Шейшемби, Декабрь 07, 2021

КУУдагы соңку жаңылыктар

Улуттук университетке Кыргыз Республикасынын вице-премьер-министри Эльвира Сурабалдиева келди

002020-жылдын 17-ноябрында Улуттук университетке Кыргыз Республикасынын вице-премьер-министри Эльвира Сурабалдиева келди. Өкмөт башчынын орун басарын ректор Канат Садыков тосуп алып, мейманга фойедеги LED-экранды, сервердик бөлмөнү, компьютердик классты жана экинчи кабаттагы санарип технологиялар борборун көрсөткөн соң, өкмөт өкүлдөрү менен КУУнун жетекчилери чоң жыйындар залына киришти.

 

А.Чекеевдин илимий макаласы Topology and its applications журналында жарыяланды

chekeev

Илимий иштер боюнча проректор ф.-м.и.д., профессор Асылбек Чекеев өзүнүн окуучулары Тумар Касымова жана Айназ Касымова менен биргеликте Web of Science, Scopus, РИНЦ базаларынын ядросуна кирген Topology and its applications журналында (281-том 2020-ж.) «The Dieudonne tau-complete spaces and free topological groups of uniform spaces» макаласын жарыялады. Бул макала Т.Дж. Касымованын докторлук жана А.Б.Касымованын кандидаттык диссертациялары боюнча изилдѳѳ иштеринин жыйынтыгы.

 

Ноябрь айында кандай эс алабыз?

00КУУнун ректору Канат Садыковдун 2020-жылдын 2-ноябрында кол койгон №258-буйругуна ылайык, 2020-жылдын 7-8-ноябры - "Тарых жана ата-бабаларды эскерүү күндөрү" - ишемби, жекшембиге туш келгендиктен, 2020-жылдын 9-10-ноябры (дүйшөмбү, шейшемби)  Кыргыз улуттук университетинин кызматкерлери үчүн эс алуу күндөрү болуп жарыяланат.

 

Түрк элчиси КУУнун ректоруна ыраазычылык билдирет

00

2020-жылдын 3-ноябрь күнү КУУнун ректору Канат Садыковдун дарегине Түркия Республикасынын Кыргыз Республикасындагы Атайын жана Толук ыйгарым укуктуу элчиси Женгиз Камиль Фырат мырза кат жолдоп, анда элчи мырза Улуттук университеттин жетекчисине Түркиянын Измир провинциясында болуп өткөн жер титирөөгө байланыштуу көңүл айткандыгы үчүн Түрк мамлекетинин, элинин жана элчилилигинин атынан ыраазычылык билдирет.

 

Бириккен профсоюз комитетинин Улуттук университеттин жамаатына кайрылуусу

02

Урматтуу Кыргыз улуттук университетинин кызматкерлери! Бириккен профсоюз комитети КУУда болуп жаткан акыркы окуяларды жана көрүнүштөрдү кооптонуу, тынчсыздануу жана кабатыр болуу менен кабыл алат. Мында айрым кызыктар адамдар учурдагы, мыйзамдуу шайланган ректор Садыков Канат Жалиловичти ээлеген кызматынан мөөнөтүнөн мурда кетирүүгө аракет кылып жатышат.  Бул биздин окуу жайдагы моралдык-психологиялык кырдаалды туруксуздаштырууга алып келип жатат.

 

Садык Алахан. Улуттук университет жана кыргыз бийлиги

00Отуз жылга аяк басып калган эгемендик жылдардын мезгилинде жеке ар бир пендеден тартып бүткүл коомубуз далай азап-тозокту баштан өткөрдүк. Чыдадык. Чыдап келатабыз. Чыдамыбыз кеткенде коомдук өнүгүүбүздү астын-үстүн кылганга чейин барып жатабыз. Ошентип, отуз жылдык эгемендик жылдарыбыз коомдук турмушубуздун бардык тармагына болуп көрбөгөндөй таасирин тийгизди. Бул таасир айрыкча билим берүү тармагын – бала бакчадан тартып Билим берүү министрлигине чейин – зор катаклизмдерге туш кылгандыгын бүгүн эч кимибиз тана албайбыз. Мындай катаклизмге кабылган билим берүү мекемелеринин сап башында жогорку окуу жайларынын флагманы деп эсептелип келген Жусуп Баласагын атындагы Кыргыз улуттук университети турат десек болот.

