Дүйшөмбү, Февраль 06, 2023
Баннер

Сайттын тилин тандоо

kg_m RU EN
↑↑ Журналистика факультетинин "Баласагын ТВ" студиясынын репортаждары ↑↑

Улуттук университеттеги соңку жаңылыктар

Мамлекеттик жана муниципалдык башкаруу факультетинде “Кош келдиң бизге студент!” аттуу 1-курстарды тосуп алуу аземи өткөрүлдү

00

2022-жылдын 16-ноябрында 5-окуу имаратындагы жыйындар залында мамлекеттик жана муниципалдык башкаруу факультети Студенттердин эл аралык күнүнө карата “Кош келдиң бизге студент!” аттуу 1-курстарды тосуп алуу аземин өткөрдү. Иш чара 1- курс студенттерин кураторлору менен тосуп алуу менен башталып, факультет деканы Кундузгул Базакеева, экономиканы мамлекеттик жөнгө салуу кафедрасынын башчысы Издевалды Искаков, мамлекеттик жана муниципалдык кызмат кафедрасынын башчысы Гулсайра  Нурматова куттуктоо сөздөрүн айтышты. Майрамдык иш чара ыр, бий, көркөм окуу, логикалык суроолор, сахналаштырылган сценка, кызыктуу оюндар менен коштолду. Спортсмен студенттерди факультет деканы жеништери менен куттуктады.

 

Илимий жетишкендиктердин факультеттер аралык көргөзмөсүндө СГИФ 2-орунду ээледи

00

16-ноябрь күнү башкы имараттагы чоң жыйындар залында Илим кунунө карата салтанаттуу жыйын өткөрүлүп, анын алдында 2-кабаттын фойесинде факультетдердин илимий жетишкендиктеринин көргөзмөсү болду. Иш чарага 15 факультет катышып, көргөзмөгө соңку 2 жыл ичинде жарык көргөн китептер, окуу методикалык куралдар жана илимий монографиялар коюлду. Салтанаттуу жыйындын соңунда көргөзмөнүн жыйынтыгы чыгарылып, социалдык-гуманитардык илимдер факультети 2-орунду ээледи. Калыстар тобу тарабынан факультетке 5 миң сом акчалай сыйлык ыйгарылып, сертификат тапшырылды.

 

Жогорку Кеңештин депутаты Нуржигит Кадырбеков №5-жатаканада жашаган студенттер менен жолугушту

0

2022-жылдын 16-ноябрында жаш муундарга жан дүйнөсү менен таалим-тарбия бергенден талыкпаган Жогорку Кеңештин депутаты Нуржигит Кадырбеков №5-жатаканада жашаган студенттер менен жолугушту. Жыйынды төкмө акындык өнөрү бар кыргыз филологиясы факультетинин 3-курс студенти Сапар кызы Жибек саламдашуу менен баштап, Нуржигит Кадырбековдун чыгармачылыгы жана таалим берүүдөгү өзгөчөлүгү, жаш кезиндеги комуз, гитара черткен өнөрлөрү жөнүндө төгүп ырдап берди. Жатаканда жашаган студенттер да абдан кубануу менен өз өнөрлөрүн көрсөтүштү.

 

КУУда Илим күнүнө арналган салтанаттуу жыйын болуп өттү

0

2022-жылдын 16-ноябрь күнү башкы имараттагы чоң жыйындар залында Илим күнүнө арналган салтанаттуу жыйын болуп өттү. Иш чаранын алдында 2-кабаттагы фойеде факультеттердин илимий жетишкендиктеринин көргөзмөсү болду. Жыйын Кыргыз Республикасынын гимни менен башталып, андан кийин Улуттук университеттин илимий жетишкендиктери жөнүндө видеоролик көрсөтүлдү. КУУнун окумуштууларын кесиптик майрамы менен ректор Төлөбек Абдырахманов куттуктады. Жогорку Кеңештин депутаты Исатбек кызы Аида окуу жайдын айрым кызматкерлерин кыргыз парламентинин ардак грамотасы менен сыйлады.

