Шейшемби, Июнь 28, 2022
Баннер

Сайттын тилин тандоо

kg_m RU EN

Университеттин пансионатында “Ысык-Көл кечтери” фестивалы өтүүдө

Абитуриент - 2022: КУУнун видеоролиги

↑↑ Журналистика факультетинин "Баласагын ТВ" студиясынын репортаждары ↑↑

Улуттук университеттеги соңку жаңылыктар

Факультеттер аралык мамлекеттик тил кафедрасы улуттук оюндарды жандандыруу максатында иш чара өткөрдү

00

2022-жылдын 4-апрелинде Эркиндик бульварында факультеттер аралык мамлекеттик тил кафедрасы Президент Садыр Жапаровдун «Инсандын руханий-адеп-ахлактык өнүгүүсү жана дене тарбиясы жөнүндө» жарлыгын ишке ашыруу жана унутта калган улуттук оюндарды жандандыруу максатында "Пирамида" медиа-холдингинин колдоосу менен Улуттук университеттин Х-1-21, ПИ-1-21, ЭК-1-21 жана ЕВ-1-21 тайпаларынын студенттери үчүн атайын иш-чара өткөрдү. Студенттер аталган кафедранын улук окутуучулары Чолпон Тюменбаева, Рита Абылкасымова жана Динара Курманкожоева менен биргеликте "Ак чөлмөк", "Жоолук таштамай", "Ак терек - көк терек", "Кызыл туу - көк туу" оюндарын ойношту.

 

Кыргыз филологиясы факультетинин студент кыздарын ийгилиги менен куттуктайбыз!

00

2022-жылдын 1-2-апрелинде ЖОЖдор аралык универсиаданын күрөш боюнча жогорку лигасында кыргыз филологиясы факультетинин 2-курс студенти Сансызбаева Айжаркын 55 кг салмакта 2-орунду, 2-курс студенти Эргешбаева Жибек 57 кг салмакта 3-орунду жана 1-курс студенти Курманова Райкан 59 кг салмакта 2-орунду ээлешти. Урматтуу кыргыз филологиясы факультетинин студенттери, силерди республикалык мелдеште байгелүү орундарды алышыңар менен чын жүрөктөн куттуктап, бекем ден соолук, окууларыңарга ийгилик каалайбыз! Мындан ары да ушундай ийгиликтерди багындыра бергиле!

 

Матфактын студенти ЖОЖдор аралык универсиадада самбо боюнча вице-чемпион болду

00

2022-жылдын 30-31-март күндөрү жогорку окуу жайлар аралык универсиаданын алкагында самбо боюнча мелдеш өтүп, мелдешке математика жана информатика факультетинин 1-курс студенти Нусубалиев Аман 58кг салмакта катышты. Жыйынтыгында, ал 2-орунду ээлеп, Маданият, маалымат, спорт жана жаштар министрлигине караштуу дене тарбия жана спорт департаментинин 2-даражадагы диплому жана күмүш медаль менен сыйланды. Факультеттин жетекчилиги өз студентин бул ийгилиги менен чын жүрөктөн куттуктап, мындан аркы спорттук жеңиштерди каалайт.

 

МжИТ факультетинде “Декандын кубогу” үчүн студенттер арасында кичи-футбол боюнча турнир өткөрүлдү

0

2022-жылдын 1-апрель күнү №6-окуу имаратындагы футбол талаасында маалыматтык жана инновациялык технологиялар факультетинин “Деканынын кубогу” үчүн 1-4 курс студенттери арасында кичи-футбол боюнча турнир өткөрүлдү. Оюнга 10 команда катышып, жыйынтыгында 1-орунду ИТ-20 тайпасы, 2-орунду ПИ-19 тайпасы, 3-орунду БИ-20 тайпасы ээледи. Жеңүүчүлөргө тиешелүү түрдө 2000, 1500 жана 1000 сом, ал эми турнирдин «Мыкты чабуулчусу» деп табылган Бактыбек уулу Бакболотко (ПИ-19 тайпасы), "Мыкты коргоочусу" Кубанычбек уулу Улукбекке (БИ-20), "Мыкты дарбазачысы" Капаров Нурсултанга (ИТ-20) 500 сом өлчөмүндө акчалай сылыктар тапшырылды.

