Бейшемби, Октябрь 29, 2020

КУУдагы соңку жаңылыктар

Матфактын "Жаңы муун” дебаттык клубунун мүчөлөрү Жогорку Кеңешке экскурсияга барышты

00

2020-жылдын 19-февралында математика жана информатика факультетинин "Жаңы муун" дебаттык клубунун мүчөлөрү кайрадан Жогорку Кеңеште саякатта болушту. Бул жолку экскурсияга клубдун быйыл кабыл алынган дебатёрлору да катышты. Активист студенттер Кыргыз парламентинин имаратына толук саякат жасашып, белгилүү депутат Кенжебек Бокоев менен кызыктуу маек курушту. Болочок математиктер келечекте чыгаан инсандардан болууга максат коюшуп, жаңы дем-күч менен кайтышты.

 

“Шам чырак” клубу “Жүрөгүңдү ук” долбоорунун алкагында семинар өткөрдү

00

2020-жылдын 18-февраль күнү башкы имараттагы кичи жыйындар залында Улуттук университетте негизделген “Шам чырак” клубу тарабынан “Жүрөгүңдү ук” долбоорунун алкагында семинар өткөрүлүп, иш чарага долбоордун негиздөөчүлөрү жана машыктыруучулары: жеке ишкер Азамат Осмоналиев, “Шанс" китеп дүкөнүнүн директору Сүйүн Калчаев жана физика мугалими Мирбек Төлөгөн катышты.

 

“Жоокер ыры” кароо-сынагынын 1-туру жыйынтыкталды

02020-жылдын 18-февраль күнү башкы имараттагы чоң жыйындар залында коомчулук менен байланышуу жана жаштар иштери боюнча департамент тарабынан “Ата–Мекенди коргоо күнүнө” карата уюштурулган “Жоокер ыры” кароо-сынагынын 1-туру өткөрүлдү. Тандоо туруна бардык факультеттерден келген 50 конкурсант катышып, студенттер Ата-Мекенди коргоо тууралуу обондуу ырларды кыргыз, орус тилдеринде аткарып, монолог айтып, ырларды көркөм окушту. 

 

Матфакта «Эне тилдин эл аралык майрамына» карата иш-чара өткөрүлдү

00

2020 жылдын 18-февралында №6-окуу имаратынын 228-дарсканасында математика жана информатика факультетинин жамааты 21-февралда белгиленүүчү "Эне тилдин эл аралык майрамына" карата "Эне тилди сактайбыз" аталышындагы адабий кече өткөрдү. Студенттер Лещева Мария орус тилинде, Тоиршоева Гүлгүнча тажик тилинде иш-чаранын катышуучуларын тил майрамы менен куттуктап, калган студенттер кыргыз тилине арналган чыгармалар менен улантышты.

 

Журфактын окутуучулары Казак улуттук университетиндеги кышкы мектепте окуп келишти

0

2020-жылдын 13-15-февраль күндөрү мезгилдүү басма сөз кафедрасынын доценти Аита Султаналиева, улук окутуучулары Айбек Түмөнбаев, Элмира Кылычбаева, Жамийла Мамышева, коомчулук менен байланыш кафедрасынын доценттери Жылдыз Кожомбердиева, Роза Токсоналиева, улук окутуучусу Татына Токторбаева, теле-радиожурналистика кафедрасынан улук окутуучусу Нурзат Байзакова жана магистрант Бактыгүл Жумабекова Бүткүл дүйнөлүк радио күнүнө карата Аль-Фараби атындагы Казак улуттук университетинин журналистика факультети уюштурган “Радио – баарына арналган платформа: идеялар генерациясынан - инновацияга” аттуу журналистика жана коммуникациянын VII эл аралык кышкы окуу мектебине ийгиликтүү катышып келишти.