 

Улуттук университетте Кыргыз эл акыны Жалил Садыковдун 90 жылдыгы белгиленди

0

2022-жылдын 16-ноябрында башкы имараттагы чоң жыйындар залында Кыргыз эл акыны, Токтогул атындагы мамлекеттик сыйлыктын лауреаты, драматург жана котормочу, Кыргыз Республикасынын мамлекеттик гимнинин авторлорунун бири Жалил Садыковдун 90 жылдыгына арналган “Жалил Садыков - улуттун уңгулуу калемгери” аттуу республикалык илимий-тажрыйбалык конференция болуп өттү. Жыйынды мамлекеттик тил жана жаштар иштери боюнча проректор Садык Алахан ачып, келген конокторду тааныштырды жана сөз кезегин КУУнун ректору Төлөбек Абдырахмановго берди. Ал бүгүнкү иш чаранын уюштуруучуларына жана убакыт таап, келип берген конокторго ректораттын атынан чоң ыраазычылык билдирип, башка форматта, башка масштабда өтүүчү иш чаралар Жалил Садыков өзү бүтүрүп кеткен Улуттук университетте башталып жатканы символикалуу экенин белгиледи.

 

Математика жана информатика факультетинде Баткен окуясынын ардагерлери менен жолугушуу болду

002022-жылдын 15-ноябрь күнү математика жана информатика факультетинин аскердик–патриоттук “Мекен” уюмунун демилгеси менен 1999-2000-жылы болгон Баткен окуясына жана ушул эле жылдын сентябрь айында Кыргызстан менен Тажикстандын чек арасындагы ок атышууга байланыштуу иш-чара өттү. Жыйынга Баткен окуясынын ардагерлери, Бишкек шаарынын Свердлов районунун Баткен согушунун ардагерлер кеңешинин төрагасы Шабданбек Шакиров, КР аскер авиациясынын ардагерлер кеңешинин төрагасы Султанкул уулу Нурлан катышты. Жолугушуу жогоруда аталган окуяларда курман болгондорду бир мүнөттүк эскерүү жана 15 мүнөтүк видео-ролик менен башталды.

 

Социология жана социалдык иштер кафедрасынын окутуучулары КМТУда өткөн симпозиумга катышты

002022-жылдын 14-ноябрында социология жана социалдык иштер кафедрасынын профессорe Нуратбек Мендибаев, доценттери Абдикайым Жусубалиев, Айнура Усубалиева, Батма Кошбакова, Асель Жолдошева, Жайнагуль Асангулова жана журналистика факультетинин деканы Ширин Костюк И.Раззаков атындагы Кыргыз мамлекеттик техникалык университетинде Кыргызстандын социологиялык ассоциациясынын президенти, КР Эл мугалими, ф.и.д, профессор Кусеин Исаевич Исаевдин 85-жылдык мааракесине карата өткөрүлгөн симпозиумга катышты. Ушул эле күнү аталган Ассоциациянын IX Конгресси болду.

 

Кыргыз филологиясы факультетинде 1-курс студенттерин тосуп алуу аземи өткөрүлдү

002022-жылдын 14-ноябрында башкы имараттагы чоң жыйындар залында кыргыз филологиясы факультети тарабынан Студенттер күнүнө карата «Кош келдиң бизге, филолог!» аттуу 1-курстарды тосуп алуу аземи өткөрүлдү. Майрамдык иш-чараны факультет деканы Б.Жайлообаев ачып, 1-курс студенттерин Кыргызстандагы жогорку окуу жайлардын көрөңгөлүү көч башы аталган КУУнун студенти болушу менен куттуктап, Улуттук университет кыргыздын алгачкы интелигенция өкүлдөрүн тарбиялап, XX кылымдын устаканасы аталганын айтып, М.Алыбаев, Ж.Турусбеков, Р.Шүкүрбеков, Т.Усубалиев, Т.Касымбеков Ж.Садыков, Б.Жакиев сыяктуу алгачкы айрым бүтүрүүчүлөрүн санап берди.

 

Геофактын студенттери Новосибирскиден келген окумуштуу Павел Барсуков менен жолугушту

002022-жылдын 11-ноябрь күнү география, экология жана туризм факультетинде студенттер менен Новосибирскиден келген биология илимдеринин кандидаты, доцент Павел Анатольевич Барсуков менен жолугушуу болуп ѳттү. Орус окумуштуусу ѳзүнүн эмгек жолу тууралуу кыскача айтып, бала кезинен канатууларга мониторинг жүргүзүүгѳ катышкандыгы анын табиятты изилдѳѳ боюнча адис болуусуна түрткү бергендигин билдирди. Барсуковдун айтымында, айлана чѳйрѳгѳ ѳспүрүм кезден баштап байкоо жүргүзүү табигый илимдерде маанилүү. Андан кийин ал азыркы учурда Россия илимдер академиясынын Сибирь бѳлүмүнүндѳ ишке ашырылып жаткан илимий долбоорлор, экспедициялар жана алардын каржылоо булактары тууралуу маалыматтарга кенен токтолуп ѳттү.

