КУУдагы соңку жаңылыктар

Кесиптик колледжде студенттердин китеп окууга кызгуусун арттыруу максатында “Кыргыз Республикасынын мамлекеттик тили жөнүндөгү” мыйзамдын кабыл алынгандыгынын 31 жылдыгына арналган жана Кыргыз Республикасынын билим берүү жана илим министрлигинин №774/1 буйругуна ылайык көркөм окуу сынагы өткөрүлүп, анын жыйынты 2020- жылдын 22-октябрында чыгарылды. Жеңүүчүлөр акчалай жана баалуу китептер менен сыйланышты.

2020-жылдын 20-октябрында окуу иштери боюнча проректор Бекжан Темиров юридика факультетинин укуктаануу жана  бажы  иши кафедрасынын башчысы, юридика илимдеринин доктору Базарбаев Эрланга Кыргыз Республикасынын Жогорку аттестациялык комиссиясы тарабынан ыйгарылган "профессор" окумуштуулук наамынын аттестатын тапшырды. Проректор расмий документ ээсине чың ден соолук жана мындан аркы илимий, чыгармачыл ийгиликтерди каалады.

2020-жылдын 14-октябрында Уфа шаарында «Башкырт менен кыргыздардын рухий маданияты: өз ара байланыштары” аттуу эл аралык илимий-практикалык конференция болуп өттү. Россиянын илим жана жогорку билим берүү министрлиги, Башкыр мамлекеттик университетинин башкыр филологиясы, чыгыш таануу жана журналистика факультети, Башкыртстандагы “Ала-Тоо” кыргыз маданияты борборунун аймактык коомдук уюму тарабынан уюштурулган жыйынга КУУдан Гүлжамал Жаманкулова менен Назгүл Турдубаева онлайн режимде катышып, “Кыргыз жана башкыр элдеринин этногенезинде “кыргыз” этноними” жана “Башкыр окумуштуулары жана кыргыз фольклору” деген темаларда доклад жасашты.

2020-жылдын 15-октябрь күнү ректораттын жыйындар залында Улуттук университеттин Камкорчулук кеңешинин кезектеги отуруму болуп өттү. Аталган кеңештин төрагасы Асылбек Токтогулов алып барган жыйында ректор Канат Садыков пандемия шартында КУУда жасалып жаткан иштер, окуу жайды 2020-2022-жылдары өнүктүрүүнүн стратегиялык планы, илимий китепканадагы, экономика факультетиндеги жана ”Атмосферанын мониторинги” илимий-изилдөө борборундагы өзгөрүүлөр жана медициналык факультетти ачуу боюнча баяндама жасады.

Мамлекеттик тил жана тарбия иштери боюнча проректор, профессор Садык Алахан ((Тиллебаев) Бүткүл дүйнөлүк саламаттык сактоо уюму тарабынан өткөрүлүп жаткан “Тамеки түтүнүсүз чөйрө” акциясынын Бишкектеги активисттери менен жолугушту. Проректор университеттин администрациясы, кесиптик кошундар уюму, деканаттар тарабынан студенттердин ден соолугуна өзгөчө көңүл бурулары, бул багытта жасалчу иштер таажывирус илдетинин айынын убактынча – студенттер окууларын аудиторияларда улантуучу күндөргө чейин гана – токтоп тургандыгына, андан соң мурдагыдай эле улантыларына токтолду.

2020-жылдын 5-октябрында башкы имараттагы кичи жыйындар залында КУУнун жамааты Мугалимдер күнүн белгиледи. Окуу жайдын профессорлук-окутуучулар жамаатын кесиптик майрамы менен ректор Канат Садыков куттуктап, мугалимдик кесиптин мыктыларына министрлик менен Улуттук университеттин сыйлыктарын тапшырды. Сыйлык алгандардын атынан кесиптик колледждин директору Аскар Акматов менен кыргыз-кытай факультетинин деканы Софья Апаева сөз сүйлөштү.