 

КУУнун Ош шаарындагы гуманитардык-табигый илимдер факультетинин жамаатынын кайрылуусу

00Урматтуу Ж.Баласагын атындагы Кыргыз улуттук университетинин жамааты! Улуттук университеттин Ош шаарындагы гуманитардык-табигый илимдер факультетинин жамааты эч кандай провакацияларга кошулбайт. Ректорубуз Канат Жалилович Садыковдун жетекчилиги астында университетибиздин аброю жогорку деӊгээлде болуп, жаштарга инновациялык билим берүүдө илимий-техникалык окуу базасы күндөн-күнгө өсүп-өнүгүү жолунда.

 

Улуттук университеттин жамааты ректор Канат Садыковду колдойт!

00

2020-жылдын 29-октябрь күнү КУУнун профессор-окутуучулары менен студенттери башкы имараттагы кичи жыйындар залында биргелешкен жыйын өткөрүп, ректор Канат Садыковду колдошоорун, аны алмаштырууга эч кандай негиз жок экенин билдиришти. Чогулуш өтүп жаткан залда "Баскынчыга жол жок", "Наш ректор Канат Садыков", "Руки прочь от ректора", "Мы поддерживаем Каната Жалиловича" ж.б.у.с. плакаттар көтөрүлүп турду.

 

КУУнун жамаатынын КР премьер-министри, КР президентинин м.а. С.Н.Жапаровго кайрылуусу

00

Урматтуу Садыр Нуркожоевич! Бизге Жусуп Баласагын атындагы Кыргыз улуттук университетинин ректору Канат Жалилович Садыковду ээлеген кызмат ордунан бошотуп, анын ордуна профессор Осмоналиев Каныбек Осмоналиевичти дайындоо аракеттери жүрүп жатат деген кабар келип жетти. Жусуп Баласагын атындагы Кыргыз улуттук университетинин жамааты мындай алмаштырууга каршы экендигин билдирет.

 

Улуттук университет аккредитациядан ийгиликтүү өттү

00

2020-жылдын 28-октябрында башкы имараттагы К.Ш.Токтомаматов атындагы санариптик технологиялар борборунда КУУнун жогорку кесиптик билим берүү программаларын көз карандысыз программалык жана жалпы окуу жайдын ишмердүүлүгүн институционалдык аккредитациядан өткөрүүнүн жыйынтыгына арналган жыйын болуп, эксперттик комиссиянын төрагасы, Билим берүү программаларын жана уюмдарын аккредитациялоо агенттигинин директору Бактыбек Исмаилов КУУнун жетекчилерин, факультет декандарын жана кафедра башчыларын аталган текшерүүнүн алдын ала жыйынтыктары менен тааныштырды.

 

Улуттук университеттин билим берүү программаларын аккредитациялоо башталды

00

2020-жылдын 27-октябрында башкы имараттагы К.Ш.Токтомаматов атындагы санариптик технологиялар борборунда Улуттук университеттин жогорку кесиптик билим берүү программаларын көз карандысыз программалык жана жалпы окуу жайдын ишмердүүлүгүн  институционалдык аккредитациядан өткөрүүнүн башталышына арналган жыйын болуп өттү. Иш чараны ректор Канат Садыков ачып, КУУнун ишмердүүлүгүн текшерген маанилүү процедура бул жолу онлайн режимде өтүп жаткандыгын белгилеп, жыйындын катышуучуларын аккредитациялоонун тартиби менен тааныштырды.

