Ош шаарындагы Кыргыз-Өзбек университетинин уюштурулганынын 25 жылдыгына жана бул университетти түптөгөн белгилүү аалым жана коомдук ишмер, техника илимдеринин доктору, Улуттук илимдер академиясынын академиги, Жогорку Кеңештин төрт жолку чакырылышынын депутаты, “Манас” орденинин ээси Мухаммеджан Ташалиевич Мамасаидовдун 70 жылдыгына арналган республикалык илимий-тажрыйбалык конференцияга катышып келди.

 

Мамлекеттик тилдин 30 жылдыгына карата ММКдагы сабаттуулук талкууланды

0

2019-жылдын 2-октябрында башкы имараттагы чоң жыйындар залында журналистика факультетинин теле-радио журналистика кафедрасы тарабынан Мамлекеттик тил жөнүндөгү мыйзамдын 30 жылдыгына карата уюштурулган "Массалык маалымат каражаттарындагы сабаттуулук" аттуу кереге кеңеш өткөрүлдү. Жыйынга "легендарлуу парламенттин" төрагасы, мамлекеттик ишмер Медеткан Шеримкулов; Маданият, маалымат жана туризм министрлигинин бөлүм башчысы Бектур Ибрагимов, КР Президентинин алдындагы Улуттук тил комиссиясынын  жетектөөчү адиси Кутмырза Жакыбалиев, “Кыргыз тили" коомунун президенти Раимжан Курбанов жана ММК өкүлдөрү катышты.

 

Кыргыз филологиясы факультети "Билим берүү кызматкерлерлеринин күнүн" белгиледи

0

2019-жылдын 1-октябрында башкы имараттагы чоң жыйындар залында кыргыз филологиясы факультетинин 1-курстары тарабынан "5-октябрь - Билим берүү кызматкерлерлеринин күнүнө" карата даярдаган концерт болуп ѳттү. Кафедра башчылары, окутуучу-профессорлор жана студенттер катышкан майрамдык салтанатты факультет деканы Бактыбек Жайлообаев ачып, окутуучу-профессорлор жамаатын кесиптик майрамы менен куттуктады.

 

КУУнун ректору №5-окуу имаратындагы оңдоп-түзөө иштеринин жүрүшү менен таанышып чыкты

00

2019-жылдын 1-октябрында КУУнун ректору Канат Садыков чет тилдер факультетин которуу максатында 5-окуу имаратында жүргүзүлүп жаткан оңдоп-түзөө иштеринин жүрүшү менен таанышып чыкты. Административдик жана чарба иштери боюнча  проректор Туратбек Суранаев 1-кабаттын фойеси, 0-кабаттагы кабинет, дарсканалар толугу менен капиталдык ремонттон өткөнүн, тиешелүү кабинеттерге компьютердик класстар орнотулаарын, о.э. 2-3-5-кабаттагы дарсканаларда да оңдоп-түзөө иштери жүрүп жаткандыгын ректорго айтып берди. 

 

Кесиптик колледжде көркөм окуу жана дилбаян жазуу сынагы жыйынтыкталды

00

Кесиптик колледжде студенттердин китеп окууга кызгуусун арттыруу максатында Кыргыз Республикасынын “Мамлекеттик тил жөнүндөгү” мыйзамынын 30 жылдыгына арналган көркөм окуу жана дилбаян жазуу сынагы болуп, анын жыйынтыгы 2019-жылдын 30-сентябында чыгарылды. Жеңүүчүлөр баалуу китептер менен сыйланды. Мамлекеттик тил жана тарбия иштери боюнча колледждин директорунун орун басары Мирбек Шарабидинов жана окутуучу Адилет Самсалиев тарабынан уюштурулган сынакка колледждин директору Аскар Акматов менен окутуучу Адилет Самсалиев демөөрчүлүк кылды.