 

Юридика факультетинде Илим күнүнө карата тегерек стол өткөрүлдү

00

2022-жылдын 10-ноябрында юридика факультетинде Илим күнүнө карата Министрлер Кабинетинин Төрагасы Акылбек Жапаровдун кеңешчиси Т.Э.Эркиновдун катышуусу менен тегерек стол өткөрүлдү. Кыргыз Республикасынын мыйзамдарын жакшыртуу боюнча долбоорлорго студенттерди жигердүү катыштыруу масатын көздөгөн иш чарада Т.Э.Эркинов катышуучулар менен долбоорлордун ийгилиги менен бөлүштү жана студенттердин бул долбоорлорго жигердүү катышуусун суранды. Тегерек столдун жыйынтыгында бул маселе боюнча мындан аркы кызматташуу боюнча макулдашууларга жетишилди.

 

Математика жана информатика факультетинде Бүткүл дүйнөлүк жаштар күнү белгиленди

00

2022-жылдын 10-ноябрь күнү математика жана информатика факультетинин инсандык өнүгүү багытындагы «Коом сен жана мен» клубунун демилгеси менен Бүткүл дүйнөлүк жаштар күнүнө карата иш-чара өткөрүлүп, жыйынга коомчулук менен байланышуу жана жаштар иштери боюнча бөлүмдүн өкүлдөрү катышты. Аталган бөлүмдүн тарбия иштери боюнча секторунун башчысы Ынтымак Касмакунов белгиленип жаткан майрам тууралуу баяндама жасады. Анын айтымында, 1945-жылы 29-октябрдан 10-ноябрга чейин Лондон шаарында жаштардын Бүткүл дүйнөлүк конференциясы өтүп, Демократиялык жаштардын дүйнөлүк федерациясы түзүлгөн жана бул окуянын урматына "Бүткүл дүйнөлүк жаштар күнүн" жыл сайын 10-ноябрда белгилөө чечими кабыл алынган.

 

Матфакта магистранттардын илимий-педагогикалык практикасы жыйынтыкталды

002022-жылдын 9-ноябрь күнү 6-окуу имаратынын 126-жыйындар залында математикалык анализ кафедрасы менен колдонмо математика жана компьютердик технологиялар кафедрасынын магистранттарынын илимий-педагогикалык практикасы жыйынтыкталып, алардын «Математиканын азыркы жана келечектеги мааниси» темасы боюнча жасаган баяндамалары жыйынга катышкан студенттерди аябай таасирлентти. Иш чарага окуу иштери боюнча декандын орун басары Ф.Т.Назарбаев, матанализ кафедрасынын башчысы К.Б.Бараталиев, КМжКТ кафедрасынын окутуучусу А.С.Сыргабекова жана педагогика илимдеринин кандидаты А.С.Баялиева катышты.

 

№7-жатаканада жашаган КУУнун студенти “Кыргызстандын эң мыкты студенти-2022” наамын алды

02№7-жатаканада жашаган Улуттук университеттин студенти Мирбекова Гүлайым Кыргыз Республикасынын маданият, маалымат, спорт жана жаштар саясаты министрлиги тарабынан уюштурулган "Кыргызстандын эң мыкты студенти-2022" республикалык сынагына катышып, жеңүүчү аталды. Гүлайым студент күндөрүндө жараткан окуудагы жана коомдук иштердеги ийгиликтери үчүн "Кыргызстандын эң мыкты студенти" наамына татыктуу болуп, тиешелүү төш белги жана диплом менен сыйланды.

 

Психолог Акжолтой Аскар КУУнун студенттерине лекция өттү

002022-жылдын 4-ноябрында №6-окуу имаратындагы 2-дарсканада оратор, коуч-тренер жана психолог Акжолтой Аскар КУУнун студенттерине лекция өттү. Ал студенттерге азыркы жашоодо иш баштоонун жолдору, окуу менен кызыгууну чогуу алып кетүү, жашоодо кандай адамды тандаш керек тууралуу айтып, ар тараптан өнүккүлө деген мотивация берип кетти. Студенттер лекцияга активдүү катышып, кызыгуусу артып, өздөрүнө керектүү суроолорго канаттандыраарлык жооп алышты.