 

Педфактын окутуучулары эл аралык квалификацияны жогорулатуу курсунан өтүштү

00

Педагогика факультетинин "Мектепке чейинки, мектеп педагогикасы жана билим берүүнүн технологиялары" кафедрасынын профессордук-окутуучулар курамы 2020-2021-окуу жылына карата мөөнөттүк дасыгууну жогорулатуу үчүн онлайн режимде эл аралык квалификацияны жогорулатуу курсунан өтүштү. 2020-жылдын 1-июнунан 23-июнуна чейин «Международные практики школьного образования» деген темада SKLAD "Эл аралык билим берүү программалары" агенттиги тарабынан онлайн билим берүү платформасында өтүлгөн 24 сааттык курстарда төмөнкү маселелер каралды:

 

Кесиптик колледжде көркөм окуу сынагы өткөрүлдү

00

Кесиптик колледжде студенттердин китеп окууга кызгуусун арттыруу максатында “Кыргыз Республикасынын мамлекеттик тили жөнүндөгү” мыйзамдын кабыл алынгандыгынын 31 жылдыгына арналган жана Кыргыз Республикасынын билим берүү жана илим министрлигинин №774/1 буйругуна ылайык көркөм окуу сынагы өткөрүлүп, анын жыйынты 2020- жылдын 22-октябрында чыгарылды. Жеңүүчүлөр акчалай жана баалуу китептер менен сыйланышты.

 

Базарбаев Эрланга "профессор" окумуштуулук наамынын аттестаты тапшырылды

00

2020-жылдын 20-октябрында окуу иштери боюнча проректор Бекжан Темиров юридика факультетинин укуктаануу жана  бажы  иши кафедрасынын башчысы, юридика илимдеринин доктору Базарбаев Эрланга Кыргыз Республикасынын Жогорку аттестациялык комиссиясы тарабынан ыйгарылган "профессор" окумуштуулук наамынын аттестатын тапшырды. Проректор расмий документ ээсине чың ден соолук жана мындан аркы илимий, чыгармачыл ийгиликтерди каалады.

 

КУУнун профессору Гүлжамал Жаманкулова эл аралык илимий-практикалык конференцияга катышты

00

2020-жылдын 14-октябрында Уфа шаарында «Башкырт менен кыргыздардын рухий маданияты: өз ара байланыштары” аттуу эл аралык илимий-практикалык конференция болуп өттү. Россиянын илим жана жогорку билим берүү министрлиги, Башкыр мамлекеттик университетинин башкыр филологиясы, чыгыш таануу жана журналистика факультети, Башкыртстандагы “Ала-Тоо” кыргыз маданияты борборунун аймактык коомдук уюму тарабынан уюштурулган жыйынга КУУдан Гүлжамал Жаманкулова менен Назгүл Турдубаева онлайн режимде катышып, “Кыргыз жана башкыр элдеринин этногенезинде “кыргыз” этноними” жана “Башкыр окумуштуулары жана кыргыз фольклору” деген темаларда доклад жасашты.

 

Камкорчулук кеңешинин кезектеги отуруму болуп өттү

00

2020-жылдын 15-октябрь күнү ректораттын жыйындар залында Улуттук университеттин Камкорчулук кеңешинин кезектеги отуруму болуп өттү. Аталган кеңештин төрагасы Асылбек Токтогулов алып барган жыйында ректор Канат Садыков пандемия шартында КУУда жасалып жаткан иштер, окуу жайды 2020-2022-жылдары өнүктүрүүнүн стратегиялык планы, илимий китепканадагы, экономика факультетиндеги жана ”Атмосферанын мониторинги” илимий-изилдөө борборундагы өзгөрүүлөр жана медициналык факультетти ачуу боюнча баяндама жасады.

 

Садык Алахан “Тамеки түтүнүсүз чөйрө” акциясынын Бишкектеги активисттери менен жолугушту

00

Мамлекеттик тил жана тарбия иштери боюнча проректор, профессор Садык Алахан ((Тиллебаев) Бүткүл дүйнөлүк саламаттык сактоо уюму тарабынан өткөрүлүп жаткан “Тамеки түтүнүсүз чөйрө” акциясынын Бишкектеги активисттери менен жолугушту. Проректор университеттин администрациясы, кесиптик кошундар уюму, деканаттар тарабынан студенттердин ден соолугуна өзгөчө көңүл бурулары, бул багытта жасалчу иштер таажывирус илдетинин айынын убактынча – студенттер окууларын аудиторияларда улантуучу күндөргө чейин гана – токтоп тургандыгына, андан соң мурдагыдай эле улантыларына токтолду.