 

“Кызыл учкундан” Улуттук жазуучулар союзуна чейинки жол

02019-жылдын 30-сентябрында башкы имараттагы кичи жыйындар залында Улуттук жазуучулар союзунун 85 жылдыгына карата “Кызыл учкундан” Улуттук жазуучулар союузуна чейинки жол” деп аталган республикалык илимий-тажрыйбалык коференция болуп өттү. Белгилүү акын-жазуучулар, кыргыз филологиясы жана журналистика факультеттеринин окутуучулары, студенттери катышкан иш чаранын жүрүшүндө кызуу куттуктоолор айтылып, баяндамалар окулуп, жарыш сөзгө орун берилди.

 

Улуттук университетте Кытай Эл Республикасынын түзүлгѳндүгүнүн 70 жылдыгы белгиленди

002019-жылдын 28-сентябрында башкы имараттагы чоң жыйындар залында Кытай Эл Республикасынын түзүлгѳндүгүнүн 70 жылдыгына арналган “Кытай күнү” жана “Конфуций институттарынын күнү” деген аталыштагы салтанатуу кече болуп ѳттү. КУУнун алдындагы Конфуций институту тарабынан уюштурулган иш чарага Кытай Эл Республикасынын Кыргызстандагы Атайын жана Ыйгарым укуктуу элчиси Ду Дэвень айым, КУУнун ректору Канат Садыков, аталган институттун жетекчилери жана кыргыз-кытай факультетинин студенттери катышты.

 

Чет тилдер факультетинде Мамлекеттик тил күнүнө арналган концерт өткөрүлдү

00

2019-жылдын 27-сентябрь күнү чет тилдер факультетинде "Кыргыз Республикасынын мамлекеттик тили жөнүндөгү" мыйзамдын кабыл алынгадыгынын 30 жылдыгына карата майрамдык концерт өткөрүлдү. Иш чарага факультет деканы Памира Кадырбекова, кафедра башчылары жана факультеттин жалпы жааматы катышты. Майрамдык концертти декандын орун басары Айжан Тыныбаева  уюштуруп, аны өткөрүүдө факультеттин студенттик кеңешинин мүчөлөрү  Бермет Шайлообекова (2-курс), Аэлита Турдакунова (2-курс) жана Мирлан кызы Жаңызат активдүүлүгүн көрсөтүштү.

 

Матфактын окутуучу-профессорлору 1-курс студенттери менен жолугушту

0

2019-жылдын 27-сентябрь күнү №6-окуу имаратынын 211-дарсканасында математика жана информатика факультетинин окутуучу-профессорлору менен 1-курс студенттеринин жолугушуусу болуп өттү. Иш чараны факультет деканы Изат Усенов ачып, факультеттин негизги стратегиялык максаты - республикабыздагы билим берүү жана илим изилдөө тармактарын жогорку билимдүү адистер менен камсыз кылуу экендигин жана бул максат факультеттин ишмердүүлүгүнүн азыркы жана келечектеги иш-аракетин аныктай тургандыгын белгилеп кетти.

 

Факультеттер аралык мамлекеттик тил кафедрасы Тил мыйзамынын 30 жылдыгын белгиледи

02019-жылдын 27-сентябрында факультеттер аралык мамлекеттик тил кафедрасы башкы имараттагы чоң жыйындар залында «Кыргыз Республикасынын мамлекеттик тили жөнүдөгү» мыйзамдын кабыл алынгандыгынын 30 жылдыгына карата салтанаттуу иш чара өткөрдү. Жыйынга мамлекеттик тил жана тарбия иштери боюнча проректор Садык Алахан (Тиллебаев), Бишкек мериясынын мамлекеттик тил бөлүмүнүн башчысы Ниязбекова Эльвира, “Кыргыз тили” коомунун президенти Райымжан Курбанов ж.б. коноктор, окуу жайдын профессордук-окутуучулук курамы катышты.