 

Кыргыз филологиясы факультетининин студенттери котормо маселелери боюнча семинарга катышып келишти

00

2022-жылдын 31-март күнү кыргыз филологиясы факультетининин ККТ-1-19, ККТ-1-17, ФТК-1-19 группаларынын студенттери түркология жана котормо таануу бөлүмүнүн окутуучусу А.Идаева менен биргеликте Кыргыз-Түрк Манас университетинин синхрондук котормо бөлүмүнун бөлүм башчысы, профессор Екрем Арыкоглу, ага окутуучу Рахат Аскарова тарабынан уюштурулган синхрондук котормо процессинде кездешкен маселелер боюнча семинарга катышып келишти. Кыргыз, орус, түрк жана англис тилдеринде оозеки жана жазуу түрүндө которуу боюнча тажрыйба алмашуу жана бул кесипте кездешүүчү маселелерди чечүүнүн жолдорун үйрөнүү болочок котормочулар үчүн абдан пайдалуу болду.

 

КУУнун студенттери депозит, аны сактоо жана өлкөдөгү банк системасы тууралуу маалымат алышты

00

2022-жылдын 31-мартында Кыргыз Республикасынын Депозиттерди коргоо боюнча агенттиги менен Улуттук банктын өкүлдөрү башкы имараттагы кичи жыйындар залында Бүткүл дүйнөлүк акча күнүнө карата Кыргыз улуттук университетинин студенттери үчүн "Кыргыз Республикасындагы депозиттерди коргоо системасы" темасында лекция өтүштү. Профсоюз комитети жана жаштар комитети тарабынан уюштурулган сабактын жүрүшүндө студенттер депозиттер, аны сактоо жана өлкөдөгү банк системасы тууралуу абдан керектүү маалыматтарды алышты. Кызыктуу суроо берген студенттерге сыйлыктар жана белектер тапшырылды.

 

Маалыматтык жана инновациялык технологиялар факультетинин студенттерии «Саманчынын жолу» спектаклин көрүп келишти

0

2022-жылдын 31-март күнү маалыматтык жана инновациялык технологиялар факультетинин ИСТ-21 жана ИБ-21 топторунун студенттери кыргыз тили жана адабияты сабагынын ага окутуучусу Данияр Кулбачаев менен биргеликте Токтоболот Абдымомунов атындагы  Кыргыз улуттук академиялык драма театрына барып, улуу жазуучу Чыңгыз Айтматовдун «Саманчынын жолу» повестинин негизинде коюлуп жаткан спектаклди көрүп келишти. Бул иш чаранын максаты - факультет жаштарын "Бала болуп башына түк чыкканы театрдын астанасын аттай элек"  дедирбей, кыргыздын улуттук рухий дөөлөттөрүн денесине сиңирип, жан дүйнөсүн байыткан жаштардын катарына кошуу болду.

 

Кесиптик колледждин кыргыз-кытай бөлүмүнүн студенттери кайрымдуулук иш чара өткөрүштү

002022-жылдын 31-мартында кесиптик колледждин кыргыз-кытай бөлүмүнүн ПД-4-19, ПД-2-20, ПДоК-3-20 жана ПДоК-5-21 группаларынын студенттери кураторлору менен биргеликте кайрымдуулук иш чара өткөрүштү. Алар Кой-Таш айылында жайгашкан «Светлый путь» балдар үйүнө барып, тарбиялануучуларга кийим-кече, оюнчук, тамак-аш жеткиришти жана балдар менен биргеликте оюн куруп, көӊүл ачышты. Балдар үйүнүн жетекчиси Эрик Бердыбаев КУУнун студенттерине тарбиялануучулар жасаган жыгач оюнчук, брелокторду көрсөтүп, алардын жашоо шарттары менен тааныштырды.

 

Профессор Гүлжамал Жаманкулова көрүнүктүү тилчи Карбоз Дыйкановдун 100 жылдыгына арналган тегерек столдо доклад жасады

00

2022-жылдын 30-мартында кыргыз тил илими кафедрасынын профессору Гүлжамал Жаманкулова Алыкул Осмонов атындагы Кыргыз улуттук китепканасында окумуштуу, профессор Карбоз Дыйкановдун 100 жылдыгына арналган тегерек столго катышып, “Профессор К.Дыйкановдун илимий ишмердүүлүгү” деген темада доклад жасады. Жыйында көрүнүктүү тилчи Карбоз Дыйкановдун өмүрү, чыгармачылыгы жана кыргыз тил илимине кошкон салымы туурасында кеңири баарлашуу болду. Тегерек столду аталган китепкананын директору Нуржан Иманкулова ачып, филология илимдеринин доктору, профессор С.Ибрагимов алып барды. 