2020-жылдын 1-октябрь күнү социалдык-гумантардык илимдер факультетинде Мугалимдер күнүнө карата иш-чара өттү. Жыйынга мамлекеттик тил жана тарбия иштери боюнча боюнча проректор Садык Алахан (Тиллебаев), факультет деканы Камчыбек уулу Мырзабек, кафедра башчылары жана мугалимдер (айрымдары форматта) катышты. Садык Алахан алгач окуу жылындагы жетишкендиктерге токтолуп, андан сон ардактуу кесип ээлерин майрамы менен куттуктап, мугалимдердин коомдогу ордун жана эмгегин белгилеп өттү.

2020-жылдын 1-октябрында Улуттук университетке Түркиянын Кыргызстандагы элчисинин билим берүү боюнча кеңешчиси Харун Карджы мырза, Кызматташтык жана координациялоо боюнча түрк агенттигинин (ТИКА) программалык координатору Осман Уста мырза баштаган жоон топ делегация келди. КУУнун ректору Канат Садыков түркиялык конокторду 6-окуу имаратынын кире беришинде тосуп алган соң, делегация мүчөлөрү физика жана электроника, биология, химия жана химиялык технология факультеттериндеги лабораториялык кабинеттерди кыдырып чыгышты.

Илимий иштер боюнча проректор Асылбек Чекеев редакциялык коллегиясынын мүчөсү болгон түрк дүйнөсүнүн математиктеринин эл аралык уюмунун “TWMS Journal Pure and Applied Mathematics” деген аталыштагы илимий журналы 2020-жылдын сентябрь айында Science Citation Index Expanded (SCIE Web of Science) эл аралык илимий цитирлөөнүн кеңейтилген индексине катталды. Бул факт 2010-жылы уюштурулган журналдын фундаменталдык жана колдонмо математика категориясы боюнча эң көп цитирленген негизги журналдардын катарына киргенин билдирет.

Урматтуу биздин устаттар, кесиптеги чыйыр жолду баштап берген насаатчылар, жол көрсөтүп, акылмандуулук, көрөгөчтүк менен турмуштагы, жумуштагы ар бир кырдаалды жеңип, биз үчүн үлгү болгон асыл инсандар, сиздерди Эл аралык карылар күнү менен чын дилибизден куттуктайбыз! Сиздер менен тажрыйба алмашып, кеп-кеңештериңиздерди угуп, ак бата алуу, өмүрдөгү өрнөк боло турган сабактарды сиздер аркылуу көрүп-билүү бизге буйруган чоң кут деп билебиз.

2020-жылдын 30-сентябрь күнү башкы имараттагы К.Ш.Токтомаматов атындагы санариптик технологиялар борборунда Окумуштуулар кеңешинин кезектеги отуруму болуп өттү. Аталган органдын төрагасы, КУУнун ректору Канат Садыков алып барган жыйында "КУУнун миссиясы", "Илимий китепкананын директорунун отчету", "Кыргыз филологиясы факультетинде "Түркология жана котормо таануу” программасын ачуу", "Экономика факультетиндеги кафедраларды жана факультеттер аралык чет тилдер кафедраларын бириктирүү", "КУУда документ жүргүзүү жөнүндөгү жобону бекитүү", "КУУнун медициналык факультетинин жобосун кабыл алуу" сыяктуу маселелер талкууланып, тиешелүү чечимдер кабыл алынды.

ФИИТ факультетинин ИТ, ИВТ жана БИ багытынын студенттери 23-сентябрь – Мамлекеттик тил күнүнө карата Кыргыз Республикасынын Президентине караштуу Мамлекеттик тил боюнча улуттук комиссиясы тарабынан жарыяланган "Тилим жүрөгүмдө" аттуу акцияга абдан жигердүү катышып, жаңы окуу жылынын башынан бери факультеттер аралык мамлекеттик тил кафедрасынын башчысы, профессор Г.К.Осмоналиеванын жетекчилиги астында "Каталар" проектиси боюнча маалымат чогултуп, видео-роликтерди даярдашты.