 

Матфакта “Кыргыз тилим – менин байлыгым” аттуу тегерек стол өткөрүлдү

00

2019-жылдын 26-сентябрь күнү математика жана информатика факультетинде “Кыргыз Республикасынын Мамлекеттик тили жөнүндөгү мыйзамдын" кабыл алынышынын 30 жылдыгына карата “Кыргыз тилим – менин байлыгым” аттуу тегерек стол өткөрүлдү. Иш-чараны факультет деканы Изат Усенов ачып, "азыркы заман талабына жараша чет тилдерди окуп үйрөнүү туура көрүнүш, бирок ар бирибиз мамлекеттик тилибизди так жана таза сүйлөп, жаза билүүгө милдеттүү экенибизди" баса белгиледи.

 

Кыргыз-Европа факультети Мамлекеттик тил күнүн белгиледи

00

Кыргыз-Европа факультетинин 1-2 курс студенттери кыргыз тил секциясынын окутуучулары менен биргеликте "Кыргыз Республикасынын мамлекеттик тили жөнүндөгү” мыйзамдын кабыл алынгандыгынын 30 жылдыгына карата салтанаттуу иш чара өткөрүштү. Жыйынга Мамлекеттик тил боюнча улуттук комиссиянын өкулдөрү, "Кыргыз тили" коомунун президенти Райымжан Курбанов, факультет деканы Ызатбек Береналиев, кафедра башчылары жана факультеттин жалпы жамааты катышты.

 

География, экология жана туризм факультетинде Мамлекеттик тил күнү майрамдалды

00

2019-жылдын 23-сентябрында география, экология жана туризм факультетинде Мамлекеттик тил күнү белгиленди. Тил майрамы менен жыйындын катышуучуларын факультет деканы Рыскүл Токторова, экономикалык, социалдык жана саясий география кафедрасынын доценти Оморов Ибраим Оморович жана окутуучу Н.М.Майрыкова куттукташкан соң, студенттердин күчү менен даярдалган чакан концерттик программа тартууланды.

 

Тил майрамына арналган кичи-футбол жана ордо боюнча мелдештердин жыйынтыгы чыгарылды

00

2019-жылдын 23-сентябрында Улуттук университетте "Кыргыз Республикасынын мамлекеттик тили жөнүндөгү” мыйзамдын кабыл алынгандыгынын 30 жылдыгына карата кичи-футбол жана ордо оюндары боюнча мелдештер болуп өттү. 6-окуу имаратынын спорт залында өткөрүлгөн футбол оюндарына окутуучулардан түзүлгөн 5, ал эми башкы имараттын батыш тарабындагы аянтчада өткөн ордо боюнча мелдештерге студенттик 7 команда катышып, жыйынтыктары төмөндөгүдөй болду:

 

Гуманитардык факультеттер үчүн чет тилдер кафедрасы Мамлекеттик тил майрамын белгиледи

00

2019-жылдын 25-сентябрь күнү гуманитардык факультеттер үчүн чет тилдер кафедрасы башкы имараттагы чоң жыйындар залында Тил мыйзамынын 30 жылдыгына карата концерт өткөрдү. Тил майрамы менен чогулгандарды мамлекеттик тил жана тарбия иштери боюнча проректор Садык Алахан (Тиллебаев) куттуктады. Профессорлор Нурлан Ахметова, Гүлмира Осмоналиева, доцент Апал Абдимомунова, мамлекеттик тил бөлүмүнүн башчысы Динара Мырзагулова катышкан концерттин жүрүшүндө студенттер өздөрүнүн кыргыз тилине болгон сүйүүсүн ыр, бий менен айкындап көрсөтүштү. 