 

7-апрель КУУнун кызматкерлери үчүн эс алуу күнү болуп жарыяланды

00

2022-жылдын 29-март күнү кол коюлган №95-буйрукка ылайык 7-апрель - Апрель элдик революциясынын күнү Жусуп Баласагын атындагы Кыргыз улуттук университетинин кызматкерлери үчүн эс алуу күнү болуп жарыяланды. Аталган буйрук Кыргыз Республикасынын Эмгек кодексинин 113-беренесинин негизинде чыгарылып, административдик-чарба иштери боюнча проректорго майрам күнүндө университеттин өрт коопсуздугун, мүлкүн жана материалдык баалуулуктарынын сакталышын камсыздоо үчүн атайын кызматтардын нөөмөт жүгүртмөсүн бекитүү тапшырьлды.

 

Улуттук университетте "Инсандык өнүгүү" студенттик клубунун филиалы ачылды

002022-жылдын 29-мартында башкы имараттагы чоң жыйындар залында "Инсандык өнүгүү" студенттик клубунун Улуттук университеттеги филиалынын ачылыш аземи болду. Иш чаранын жүрүшүндө педагогика факультетинин 3-курс студенти Доорон Кубатбеков аталган филиалдын төрагасы болуп шайланып, о.э. анын орун басары жана жардамчысы бекитилди. Андан кийин, адамдардын жан-дүйнөсүн толтуруу максатын көздөгөн семинар өткөрүлүп, жыйынга Жогорку Кеңештин депутаты Нуржигит Кадырбеков менен "Бир адамдан бир китеп" долбоорунун негиздөөчүсү Бакай Акылбеков катышты.

 

Матфактын студенттеринен түзүлгөн каттоочулар командасы Эл каттоо иш чарасына активдүү катышууда

00

Математика жана информатика факультетинин студенттеринен түзүлгөн каттоочулар командасы Улуттук статистика комитети тарабынан өткөрүлүп жаткан элди жана турак жай фондун каттоо иш-чарасына активдүү катышууда. Активист студенттер сурамжылоо эч кандай документтерди көрсөтпөстөн, электрондук вариантта өтүп жаткан ары татаал жана ары кызыктуу ишке катышуу менен өлкөбүздүн өнүгүшүнө аз болсо да өз салымдарын кошуп жаткандарына ыраазы экендигин билдиришти. Урматтуу мамлекетибиздин тургундары! Келиңиздер, баарыбыз биргеликте граждандык активдүүлүгүбүздү көрсөтүп, эл каттоочуларга керектүү маалыматтарды өз убагында берип, өлкөбүздүн мындан ары чыңалышына өз салымдарыбызды кошолу.

 

МжМБ факультетинин 3-курс студенти Тендиков Бекзат эркин күрөш боюнча жаштар чемпионатында 1-орунду ээледи

00

2022- жылдын 26-март күнү мамлекеттик жана муниципалдык башкаруу факультетинин 3-курс студенти Тендиков Бекзат Талас шаарындагы “Газпром” ден соолукту чыңдоо комплексинде өткөн Кыргыз Республикасынын эркин күрөш боюнча жаштар арасында чемпионатына 92 кг салмакта катышып, 1-орунду ээледи. Эми ал Бахрейнде өтүүчү жаштар арасындагы Азия чемпионатына барат. Мамлекеттик жана муниципалдык башкаруу факультетинин жамааты Бекзатты бул ийгилиги менен чын жүрөктөн куттуктап, Бахрейнде болчу мелдеште чоӊ спорттук ийгиликтерди каалайт.