 

КУУнун жамааты Мугалимдер күнүн белгиледи

00

2020-жылдын 5-октябрында башкы имараттагы кичи жыйындар залында КУУнун жамааты Мугалимдер күнүн белгиледи. Окуу жайдын профессорлук-окутуучулар жамаатын кесиптик майрамы менен ректор Канат Садыков куттуктап, мугалимдик кесиптин мыктыларына министрлик менен Улуттук университеттин сыйлыктарын тапшырдыСыйлык алгандардын атынан кесиптик колледждин директору Аскар Акматов менен кыргыз-кытай факультетинин деканы Софья Апаева сөз сүйлөштү.

 

Социалдык-гуманитардык илимдер факультетинде Мугалимдер күнүнө арналган иш чара өттү

002020-жылдын 1-октябрь күнү социалдык-гумантардык илимдер факультетинде Мугалимдер күнүнө карата иш-чара өттү. Жыйынга мамлекеттик тил жана тарбия иштери боюнча боюнча проректор Садык Алахан (Тиллебаев), факультет деканы Камчыбек уулу Мырзабек, кафедра башчылары жана мугалимдер (айрымдары форматта) катышты. Садык Алахан алгач окуу жылындагы жетишкендиктерге токтолуп, андан сон ардактуу кесип ээлерин майрамы менен куттуктап, мугалимдердин коомдогу ордун жана эмгегин белгилеп өттү.

 

КУУга ТИКАнын жаңы дайындалган программалык координатору келди

002020-жылдын 1-октябрында Улуттук университетке Түркиянын Кыргызстандагы элчисинин билим берүү боюнча кеңешчиси Харун Карджы мырза, Кызматташтык жана координациялоо боюнча түрк агенттигинин (ТИКА) программалык координатору Осман Уста мырза баштаган жоон топ делегация келди. КУУнун ректору Канат Садыков түркиялык конокторду 6-окуу имаратынын кире беришинде тосуп алган соң, делегация мүчөлөрү физика жана электроника, биология, химия жана химиялык технология факультеттериндеги лабораториялык кабинеттерди кыдырып чыгышты.

 

Асылбек Чекеев редколлегиясынын мүчөсү болгон илимий журнал Web of Science-те катталды

chekeev

Илимий иштер боюнча проректор Асылбек Чекеев редакциялык коллегиясынын мүчөсү болгон түрк дүйнөсүнүн математиктеринин эл аралык уюмунун TWMS Journal Pure and Applied Mathematics” деген аталыштагы илимий журналы 2020-жылдын сентябрь айында Science Citation Index Expanded (SCIE Web of Science) эл аралык илимий цитирлөөнүн кеңейтилген индексине катталды. Бул факт 2010-жылы уюштурулган журналдын фундаменталдык жана колдонмо математика категориясы боюнча эң көп цитирленген негизги журналдардын катарына киргенин билдирет.

 

Профсоюз комитети 1-октябрь - Эл аралык карылар күнү менен куттуктайт!

00

Урматтуу биздин устаттар, кесиптеги чыйыр жолду баштап берген насаатчылар, жол көрсөтүп, акылмандуулук, көрөгөчтүк менен турмуштагы, жумуштагы ар бир кырдаалды жеңип, биз үчүн үлгү болгон асыл инсандар, сиздерди Эл аралык карылар күнү менен чын дилибизден куттуктайбыз! Сиздер менен тажрыйба алмашып, кеп-кеңештериңиздерди угуп, ак бата алуу, өмүрдөгү өрнөк боло турган сабактарды сиздер аркылуу көрүп-билүү бизге буйруган чоң кут деп билебиз.