 

Жогорку окуу жайлардын Координациялык кеңеши түзүлдү

00

Жакында Бишкек шаарында жаштар саясатын жүргүзүүгө багытталган жогорку окуу жайлардын Координациялык кеңеши түзүлдү. Кеңешке Кыргыз Республикасынын  Министрлер Кабинетинин Төрагасынын орун басары Эдиль Байсалов, Кыргыз Республикасынын Маданият, маалымат, спорт жана жаштар саясаты министри Алтынбек Максутов, Билим берүү жана илим министринин орун басары Расул Абазбек уулу, жогорку окуу жайлардын проректорлору катышты. Министрлер Кабинетинин Төрагасынын орун басары Эдиль Байсалов жаштар ишин жакшыртууда жогорку окуу жайлардын ролу чоң экендигин баса белгилеп, жыйынга катышып жаткан ЖОЖдордун өкүлдөрүн натыйжалуу иш алып барууга чакырды.

 

Окумуштуулар кеңешинин кезектеги отуруму болуп өттү

002022-жылдын 4-ноябрь күнү башкы имараттагы чоң жыйындар залында Окумуштуулар кеңешинин кезектеги отуруму болуп өттү. Аталган кеңештин төрагасы, Улуттук университеттин ректору Төлөбек Абдырахманов алып барган жыйында негизги маселе катары "2022-2023-окуу жылына абитуриенттерди кабыл алуунун жыйынтыгы" жана "КУУнун китепканаларынын абалы, санариптешүүсү жана өнүгүүнүн жаңы багьтттары" каралды. Ал эми күн тартибинин "Ар түрдүү" бөлүгүндө “Орус тили борборун ачуу жана ага жетекчи дайындоо", "Кытай Элчисине "КУУнун ардактуу профессору" наамын ыйгаруу", "КУУнун кызматкерлерине “доцент” окумуштуулук наамын ыйгаруу" жана "Сыйлыктар жөнүндө" маселелер талкууланып, тиешелүү чечимдер кабыл алынды.

 

Кыргыз филологиясы факультетинде Илим күнүнө карата конок лекция өткөрүлдү

00

2022-жылдын 3-ноябрында кыргыз филологиясы факультетинде Илим күнүнө карата конок лекция өткөрүлдү. Лекцияны белгилүү түрколог, ф.и.д., Кыргыз-түрк “Манас” университетинин профессору Бурул Сагынбаева “Түркология илиминин калыптануусу” деген аталышта окуп, сабакка факультеттин окутуучулары менен студенттери катышышты. Бурул Сагынбаева түркология илими тууралуу терең маалымат берип, студенттерге бир катар илимий жаңылыктарды айтып берди. Лекциянын жүрүшүндө суроо-жооп уюштурулуп, студенттердин кызыктырган бир канча суроолоруна жооп берип, алар менен ой-пикирин бөлүштү.

 

География, экология жана туризм факультетинде «Туризм тармагында ишке орношуунун азыркы абалы» талкууланды

002022-жылдын 3-ноябрь күнү география, экология жана туризм факультетинин туризм жана рекреациялык география кафедрасынын студенттери менен мугалимдер жамааты «Туризм тармагында ишке орношуунун азыркы абалы» деген темада, тегерек стол ѳткѳрүштү. Туризм багытын бүтүргѳн бүтүрүүчүлѳрдүн ишке орношуусундагы кѳйгѳйлѳр каралган иш чарага «Кыргызстандагы жѳѳ туризм» бирикесинин директору Марат Данилов катышып, туризм тармагында иштѳѳнүн сырлары, кызыктуу окуяларды айтып берди. Андан кийин студентер конокко  кызыккан суроолорун узатып, жооп алышты. Аягында катышуучулар Марат Даниловичке ыраазычылык билдиришти.