 

Табигый илимдер факультеттери үчүн чет тилдер кафедрасы Тил майрамына арналган иш чара өткөрдү

00

2019-жылдын 24-сентябрында башкы имараттагы кичи жыйындар залында табигый илимдер факультеттери үчүн чет тилдер кафедрасы “Кыргыз Республикасынын мамлекеттик тили жөнүндөгү мыйзамдын” кабыл алынгандыгынын 30 жылдыгына арналган иш чара өткөрдү. Тил майрамы менен кафедра жамаатын мамлекеттик тил жана тарбия иштери боюнча проректор Садык Алахан (Тиллебаев) менен профсоюз комитетинин төрагасы Кубанычбек Жумабеков куттукташты.

 

ЭАМжЧТ факультетинин окутуучусу Салтанат Бакасова мезгилсиз дүйнөдөн кайтты

00

Салтанат, 21 сенябрь күнү сени жоготуп алдык, кандай гана өкүнүчтүү! Өмүрду түбөлүктүүдөй ойлойт экенбиз, ооруп атканыңды уксак да, чынында ажалга ыраа көргөн эмес элек... Жароокер мамилең, жумшак жан-дүйнөң, жаштарга берген жакшы таалим-тарбияң, тыпылдап чуркап, тың иштеген жумушуң гана жаркын элес болуп жүрөгүбүздө түбөлүккө калды. Факультеттин атын чыгаруу үчүн студенттер менен конкурстарда жеңишке жетип, жүрөгүңдү желек кылып жүгүрүп жүрчүсүң.

 

Профессор Асылбек Чекеев Сичуань университетинде өткөн жыйында баяндама жасады

00

2019-жылдын 15-20ентябрь күндөрү КУУнун илимий иштер боюча проректору Асылбек Чекеев «Бир алкак - бир жол» проектинин алкагында Кытайдын Чэнду шаарындагы Сичуань университетинде  өткөн I Математикалык Кытай–Борбордук Азия чогулушуна катышып, 50 мүнөттүк баяндама жасады. Баяндама аталган университеттин математиктерин абдан кызыктырып, авторду 2019-жылдын 8-13-ноябрында Сичуань университетинде өтүүчү III Бүткүл Тынчокеандык эл аралык топология жана анын колдонуштары боюнча конференцияга чакырышты.

 

Журфактын ага окутуучусу Кенжебек Какишов кандидатттык дисссертациясын ийгиликтүү коргоп келди

0

2019-жылдын 18-сентябрында журналистика факультетинин «Жарнама иши жана коомчулук менен байланыш» кафедрасынын ага окутуучусу Кенжебек Какишов Душанбе шаарындагы Орус-Тажик Славян университетинде "Кыргызстан эгемендүүлүк жылдарында басма сөзүнүн өнүгүүсүнүн өзгөчөлүтөрү" деген темадагы кандидатттык дисссертациялык ишин ийгиликтүү коргоп келди. Журналистика факультетинин профессордук-окутуучулук жамааты Кенжебек Каныбековичти бул ийгилиги менен куттуктап, илимий иштеринин илгерилешине тилектештигин билдирет.

 

Матфак мини футбол боюнча чемпион аталды

00

"Кыргыз Республикасынын мамлекеттик тили жөнүндөгү" мыйзамдын кабыл алынышынын 30-жылдыгына карата  уюштурулган мамлекеттик тил жумалыгынын алкагында факультеттер арасында кичи футбол боюнча өткөрүлгөн мелдеште математика жана информатика факультетинин курама командасы I орунга ээболуп, турнирдин чемпиону аталды. Факультет жамааты өз командасын бул ийгилик менен чын жүрөктөн куттуктап, мындан аркы спорттук жеңиштерди каалайт.

 

МжМБ факультетинде "Улуттун жаны—тил" аталышындагы майрамдык иш-чара өткөрүлдү

00

2019-жылдын 23-сентябрында мамлекеттик жана муниципалдык башкаруу факультетинде Мамлекеттик тил жөнүндө мыйзам кабыл алынгандыгынын 30 жылдыгына карата 1-курс студенттери тарабынан "Улуттун жаны—тил" аталышындагы майрамдык иш-чара өткөрүлдү. Факультет жамаатын тил майрамы менен кафедра башчылары Издевалды Искаков, Гүлсайра Нурматова жана доцент Асель Сатыбалдиева куттукташты. 