 

География экология жана туризм факультетинде Китеп белекке берүү күнү белгиленди

00

2020- жылдын 14 февраль күнү география экология жана туризм факультетинде Эл аралык китеп белекке берүү жана Cүйүү күнү белгиленип, иш чарада студенттердин колунан жасалган дубал газеталар илинип, арзуу каттарын дарегине жеткирүү максатында атайын ящик орнотулду. Студенттер өздөрүнүн көңүлүнөн чыккан белектерин жана китептерин  бири-бирине  тартуулашты.

 

КУУнун студенттик кеңеши кайрымдуулук жумалыгын өткөрдү

002020-жылдын 10-14-февраль күндөрү КУУнун студенттик кеңеши кайрымдуулук жумалыгын өткөрдү. 12-февралда аталган кеңештин окуу сектору тарабынан “Китеп майдан” аталышындагы семинар уюштурулуп, иш чараны мамлекеттик тил жана тарбия иштери боюнча проректор Садык Алахан (Тиллебаев) ачты. Ал соңку  учурда жаштардын китепке болгон кызыгуусу жандана баштаганын жана китептин барк-баасы көтөрүлүп жатканын белгиледи.

 

АГТжЖМО кафедрасынын 2019-жылдын жыйынтыгы боюнча бюллетени жарык көрдү

00

Алгебра, геометрия, топология жана жогорку математиканы окутуу кафедрасынын 2019-жылдын жыйынтыгы боюнча жаӊы бюллетени жарык көрдү. Басылмада кафедрада окуу процессинин жүрүшү жана жетишкендиктери, сабактарга өз ара катышуу жана ачык лекциялардын өтүшү, магистрлик диссертация, квалификациялык иштердин отчёттору, студенттердин педагогикалык практикаларын уюштуруу, илимий-педагогикалык семинарларды өткөрүү жана илимий долбоорлор тууралуу маалыматтар камтылган.

 

Айнура Кабатай кызы кыргыз филологиясы факультетинин студенттерине семинар-тренинг өттү

00

2020-жылдын 14-февралында 5-окуу имаратындагы "Манас өргөсүндө" белгилүү журналист, диктор, «Медиа карьера» мектебинин башкы директору Айнура Кабатай кызы кыргыз филологиясы факультетинин студенттерине «Эффективдүү презентациянын технологиясы» атуу семинар-тренинг өттү. Кыргыз тил кафедрасы тарабынан уюштурулган иш чарада ал "Презентацияга даярдануу алгоритми", "Эл алдында сүйлөй турган сөздүн структурасы", "Аудитория менен контакт түзүү ыкмалары", "Үн", "Фонетикалык дем алуу", "Дикция", "Артикуляция", "Мимика жана жест" тууралуу маалымат берди.

 

КУУнун Оштогу факультетинин студенти - күрөш боюнча Бишкектеги биринчиликтин жеңүүчүсү

00

Кыргыз улуттук университетинин Ош шаарындагы гуманитардык-табигый илимдер факультетинин орто кесиптик билим берүү бөлүмүнүн ПС-19(9) тайпасынын студенти Жээнбаев Элбурс күрөш боюнча Бишкек шаарында өткөн "Bishkek Pro" биринчилигинде алтын жана күмүш медалдарды жеңип алып, жекшемби күнү байге фонду 1000 долларды түзгөн мелдешке катышты. Кудай буйруп, жеңишке татып калса, Элбурс тиешелүү "курдун" да ээси болот.

 

КУУда Ооган согушунун ардагерлери менен жолугушуу кечеси өткөрүлдү

02020-жылдын 14-февралында 6-окуу имаратындагы жаңы ачылган 2-дарсканада кадрларды кайра даярдоо жана квалификациясын жогорулатуу факультети тарабынан Советтик аскерлердин Ооганстандан чыгарылышынын 31 жылдыгына карата Ооган согушунун ардагерлери менен жолугушуу кечеси өткөрүлдү. Иш чара Кыргызстандагы Ооган ардагерлеринин кыймылын жетектеп, ошол кыймылдын түптөлүшүнө зор салым кошуп, аталган согуштан алган жаракаттардын кесепетинен каза болгон Нурлан Торобеков, Тыныбек Кадыров, Куттубек Жанышбаев агаларыбызды эскерүүдөн башталды.