 

Мамлекеттик жана муниципалдык башкаруу факультетинин окутуучулары Баткен облусунда сурамжылоо өткөрүп келишти

00

Мамлекеттик жана муниципалдык башкаруу факультети 2021-2022 окуу жылында Билим берүү жана илим министрлиги тарабынан берилген мамлекеттик заказды ишке ашыруу боюнча «Борбордук Азия чөлкөмүндөгү мамлекеттердин ортосундагы аскердик-саясий мамилелердин заманбап көз караштарын жана көйгөйлөрүн изилдөө жана мүмкүн болгон чек арадагы куралдуу кагылышууларды жөнгө салуу (чечүү)» аттуу проекти утуп алып иштеп келет. Ошол себептен З кварталдагы отчетту даярдаш үчүн бекитилген календардык план боюнча талаа изилдөөлөрүн Баткен облусунда факультет деканы Базакеева К.Ж, мамлекеттик жана муниципалдык кызмат кафедрасынын башчысы Нурматова Г.А. жана ага окутуучусу Айдашов Н.С. 2022 -жылдын 31-октябрынан 3-ноябрына чейин иш сапарына барып сурамжылоо өткөрүп келишти.

 

Математика жана информатика факультетинин студенттери арасында волейбол боюнча мелдеш өткөрүлдү

002022-жылдын 3-ноябрь күнү математика жана информатика факультетинин аскердик-патриоттук "Мекен" уюмунун демилгеси менен КУУнун факультеттер аралык өткөрүлүүчү турнирине катышуучу курама команданы түзүү максатында 6-окуу имаратынын спорт залында волейбол боюнча мелдеш өткөрүлдү. Оюнга ар бир курстан экиден команда катышып, таймаш өтө жогору деңгээлде өттү. Студенттик кеңештин төрагасы, 4-курстун студенти Акбаралиев Даниелдин айтымында, волейбол - активдүү эс алуунун, ден соолукту чыңдоонун мыкты жолу. Аны менен машыгуу тез жана так реакция жасоого көнүктүрүп, шамдагайлыкты, көз менен болжолдоону өөрчүтүп, кыймыл координацияларын жакшыртат. Ошону менен бирге ден соолукту чыңдап, сергек жашоо образына шарт түзөт.

 

Ноябрь майрамдарында кандай эс алабыз?

00

Ректордун 2022-жылдын 2-ноябрында кол койгон №436-буйругу менен 7-8-ноябрь (дүйшөмбү, шейшемби) - Тарых жана ата-бабаларды эскерүү күнү Жусуп Баласагын атындагы Кыргыз улуттук университети боюнча эс алуу күндөрү болуп жарыяланды. Аталган буйрук Кыргыз Республикасынын Эмгек кодексинин 113-беренесине ылайык чыгарылып, майрам күндөрү окуу имараттары менен жатаканаларда өрт коопсуздугун камсыздоо, окуу жайдын мүлкүн жана материалдык баалуулуктарын сактоо күзөт кызматынын башчысы менен студенттик жатаканапардын коменданттарына тапшырылды.

 

Төлөбек Абдырахманов: "Илим жагынан эч ким бизге жетпеш керек!"

002022-жылдын 3-ноябрь күнү санариптик технологиялар борборунда Илим күнүнɵ карата «Санариптештирүү шартында илимдин ɵнүгүшү» деген темада тегерек стол болуп өттү. Иш чараны илимий иштер боюнча проректор Назаркул Ишекеев ачып, КУУнун ректору Төлөбек Абдырахманов сөз сүйлөдү. Ал тегерек столго келген меймандарга ыраазычылык билдирип, келе жаткан Илим күнү менен куттуктады жана төмөндөгүлөргө токтолду: - Бул майрам - илим менен алектенип жүргөн адам үчүн чоң майрам. Анткени, илим - өтө оор жана түйшүктүү иш, аны менен алектениш үчүн бир чети мээ иштеш керек, экинчиден тажабаган эмгек керек.

 

Физика жана электроника факультетинде Илим күнүнө карата тегерек стол өткөрүлдү

002022-жылдын 2-ноябрында физика жана электроника факультетинде Илим күнүнө карата “Илимдин өнүгүшү тууралуу” тегерек стол өткөрүлдү. Иш чарага УИАнын Ж.Ж.Жеенбаев атындагы физика институтунун директору Нурбек Жеенбаев, илимий иштер боюнча проректор Назаркул Ишекеев, Франклин атындагы илим-изилдөө борборунун жетекчиси Гүлзыйнат Аркабаева жана факультеттин окутуучулук-профессордук курамы катышты. Факультет деканы Самат Токтогонов факультетте илимге көңүл бурулуп, ар бир кафедрада илимий-изилдөө иштери заман талабына ылайык жүргүзүлүп жаткандыгы, Билим берүү жана илим министрлигинин гранты боюнча илимий долбоорлор аткарылып жаткандыгы тууралуу баяндама жасады.