 

Кыргыз-кытай факультетинин жамааты Мамлекеттик тил кунүн белгиледи

00

2019-жылдын 23-сентябрь күнү кыргыз-кытай факультетинин жалпы жамааты "Кыргыз Республикасынын Мамлекеттик тили жөнүндөгу мыйзамдын" 30 жылдыгын белгиледи. Факультет деканы Софья Апаева мугалимдер менен студенттерди Тил майрамы менен куттуктаган соң, ЛП-1-19-группасынын студенттери акындардын ырларынан көркөм окушту, ырдашты, бийлешти жана Ч.Айтматовдун «Биринчи мугалим» повестинен сценка көрсөтүштү. 

 

КУУнун ректору Пекиндеги тил жана маданият университетинин делегациясын кабыл алды

00

2019-жылдын 23-сентябрында ректораттын жыйындар залында КУУнун ректору Канат Садыков Пекиндеги тил жана маданият университетинин профессору, аталган окуу жайдын инновациялык тил борборунун директору Ли Юмин мырза жетектеген делегацияны кабыл алды. Жолугушууда эки университеттин ортосунда кызматташтыкты орнотуу жана өркүндөтүү маселелери каралды. Ли Юмин мырза Канат Садыковду бүгүн Кыргызстанда белгиленип жаткан Мамлекеттик тил күнү менен куттуктап, улуттун иденттүүлүгүн сактоодо тилдин ролу маанилүү экендигин белгиледи.

 

Страница 13 из 32

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Баннер
Сейчас 853 гостей онлайн
Баннер
Баннер

Пресс меню

Администратордон

Абитуриенттердин ?-лору

  • Азиз 16.08.2020 23:39
    Здравствуйте! Можно ли поступить к вам на магистратуру? Можно ли это сделать онлайн и как? Я закончил ...

    Подробнее...

     
  • Роза 15.08.2020 11:02
    Саламатсыздарбы менин балам сиздердин окуу жайга тапшырды информатика и инновация технологии деди ...

    Подробнее...

     
  • Abdylda 29.07.2020 00:56
    Юфакультеттерди н ичинде максатту оорун дегенди тушундуруп береспи

    Подробнее...

Студенттердин ?-лору

  • Акылбек 19.08.2020 19:18
    Саламатсызбы? 2020-2021 окуу жылы кандай турдо болот?

    Подробнее...

     
  • Базарбек 22.06.2020 23:50
    Мен 2-курста мобильный студент программа боюнча Ошмуга 1 семестр окуп келдим. Бирок кнудагы отпой ...

    Подробнее...

     
  • жоомарт 22.06.2020 13:28
    мен 5 сабактан отпой калдым башка универге которулсам болову

    Подробнее...

Бүтүрүүчүлөрдүн ?-лору

  • Алтынбек 24.08.2020 15:50
    Здравствуйте. Как можно восстановиться? Если все корпусы закрыты?

    Подробнее...

     
  • Жанара 20.08.2020 18:13
    Можно ли забрать диплом другому человеку?

    Подробнее...

     
  • Алмазбек 21.06.2020 14:12
    Саламатсызбы, архвтик справка кантип алсак болот ушул жерде окуп бүткөн деген. Пенсияны документ ...

    Подробнее...

Пикирлер жана сунуштар

  • Ырыскул 24.05.2020 10:43
    Пересдача тапшырып жатканда жетише албай убакыт бүтүп калып,балл жетпей калды, дипломная защитага ...

    Подробнее...

Биздин өнөктөштөр

Баннер
Баннер
Баннер
Баннер
Баннер
Баннер
Баннер

Башка ЖОЖдордун маалымат каттары жана кулактандыруулары