 

Кесиптик колледждин студенттери КТРКдагы поэзия кечесине катышып келишти

002020-жылдын 14-февралында кесиптик колледждин студенттери Кыргыз Республикасынын Коомдук телерадиоберүү корпорациясынын концерттик залында жаш акын Кутмырза Жакыбалиевдин «Закым ээрчиген чыйыр» аттуу китебинин бет ачаарына арналган поэзия кечесине катышып келишти. Аталган иш чара ыр жазууга кызыкдар студенттер үчүн кубанычтуу кече болуп, ыр угушуп, өзүлөрүнүн таланттарын өркүндөтүүгө дем-күч алышты. 

 

Факультеттер аралык мамлекеттик тил кафедрасы поэзия кечесин өткөрдү

00

2020-жылдын 13-февралында башкы имараттагы кичи жыйындар залында факультеттер аралык мамлекеттик тил кафедрасы тарабынан 14-февралда белгиленүүчү "Китепти белекке берүүнүн эл аралык күнүнө” карата поэзия кечеси өткөрүлдү. Иш чараны аталган кафедранын башчысы Гүлмира Осмоналиева ачып, кеченин максаты жана мааниси тууралуу айтып берди. Жыйындын катышуучуларын 2012-жылдан бери белгиленип келе жаткан жаңы майрам менен мамлекеттик тил жана тарбия иштери боюнча проректор Садык Алахан (Тиллебаев) куттуктады.

 

МжМБ факультетинин 1-курс студенттери Жогорку Кеңешке экскурсияга барышты

002020-жылдын 12-февраль күнү мамлекеттик жана муниципалдык башкаруу факультетинин 1-курс студенттери Кыргыз Республикасынын Жогорку Кеңешине экскурсияга барышып, депутат Маматалиев Марлен менен 1 саатча баарлашты жана кызыккан суроолоруна жооп алышты. Депутат өлкөбүздөгү жаштардын орду өзгөчө экендигин баса белгилеп, бир катар окуучу, студенттерди чет өлкөгө окууга жөнөтүп жаткандыгын айтты.

 

Журналистика факультетинде белгилүү журналист Азамат Касыбеков менен жолугушуу болду

00

2020-жылдын 11-февраль күнү журналистика факультетинин басма сөз кафедрасынын демилгеси менен журналисттердин көз карандысыз союзунун төрагасы Азамат Касыбеков менен жолугушуу болду. Иш чаранын жүрүшүндө окуу иштери боюнча проректор Бекжан Темиров менен Азамат Касыбеков өз ара кызматташуу келишимине кол коюшуп, басма сөз кафедрасынын башчысы Нуржан Джумагазиевага "Журналисттердин көз карандысыз союзунун мүчөсү" деген күбөлүк салтанаттуу түрдө тапшырылды.

 

Кесиптик колледжде студент кыздар арасында волейбол боюнча мелдеш өткөрүлдү

00

2020-жылдын 11-февралында 6-окуу имаратындагы спорт залда кесиптик колледждин студенттеринин ден соолугун чыңдоо, спортко болгон кызыгуусун арттыруу максатында окуу жайдын бөлүмдөрүндө окуган кыздар арасында волейбол боюнча турнир өткөрүлдү. Кызыктуу беттештердин жыйынтыгында, 1-орунду педагогикалык билим берүү бөлүмүнүн, 2-орунду экономика жана каржы бөлүмүнүн, ал эми 3-орунду маалыматтык технологиялар бөлүмүнүн  студенттери ээледи.