 

Матфакта кургак учук менен күрөшүү темасында иш-чара өттү

00

2022-жылдан 29-март күнү математика жана информатика факультетинде "Кургак учук менен күрөшүүнүн бүткүл дүйнөлүк күнүнө" карата "Кургак учук айыгат!" аттуу иш чара болуп, анын биринчи бөлүмүндө "Кургак учукту бирге жеңебиз" деген видео-ролик көрсөтүлсө, экинчи бөлүмүндө КУУнун студенттик бейтапканасынын врач-терапевти Надежда Грязнова "Кургак учуктун дартын аныктоо жана дарылоо" деген темада студенттерге лекция окуду. Ал аталган ооруга кабылган адамды коомдон четтетип, чектөө койбостон, дарылоого болоорун баса белгилди. Иш чаранын жүрүшүндө, мындай ооруга чалдыкпас үчүн туура тамактануу, спорт менен машыгуу, санитардык гигиенаны сактоо жана оорукчал адамдарды коомдон четтетүү, аларды бөлүп жаруу психикалык атакага алып келиши тууралуу кызуу талкуу жүрдү.

 

КУУда жазуучу, публицист жана журналист Абдиламит Матисаковдун "Баткан күндү аяймын...” аттуу китебинин бет ачары болду

002022-жылдын 29-мартында башкы имараттагы чоң жыйындар залында жазуучу, публицист жана журналист, «Даңк» медалынын ээси, Кыргыз Республикасынын маданиятына эмгек сиңирген ишмер, КУУнун ардактуу профессору Матисаков Абдиламит Мурзаевичтин 65 жылдык юбилейине карата анын "Баткан күндү аяймын...” аттуу китебинин жана публицист Мундузбек Тентимишевдин  Матисаков тууралуу “Жүрөгүндө күн жашайт” аттуу китебинин бет ачар аземи болду. Жыйында Абдиламит Матисаковдун өмүр таржымалы, чыгармалары, публицистикалык макалалары жана бет ачары болуп жаткан чыгармалар жыйнагынын өзгөчөлүктөрү, автордун чыгармаларындагы образдар тууралуу сөз болду.

 

СГИФ студенти Абдуразак уулу Омурбек эл аралык илимий-практикалык конференцияда 1-даражадагы дипломго татыктуу болду

0

2022-жылдын 25-март күнү Кыргызстандын эл аралык университетинде «Билим берүү системасындагы санариптештирүү студенттердин көз карашы менен» деген эл аралык илимий-практикалык конференция болуп, иш чарага социалдык-гуманитардык илимдер факультетинин социалдык иштер багытынын студенттери Абдуразак уулу Омурбек, Жунусов Сыймык (жетекчиси - доцент Сайкал Жунушова), Орозалиева Мээрим, Мамбетова Жанара (жетекчиси - доцент Айнура Усубалиева) катышты. Эксперттик комиссия тарабынан Абдуразак уулу Омурбектин «Кыргызстандагы социалдык тармакты санариптештирүүнүн көйгөйлөрү жана келечеги» деген доклады 32 катышуучунун ичинен мыкты деп табылып, 1-даражадагы диплом менен сыйланды.

 

Болочок түркологдор онлайн конференцияга катышты

002022-жылдын 26-мартында кыргыз филологиясы факультетинин түркология жана котормо таануу бөлүмүнүн башчысы Ф.Н.Курамаева студенттер М.Успекова, Өмурзак кызы Кенжегүл жана А.Жураева менен “Илимдеги жаңы ыкмалар жана изилдөөлөр" аттуу эл аралык онлайн конференцияга тил жана адабият маселелери боюнча катышып, кызыктуу докладдарды жасашты. Студенттер “Ч.Айтматов жана балдар дүйнөсү”, "Махмуд Кашкаринин ДЛТ сөздүгундөгү тууганчылык терминдер” жана “Түрк тилинин диалектилери жана диалектолгиялык сөздүктөр” темасындагы изилдөөлөрүн баяндап, кыргыз тили, Ч.Айтматов жана Махмуд Кашкаринин сөздүгүндө кездешкен, азыркы кыргыз тилинде да колдонулуп келе жаткан туугандыкты билдирген сөздөр боюнча суроолорго жооп беришти.