 

5-студенттик жатаканада жашаган 1-курс студенттерин Студенттердин эл аралык күнү менен куттуктоо кечеси болуп ѳттү

002022-жылдын 2-ноябрында башкы окуу имаратындагы чоң жыйындар залында студенттик жатаканалардын жетекчилиги менен студенттик кеңеш биргеликте уюштурган №5-студенттик жатаканада жашаган 1-курстун студенттерин  алдыда келе жаткан 17-ноябрь - Студенттердин эл аралык күнү менен куттуктоо кечеси болуп ѳттү. Иш чарада жатакананын кабаттар арасында ыр-бий, күтүүсүз суроолор боюнча сынак ѳтүп, биринчи орунду 2-кабаттын жашоочулары жеңип алышты. Кечеге студенттик жатаканалардын директору Бексултан Шабданов, тарбия иштери бѳлүмүнүн башчысы Ынтымак Касмакунов, тарых факультетинин деканынын тарбия иштери боюнча орун басары Келдибек Касымкулов ж.б. коноктор чакырылып, куттуктоо сѳздѳрүн айтышты.

 

Страница 6 из 20

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Сейчас 654 гостей онлайн
Баннер

Пресс меню

Администратордон

Абитуриенттердин ?-лору

  • Сезим 10.09.2022 16:21
    казахстандын жараны заочныйга тапшырса болобу?

    Толугу менен...

     
  • Аман 31.08.2022 20:34
    Саламатсызбы, мен Юридический факультетке тапшыргам. Ватсаптан групп ачкан жок каяка саат канчага ...

    Толугу менен...

     
  • Шарип кызы Сезим 12.08.2022 07:18
    Саламатсызбы! Мен Нарын Мамлекеттик университетинин педагогика факультетин химия предметинен бакалавр ...

    Толугу менен...

Студенттердин ?-лору

  • Акылай 05.01.2023 01:39
    Саламатсызбы? "Tömer" курсуна катталуу үчүн кайда, кайсы номерге кайрылышым керек ?

    Толугу менен...

     
  • Сезим 27.10.2022 02:18
    Здравствуйте,я училась в в проф колледже им.Ж Баласагына,меня отчислили за фин долг.Дело вот в чем,я ...

    Толугу менен...

     
  • ФИИТ 26.09.2022 10:42
    Я учусь в ФИИТе уже третий курс, и хотел поинтересоватьс я, есть ли у нас программы по обмену за ...

    Толугу менен...

Бүтүрүүчүлөрдүн ?-лору

  • Ислам 05.12.2022 15:02
    Саламатсызбы мамлекеттик жана муниципалдык башкаруу факультетине тапшыруу үчүн Ортдан кошумча ...

    Толугу менен...

     
  • Гулиза 13.09.2022 14:52
    Саламатсынарбы, мен 2015 жылы чет тилдер институтун бутургонмун, андан лингвист окуттуучу деп диплом ...

    Толугу менен...

     
  • Жазгул 03.09.2022 21:15
    Саламатсызбы!Ме н 2009жылы тапшырып 2014жылы бутмокмун.Гос.э кзаменге жаны диплом защитага ...

    Толугу менен...

Пикирлер жана сунуштар

  • Жыпаркул 24.01.2023 10:32
    Кнунун 6 корпусу ото эле суук???? окуганга мумкун эмес????

    Толугу менен...

     
  • Канышай 24.01.2023 10:28
    Саламатсызбы.6- корпустун 1-этажы абдан суук болуп,окуганга оор болуп жатат.Үшуп,оору п жатабыз.Ушул ...

    Толугу менен...

     
  • Юрфак 2 курс спо 22.12.2022 03:10
    Те кто сдали деньги получают высокие баллы а те кто не сдал деньги но старательно учились получают ...

    Толугу менен...

Биздин өнөктөштөр

Баннер
Баннер
Баннер
Баннер
Баннер
Баннер

Окутуучулардын макалалары