2020-жылдын 23-сентябрь күнү башкы имараттагы конференц-залда "Мамлекеттик тил күнү" майрамына карата салтанаттуу жыйын болуп өттү. Иш чараны Улуттук университеттин мамлекеттик тил жана тарбия иштери боюнча проректору Садык Алахан (Тиллебаев) ачып, алгач ректор Канат Садыковдун куттуктоосун айтып, андан ары төмөнкүлөргө токтолду:

Кыргыз тил илими кафедрасынын профессору К.Т.Жаманкулова 2020-жылдын 18-сентябрында Москва мамлекеттик университетинин Азия жана Африка өлкөлөрү институтунун Борбордук Азия жана Кавказ өлкөлөрү кафедрасы тарабынан Тажик улуттук университетинин катышуусунда өткөргөн "Модерндин кризиси жана граждандык коомдун поэтикасы” деген темадагы эл аралык онлайн-семинарына катышты. Семинарга ар кайсы өлкөлөрдөн 50дөй окумуштуу катышты.

Тарых жана чөлкөм таануу факультети менен журналистика факультеттеринин студенттери 23-сентябрь - Мамлекеттик тил күнүнө карата Кыргыз Республикасынын Президентине караштуу Мамлекеттик тил боюнча улуттук комиссия тарабынан жарыяланган "Тилим жүрөгүмдө" аттуу акцияга факультеттер аралык мамлекеттик тил кафедрасынын окутуучусу Айжан Каролованын жетекчилиги астында "Көркөм окуу" боюнча катышты.

Улуттук университеттин 25 студенти Казакстандын юридикалык жактарынын «“Бөбек” жалпы улуттук кыймылы» деп аталган бирикмеси тарабынан уюштурулган “КМШнын мыкты студенти” сынагына катышып, анын 13ү биринчи даражадагы дипломго татыктуу болушту. Илимий-изилдөө, чыгармачылык, студенттик өзүн-өзү башкаруу жана спорт боюнча мыкты ийгиликтерге жетишкен студенттерди сыйлоо жана КМШ өлкөлөрүнүн студенттеринин кызматташтыгын калыптандыруу максатында өткөрүлгөн интеллектуалдык мелдешке 20дан ашуун өлкөнүн студенттери катышты.

Курамына кыргыз филологиясы факультетинин 5-курсунун студенти Айзирек Абдылаева, журналистика факультетинин 3-курсунун студенти Айпери Сатыбалдиева жана чет тилдер факультетинин 4-курсунун студенти Бакдөөлөт Кульжанова кирген КУУнун "Кут билим" командасы Британиянын коомдук телерадио компаниясынын (BBC) Кыргыз кызматы тарабынан Кыргызстандагы жогорку окуу жайлардын студенттери арасында өткөрүлгөн “Сиз Британия тууралуу эмне билесиз?” деген интерактивдүү телевикторинанын финалында байгелүү орунду багындырып, 3-орунга ээ болду.

Кыргыз филологиясы факультетинин 5-курс студенти Айзирек Абдылаева, журналистика факультетинин 3-курс студенти Айпери Сатыбалдиева жана чет тилдер факультетинин 4-курс студенти Бакдөөлөт Кульжанова курамына кирген КУУнун "Кут билим" командасы Британиянын коомдук телерадио компаниясынын (BBC) Кыргыз кызматы Кыргызстандагы жогорку окуу жайлардын студенттери арасында өткөрүп жаткан “Сиз Британия тууралуу эмне билесиз?” деген интерактивдүү телевикторинанын биринчи жана экинчи айлампасынан өтүп, мелдештин финалына чыкты.