 

География, экология жана туризм факультетинин ага окутуучусу Кенжебек уулу Асанбек “Мыкты лекция" сынагына катышты

00

2022-жылдын 24-мартында география, экология жана туризм факультетинин ага окутуучусу Кенжебек уулу Асанбек Кыргыз улуттук университетинин окутуучу-профессорлорунун арасында өткөрүлүп жаткан мамлекттик тилде окулган “Мыкты лекция”, “Мыкты практикалык сабак” сынагынын алкагында “Тоо туризминин техникасы жана тактикасы" темасында лекция окуду. Бул сабакка мамлекеттик тил бөлүмүнүн башчысы Мырзагулова Динара жана атайын сынакка түзүлгөн комиссия мүчөлөрү катышты.

 

Профессор Гүлжамал Жаманкулова Москва шаарында өткөн эл аралык илимий-практикалык тегерек столго катышты

00

2022-жылдын 24-мартында кыргыз тил илими кафедрасынын профессору Гүлжамал Жаманкулова Евразия элдеринин ассамблеясы, В.М.Ломоносов атындагы Москва мамлекеттик университетинин Азия жана Африка элдеринин институту, Россия гуманитардык мамлекеттик университетинин "Дорджиев этногеосат" илимий-студенттик бирикмеси тарабынан өткөрүлгөн "Роль коренных малочисленных народов Евразии в общественной дипломатии" аттуу эл аралык илимий-практикалык тегерек столго катышып, "Этнос аралык коммуникация жана этностор аралык мамилени жакшыртууда тилдин ролу" деген темада билдирүү жасады. 

 

Журналистика факультетинин студенттери USAID тарабынан уюштурулган пресс-кафеге барып келишти

00

2022-жылдын 24-март күнү теле-радиожурналистика кафедрасынын башчысы Зарыл Алымбаева баштаган журналистика факультетинин 2-курс студенттери Кургак учукка каршы күрөшүүнүн бүткүл дүйнөлүк күнүнө карата Американын эл аралык өнүктүрүү агентствосу (USAID) тарабынан Бишкектеги "Европа" мейманканасында уюштурулган пресс-кафеге барып келишти. Иш чарада журналисттер жана эксперттер ортосунда аталган оорунун алдын алуу, дарылоо жана профилактикалоо тууралуу маалымат алмашуу болду. Пресс-кафеде студенттер теориялык алган билимин бекемдеп, журналисттер менен биргеликте  эксперттерге кызыккан суроолорун берип, жооп алышты.

 

Кыргыз филологиясы факультетинин жамааты Б.А.Жайлообаевди куттуктайт

00Түркология жана котормо таануу бөлүмүнүн доценти Бактыбек Алманбетович Жайлообаевди 2022-жылдын 18-мартында  кыргыз филологиясы факультетинин деканы кызмат ордуна экинчи ирет шайланышы менен чын дилибизден куттуктайбыз! Бактыбек Алманбетовичке чың ден соолук, үй-бүлөсүнө бакубат жашоо, иштерине албан-албан ийгиликтерди каалайбыз. Факультетти ар тараптан өнүктүрүп, көптөгөн жетишкендиктерди жаратат деген ишеничтебиз. Дагы бир жолу кызмат ордуңуз кут болсун, факультетибизде ынтымак, биримдик болуп, алдыга карай өнүгө берсин!

 

Журналистика факультетинин студенттери эл аралык видеороликтер сынагында жеңүүчү аталышты

00

2022-жылдын 23-мартында башкы имараттагы кичи жыйындар залында журналистика фаультетинин деканы Ширин Костюк Санкт-Петербург мамлекеттик кино жана телевидение институту менен ханзаада П.Г.Ольденбургский атындагы Санкт-Петербург адам укуктары институту тарабынан уюштурулган "Адам укуктары биздин көзүбүз менен" аттуу видеороликтердин эл аралык сынагынын жеңүүчүлөрүнө атайын дипломдор жана белектерди тапшырды. Белгилей кетсек, жогорку окуу жайлар арасындагы сынакта журналистика факультетинин теле-радиожурналистика кафедрасынын окутуучусу Н.Сыдыгалиевдин жетекчилиги астында ТВ-1-20 тайпасынын студенти Н.Турдубекова даярдаган видеоролик 2-орунду ээлесе, ага окутуучу Н.Тилекееванын жетекчилиги астында даярдалган ТВ-2-20 тайпасынын студенттеринин видеоролиги 3-орунга татыган.