 

КУУнун 1-курс студенттери Жогорку Кеңешке экскурсияга барышты

0

2020-жылдын 10-февраль күнү Кыргыз улуттук университетинин 1-курс студенттери Кыргыз Республикасынын Жогорку Кеңеши жайгашкан Ак үйгө экскурсияга барышып, депутат Канатбек Исаев менен жолугушту. Эл өкүлү өлкөбүздөгү жаштардын орду өзгөчө экендигин баса белгилеп, студентер менен баарлашты. Убактысынын тардыгына карабай, өз кабинетинде кабыл алып, студенттердин суроолоруна жооп бергендиги үчүн КУУнун студенттик кеңеши депутатка терең ыразычылык билдирет.

 

Матфактын окутуучулары Военно-Антоновка гимназиясында кесиптик багыт берүү иш чарасын өткөрдү

0

Математика жана информатика факультетинин деканы Изат Усенов, анын орун басары Фархат Назарбаев, ага окутуучулар Аскар Талантбеков менен Жылдыз Саркелова 2020-жылдын 8-февралында Сокулук районундагы Военно-Антоновка гимназиясынын бүтүрүүчүлөрү үчүн кесиптик багыт берүү иш чарасын өткөрүп, Улуттук университет, анын факультеттери, матфактагы адистиктердин өзгөчөлүктөрү тууралуу жалпы маалыматтарды берип, ЖРТга даярдык боюнча сабак өткөрүштү.

 

Кыргыз филологиясы факультетинде “Китеп - жашоо булагы” интеллектуалдык оюну болуп өттү

00

2020-жылдын 7-февралында 5-окуу имаратындагы “Манас өргөсүндө" кыргыз филологиясы факультетинин студенттери тарабынан уюштурулган “Китеп - жашоо булагы” аттуу интеллектуалдык оюну болуп өттү. Иш чара А.Осмоновдун “Жеңишбек” поэмасы, К.Баялиновдун “Ажар” повести жана Ч.Айтматовдун “Фудзиямадагы кадыр түн” драмасынын негизинде жүргүзүлүп, "Kahoot" программасынын жардамы менен онлайн тест түрүндө өткөрүлдү.

 

Юридика факультетинин 1,2-курс студенттери Жогорку Кенештин ишмердиги менен таанышты

02020-жылдын 6 февралында юридика факультетинин “Бажы иши” адистигинин 1,2-курс студенттери "Укук таануу жана бажы иши" кафедрасынын доценти Нуралы Батырканов менен бирге  Жогорку Кенешке барып, Кыргыз Республикасынын мыйзам чыгаруу органынын ишмердиги менен таанышып келишти. Иш чаранын жүрүшүндө алар Жогорку Кенештин отурумуна катышып, парламенттин китепканасы менен таанышты жана Жогорку Кеңештин социалдык маселелер, билим берүү, илим жана саламаттыкты сактоо боюнча комитетинин мүчөсү  Евгения Строкова менен жолугушту.

 

КУУнун ректору 1-курс студенттери менен жолугушууларды өткөрүүдө (толукталды)

00Коомчулук менен байланышуу жана жаштар иштери боюнча департаменти тарабынан уюштурулган алгачкы жолугушуу 2020-жылдын 5-февраль күнү башкы имараттагы чоң жыйындар залында өтүп, жыйынга эл аралык мамилелер жана чыгыш таануу, кыргыз-европа, маалыматтык жана инновациялык технологиялар, журналистика факультеттеринин 1-курс студенттери катышты. Жолугушууда КУУнун ректору Канат Садыков студенттерге Улуттук университеттин тарыхы, азыркы абалы жана келечеги жөнүндө кыскача маалымат берип, суроолоруна жооп берди.