2020-жылдын 4-сентябрь күнү КУУнун алдындагы Конфуций институтунун директорлору Масалбек Сулайманов менен Ан Дэюань мырза гуманитардык жардам катары Улуттук университетке коронавирустун жайылышына бөгөт коюу каражаттарын жана 50 миӊ сом акчалай каражат тапшырышты. Ректор Канат Садыков көрсөтүлгөн жардам үчүн аталган институттун жетекчилерине Улуттук университеттин жалпы жамаатынын атынан чоӊ ыраазычылык билдирип, коронавируска каршы күрөшүү боюнча жасалып жаткан аракеттер мындан ары да улана берээрин, ал эми акчалай каражат профсоюз уюмуна берилип, Университеттин жардамга муктаж кызматкерлерине бөлүнөөрүн билдирди.

Урматтуу кесиптештер, уюткулуу Улуттук университетте эмгектенген жалпы кызматкерлер, студенттер. Сиздерди алдыда келе жаткан кош майрам менен куттуктайм! Эгемен өлкөбүздүн эртеңи жарык шоола чачып, келечегинин керегеси кең болсун! Бул эгемендүүлүк күнүнө элибиз оңой-олтоң эле келип жеткен жок. Нечендеген ашууларды, кырларды басып өтүп, мамлекеттин мамлекеттүүлүгүн, көз каранды эместигин, өз алдынчалыгын, суверендүүлүгүн сактап калышты. Бул эгемендүүлүк биз үчүн, келечек жаштар үчүн муундан муунга кала турган асыл таберик.

Кыргыз Республикасынын президенти Сооронбай Жээнбековдун 28.08.2020 жарлыгы менен журналистика факультетинин мезгилдүү басма сөз кафедрасынын доценти Халилов Абдыганы Дарманбекович “Кыргыз Республикасынын билим берүүсүнө эмгек сиңирген кызматкер” деген ардак наамга татыктуу болду. Кесиптешибизге аталган сыйлык “Кыргыз Республикасынын социалдык-экономикалык, интеллектуалдык жана маданий потенциалын өнүктүрүүгө олуттуу салым кошкондугу, кесиптик ишмердүүлүгүндө чоң жетишкендиктери үчүн, о.э. Кыргыз Республикасынын Көз карандысыздык күнүнө карата” ыйгарылды.

2020-жылдын 13-август күнү Казакстандын Кыргызстандагы элчиси Кайрат Нурпеисовдун тапшырмасы менен элчиликтин 1-катчысы Бекасыл Кенжебаев менен элчинин кеңешчиси Жанибек Жумбергенов Кыргыз улуттук университетине таланттуу жазуучу Айдарбек Сарманбетов которгон Абайдын атактуу "Гаклиясы" менен дастандарын камтыган "Кара сөздөр жана поэмалар" деген аталыштагы китебин белек кылышты. Мамлекеттик тил жана тарбия иштери боюнча проректор Садык Алахан (Тиллебаев) менен болгон жолугушуу учурунда Элчиликтин өкүлдөрү кыргыз филологиясы факультетинде "Абай кабинетин" ачуу боюнча элчи мырзанын өтүнүчүн айтышты.

Кыргыз Республикасынын Билим берүү жана илим министрлигинин 10-августтагы 614/1 буйругунун негизинде жалпы республикалык тестирлѳѳнүн жыйынтыгы боюнча жогорку окуу жайларында тандоо менен кабыл алуунун 4-турун ѳткѳрүүгө уруксат берилди. Аталган тур бюджеттик орундарга 11-17-август күндөрү, ал эми контракттык орундарга 11-21-августта өткөрүлөт.

Кыргыз Республикасынын эл жазуучусу, атактуу адабиятчы Кадыркул Даутовдун кайтыш болгонуна байланышту көңүл айтуу телеграммалары дүйнөнүн төрт бурчунан келүүдө. Алардын бири ТҮРКСОЙдун башкы катчысы Дүйсен Касеиновдун КУУнун ректору Канат Садыков менен окумуштуу-педагогдун үй-бүлөсүнө жолдогон көңүл айтуусу болду. Өз кезегинде маркумдун үй-бүлөсү жана КУУнун ректору Дүйсен Касеинов мырзага терең ыраазычылыктарын билдирет.