 

Окумуштуулар кеңешинин кезектеги отуруму болуп өттү

00

2022-жылдын 23-март күнү башкы имараттагы санариптик технологиялар борборунда Окумуштуулар кеңешинин кезектеги отуруму болуп өттү. Аталган кеңештин төрагасы, Улуттук университеттин ректору Канат Садыков алып барган жыйында "2021-жылдагы каржы-чарба иштеринин жыйынтыгы", “Ардактуу профессор” наамын ыйгаруу", олдонмо информатика багытын программалык окууга өткөрүү" жөнүндө" жана башка маселелер каралды. Онлайн жана оффлайн режимде өткөн жыйындын башында ректор кворум бар экенин билдирип, отурумдун күн тартибин добушка койду.

 

Тарых жана чөлкөм таануу факультетинин ага окутуучусу Шаршенбек кызы Айпери “Мыкты практикалык сабак” сынагына катышты

002022-жылдын 22-мартында тарых жана чөлкөм таануу факультетинин чөлкөм таануу жана кыргыз таануу кафедрасынын ага окутуучусу Шаршенбек кызы Айпери мамлекеттик тилде даярдалган “Мыкты лекция”, “Мыкты практикалык сабак” сынагынын алкагында “Чөлкөм таануу” багытындагы 2-курс студенттерине “Изилденип жаткан чөлкөмдүн маданиятынын, адабиятынын, дининин тарыхы” боюнча “Япониянын орто кылымдагы маданияты” аталышында ачык практикалык сабак өттү. Иш чарага мамлекеттик тил жана тарбмя иштери боюнча проректор Садык Алахан (Тиллебаев), мамлекеттик тил бөлүмүнүн башчысы Динара Мырзагулова, факультет деканы Турат Сырдыбаев, академиялык саясат башкармалыгынын окуу процессин координациялоо бөлүмүнүн адиси Фарида Төлөбаева жана чөлкөм таануу кафедрасынын башчысы Омурова Жамикат катышты.

 

Страница 5 из 9

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Сейчас 613 гостей онлайн
Баннер

Пресс меню

Администратордон

Абитуриенттердин ?-лору

  • Ду кай 21.04.2022 14:37
    Здравствуйте, я из Китая. Я хочу учиться на степень магистра. Могу ли я дать ваш номер whtas или адрес ...

    Толугу менен...

     
  • Жаркынай 30.03.2022 11:54
    Здравствуйте, я хочу поступить после мед.колледжа, нужен ли ОРТ? Если нужен доп.предметы какие нужно ...

    Толугу менен...

     
  • Айжан 15.02.2022 09:31
    Саламатсыздарбы ! Мен 2015 жылы отчисление болуп кеткем, атестатым калып кеткен. Азыр алып кетсем ...

    Толугу менен...

Студенттердин ?-лору

  • Nurdai 12.05.2022 13:59
    Изменились ли даты летних каникул?

    Толугу менен...

     
  • Сауле 04.04.2022 00:52
    Саламатсызбы, мен 11 класс мын, ОРТ проходной бал га жетпей калса , тапшырсам болобу , выход барбы?

    Толугу менен...

     
  • Назира 04.03.2022 14:48
    Саламатсызбы, осенний семестрдин стипендиясы качан тушот? Уже март келди.

    Толугу менен...

Бүтүрүүчүлөрдүн ?-лору

  • Нурсултан 18.05.2022 11:43
    Мен КУУнин бутургом, диплому жоголуп кетти кайра жаныдан дубликатын алыш учун эмне кылуу керек?

    Толугу менен...

     
  • Каримов Нурбакыт 12.11.2021 09:12
    Мен колеждеби кутком средный образования дагы дипломум бар . Азыркы кезде университетке восстановления ...

    Толугу менен...

     
  • Umut Almazbekova 28.07.2021 10:30
    Саламатсызбы, мен 2012-2017 жж. Чет тилдер факультетинин бутуруучусумун, мед. Книжкамды кантип алсам ...

    Толугу менен...

Пикирлер жана сунуштар

  • Айзирек 13.09.2021 15:15
    Здравствуйте, я сегодня была в вашем университете чтобы поговорить с куратором моей сестрёнки насчёт ...

    Толугу менен...

Биздин өнөктөштөр

Баннер
Баннер
Баннер
Баннер
Баннер
Баннер
Баннер

Окутуучулардын макалалары