 

КУУда Окумуштуулар кеңешинин жаңы окуу жылындагы алгачкы отуруму болуп өттү

002020-жылдын 30-сентябрь күнү башкы имараттагы К.Ш.Токтомаматов атындагы санариптик технологиялар борборунда Окумуштуулар кеңешинин кезектеги отуруму болуп өттү. Аталган органдын төрагасы, КУУнун ректору Канат Садыков алып барган жыйында "КУУнун миссиясы", "Илимий китепкананын директорунун отчету", "Кыргыз филологиясы факультетинде "Түркология жана котормо таануу” программасын ачуу", "Экономика факультетиндеги кафедраларды жана факультеттер аралык чет тилдер кафедраларын бириктирүү", "КУУда документ жүргүзүү жөнүндөгү жобону бекитүү", "КУУнун медициналык факультетинин жобосун кабыл алуу" сыяктуу маселелер талкууланып, тиешелүү чечимдер кабыл алынды.

 

ФИИТ студенттери "Тилим жүрөгүмдө" акциясына жигердүү катышты

00

ФИИТ факультетинин ИТ, ИВТ жана БИ багытынын студенттери 23-сентябрь  Мамлекеттик тил күнүнө карата Кыргыз Республикасынын Президентине караштуу Мамлекеттик тил боюнча улуттук комиссиясы тарабынан жарыяланган "Тилим жүрөгүмдө" аттуу акцияга абдан жигердүү катышып, жаңы окуу жылынын башынан бери факультеттер аралык мамлекеттик тил кафедрасынын башчысы, профессор Г.К.Осмоналиеванын жетекчилиги астында "Каталар" проектиси боюнча маалымат чогултуп, видео-роликтерди даярдашты.

 

Страница 12 из 13

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Сейчас 941 гостей онлайн
Баннер

Пресс меню

Администратордон

Абитуриенттердин ?-лору

  • Каримов Нурбакыт 12.11.2021 09:16
    Мен колежди бутургом. Азыр универге. Тапшырсам болобу? Програмитмин

    Толугу менен...

     
  • Нурадил 11.11.2021 07:32
    Саламатсызбы. мен 2017 жылы лингвистика факультетин жаңы жылга чейин жарым курс окуп шартка байланыштуу ...

    Толугу менен...

     
  • Нурадил 25.10.2021 08:44
    Саламатсызбы. мен 2017 жылы лингвистика факультетин жаңы жылга чейин жарым курс окуп шартка байланыштуу ...

    Толугу менен...

Студенттердин ?-лору

  • Бекжан 10.11.2021 13:47
    Здраствуйте! Я щяс учусь на первом курсе в очной , хотчу перейти на заочной . Как мне поступить

    Толугу менен...

     
  • Алмагүл 18.10.2021 20:08
    Саламатсызбы, педагогикалык переквалификаци ядан өтүү керек, кимге кайрылуу керек? Жардам ...

    Толугу менен...

     
  • Тохир 12.10.2021 17:48
    Здравствуйте,по могите пожалуйста уточнить один вопрос. Я, Тургунов Тохир Турсунович, родившийся в ...

    Толугу менен...

Бүтүрүүчүлөрдүн ?-лору

  • Каримов Нурбакыт 12.11.2021 09:12
    Мен колеждеби кутком средный образования дагы дипломум бар . Азыркы кезде университетке восстановления ...

    Толугу менен...

     
  • Umut Almazbekova 28.07.2021 10:30
    Саламатсызбы, мен 2012-2017 жж. Чет тилдер факультетинин бутуруучусумун, мед. Книжкамды кантип алсам ...

    Толугу менен...

     
  • Бегай 11.07.2021 11:33
    Саламатсызбы?ме н лингвистика тапшырайын дегем английский тандаган эмесмин кошумча сабактан (Орт) ото ...

    Толугу менен...

Пикирлер жана сунуштар

  • Айзирек 13.09.2021 15:15
    Здравствуйте, я сегодня была в вашем университете чтобы поговорить с куратором моей сестрёнки насчёт ...

    Толугу менен...

Биздин өнөктөштөр

Баннер
Баннер
Баннер
Баннер
Баннер
Баннер
Баннер

Окутуучулардын макалалары

Башка ЖОЖдордун маалымат каттары жана кулактандыруулары