 

Проректор Садык Алахан Алтай мамлекеттик университетиндеги стратегиялык сессияга катышып келди

00

Мамлекеттик тил жана тарбия иштери боюнча проректор, филология илимдеринин доктору, профессор Садык Алахан (Тиллебаев) ушул жылдын 29-январынан 2-февралына чейин Алтай мамлекеттик университетинде Азиядагы университеттердин ассоциациясы тарабынан уюштурулган “Развитие муждународного сотрудничества в Центрально-Азиатском научно-образовательном и культурном пространстве: опыт и лучшие практики” аттуу стратегиялык сессияга катышып келди. 

 

МжИТ факультетинин окутуучулары үчүн квалификацияны жогорулатуу курстары башталды

00

2020-жылдын 5-февралында башкы имараттагы Азиз Санджар атындагы ресурстук борбордо маалыматтык жана инновациялык технологиялар факультетинин профессордук-окутуучулар курамынын квалификациясын жогорулатуу максатында “Маалыматтык коопсуздук жана маалыматтарды коргоо” жана “Java тилинде программалоо (Spring Framework)” аттуу курстар башталды. Иш чараны факультет деканы Жылдызбек Какишов, анын орун басары Амантур Рыспаев жана "Эгемендик" коомдук бирикмесинин кординатору Улукман Бапаев ачып, курстун максаты жана келечектеги долбоорлор тууралуу айтып беришти.

 

Матфактын студенттери "Кой-Таш" кышкы эс алуу борборунда болушту

00

2020-жылдын 1-февралында математика жана информатика факультетинин студенттери Чүй өрөөнүндө жайгашкан "Кой-Таш" кышкы эс алуу борборуна барып, кызыктуу оюндарды ойноп, тоо-койнунда түштөнүп, сүрөткө түшүп, эс алып келишти. Эрте менен саат 9да жагымдуу маанай, жылуу кийимдер, улутубуздун улуулугун даңазалаган желек менен узап кеткен студенттер, кечки саат 18:00 чамасында жаңы энергия менен кайтышты.

 

Страница 6 из 32

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Баннер
Сейчас 883 гостей онлайн
Баннер
Баннер

Пресс меню

Администратордон

Абитуриенттердин ?-лору

  • Азиз 16.08.2020 23:39
    Здравствуйте! Можно ли поступить к вам на магистратуру? Можно ли это сделать онлайн и как? Я закончил ...

    Подробнее...

     
  • Роза 15.08.2020 11:02
    Саламатсыздарбы менин балам сиздердин окуу жайга тапшырды информатика и инновация технологии деди ...

    Подробнее...

     
  • Abdylda 29.07.2020 00:56
    Юфакультеттерди н ичинде максатту оорун дегенди тушундуруп береспи

    Подробнее...

Студенттердин ?-лору

  • Акылбек 19.08.2020 19:18
    Саламатсызбы? 2020-2021 окуу жылы кандай турдо болот?

    Подробнее...

     
  • Базарбек 22.06.2020 23:50
    Мен 2-курста мобильный студент программа боюнча Ошмуга 1 семестр окуп келдим. Бирок кнудагы отпой ...

    Подробнее...

     
  • жоомарт 22.06.2020 13:28
    мен 5 сабактан отпой калдым башка универге которулсам болову

    Подробнее...

Бүтүрүүчүлөрдүн ?-лору

  • Алтынбек 24.08.2020 15:50
    Здравствуйте. Как можно восстановиться? Если все корпусы закрыты?

    Подробнее...

     
  • Жанара 20.08.2020 18:13
    Можно ли забрать диплом другому человеку?

    Подробнее...

     
  • Алмазбек 21.06.2020 14:12
    Саламатсызбы, архвтик справка кантип алсак болот ушул жерде окуп бүткөн деген. Пенсияны документ ...

    Подробнее...

Пикирлер жана сунуштар

  • Ырыскул 24.05.2020 10:43
    Пересдача тапшырып жатканда жетише албай убакыт бүтүп калып,балл жетпей калды, дипломная защитага ...

    Подробнее...

Биздин өнөктөштөр

Баннер
Баннер
Баннер
Баннер
Баннер
Баннер
Баннер