Дүйшөмбү, Февраль 06, 2023
Баннер

Сайттын тилин тандоо

kg_m RU EN
↑↑ Журналистика факультетинин "Баласагын ТВ" студиясынын репортаждары ↑↑

Улуттук университеттеги соңку жаңылыктар

Кыргыз филологиясы факультетинин студенттери арасында интеллектуалдык оюн өткөрүлдү

00

2022-жылдын 25-ноябрында кыргыз филологиясы факультетинин "Из калтыр" клубу тарабынан 1-2-3-курс студенттери арасында «Билим –түгөнбөгөн жол” аттуу интеллектуалдык оюн өткөрүлдү. Аталган иш-чараны факультет деканы Б.Жайлообаев ачып, таймаштын катышуучуларына ийгилик каалады. Оюн кыргыз тили предметинин бардык бөлүмдөрү боюнча 3 турдан туруп, kahoot программасы аркылуу жүргүзүлдү. Оюндун 1-турунда бардык катышуучуларга бирдей суроо берилип, топтогон упайларынын жыйынтыгы менен 2-турга өтүштү. Анда ар бир студентке кыргыз тили боюнча өзү тандап алган бөлүмдөр боюча суроолор берилип, жеңүүчүлөр 3-турга жолдомо алышты. Финалда 4 гана студент калып, аларга логикалык суроолор берилип, жыйынтык төмөндөгүдөй болду:

 

Окумуштуулар кеңешинин кезектеги отуруму болуп өттү

00

2022-жылдын 25-ноябрь күнү башкы имараттагы чоң жыйындар залында Окумуштуулар кеңешинин кезектеги отуруму болуп өттү. Аталган кеңештин төрагасы, Улуттук университеттин ректору Төлөбек Абдырахманов алып барган жыйында адистерди кайра даярдоо жана кесибин жогорулатуу факультети менен башкаруу жана бизнес факультетинин декандарынын отчеттору угулуп, биринчи факультеттин ордуна адистерди кайра даярдоо жана кесибин жогорулатуу институтун түзүү чечими кабыл алынды. Жыйындын башында ректор кворумду текшерип, окумуштуу катчы жыйынга катышуучулардын саны жетиштүү экенин билдирген соң, отурумдун күн тартибин добушка койду.

 

"Бир адамдан бир китеп" долбоорунун негиздөөчүлөрүнүн бири Табылды Муратбеков КУУнун студенттерине лекция өттү

00

2022-жылдын  24-ноябрында  №6-окуу имаратындагы 2-дарсканада "Бир адамдан бир китеп" долбоорунун негиздөөчүлөрүнүн бири Табылды Муратбеков КУУнун активдүү студенттерине лекция өттү. Ал студенттер менен кызыктуу темаларда пикир алышып, ким кайсыл багытты тандайт, ар бир адам өзү чечип, өзү тандоо кылышы керек деген мотивация берип кетти. Студенттер лекцияга активдүү катышып, суроолорду берип, канаттандыраарлык жоопторду алышты жана Табылды Муратбековго ыраазычылык билдирип, "дагы мүмкүнчүлүгүңүз болсо келиңиз" деп үндөө ташташты.

 

КУУнун профессору Тынчтыкбек Чороев Монголиядагы эл аралык симпозиумга катышууда

002022-жылдын 23-ноябрында Монголиянын борбору Улан-Баатар шаарындагы Монгол улуттук университетинин жыйындар залында «Борбордук жана Ички Азиядагы көчмөндөр маданияты жана цивилизациялары менен байланыштуу көйгөйлөр» аттуу эл аралык симпозиум башталды. Жыйынга Кыргыз Республикасынын атынан Улуттук университеттин тарых жана чөлкөм таануу факультетинин чөлкөм таануу жана кыргыз таануу кафедрасынын профессору, т.и.д. Тынчтыкбек Чороев катышууда.

 

Улуттук университеттин структурасын жаңылоо боюнча түзүлгөн жумушчу топтун алгачкы отуруму болуп өттү

00

2022-жылдын 24-ноябрь күнү санариптик технологиялар борборунда Улуттук университеттин структурасын жаңылоо боюнча түзүлгөн жумушчу топтун алгачкы отуруму болуп өттү. Окуу жайдын структурасын жаңылоонун зарылдыгы жана жумушчу топтун милдеттери тууралуу КУУнун ректору Төлөбек Абдырахманов билдирүү жасады. Анын айтымында, кандай гана структура болбосун, ал окуу жайга керек жана пайдасы тие турган структура болуш керек. - Ошондуктан, урматтуу жумушчу топтун мүчөлөрү, Улуттук университеттин негизги багыты - илим-изилдөөчүлүк багыт экенин эске алуу менен конструктивдүү, калыс иштеп, жакшы чечим чыгарып бергиле, - деди Төлөбек Абдырахманов.

 

Министрликтин бөлүм башчысы КУУнун окумуштууларына илим менен өндүрүштүн байланышы боюнча кеңешме өткөрдү

00

2022-жылдын 24-ноябрында ректораттын жыйындар залында илим менен өндүрүштүн байланышы боюнча кеңешме болуп, иш чарага КУУнун ректору Төлөбек Абдырахманов, Билим берүү жана илим министрлигинин илим бөлүмүнүн башчысы Жылдызбек Жакшылыков, проректорлор, декандар жана кафедра башчылары катышты. Жыйынды ачып жатып, ректор илим менен өндүрүштүн байланышы - учурдун талабы экендигин белгилеп, катышуучулардан министрликтин бөлүм башчысынын баяндамасын кунт коюп угууну суранды. Ал о.э. Жылдызбек Жакшылыков менен жолугушуунун уюштургандыгы үчүн илимий иштер боюнча Назаркул Ишекеевге ыраазычылык билдирди.

 

Математика жана информатика факультетинин студенттери белгилүү режиссёр Муктар Атаналиев менен жолугушту

002022-жылдын 23-ноябрь күнү математика жана информатика факультетинде Улуттук боштондук көтөрүлүшүнүн 106 жылдыгына карата факультеттин «Коом сен жана мен» клубунун демилгеси менен көптөгөн таланттардын ээси, белгилүү ырчы, «Жаакер» этно-лагеринин негиздөөчүсү, «Үркүн» көркөм фильминин режиссёру Муктар Атаналиев  менен жолугушту. Муктар агай бул кинону эч кандай атак-данк үчүн эмес, болгону, иделогияны көтөрүү жана азыркы жаштарга болгон окуяны кино аркылуу чагылдырып жеткирүү максатында тартканын билдирди. Анын айтымында, чыныгы болуп өткөн окуяны баяндаш үчүн бул киного өтө таанымал эмес актёрлор тартылган. Муктар Атаналиевдин кыргыздын иделогиясын тургузуу жөнүндөгү ойлору, сөздөрү студенттерди таасирлентти.

 

Юридика илимдеринин доктору, профессор Эрлан Базарбаев окуу иштери боюнча проректор болуп дайындалды

00

КУУнун ректору Төлөбек Абдырахмановдун 2022-жылдын 21-ноябындагы буйругу менен юридика илимдеринин доктору, профессор Базарбаев Эрлан Базарбаевич Жусуп Баласагын атындагы Кыргыз улуттук университетинин окуу иштери боюнча проректору кызматына дайындалды. Эрлан Базарбаевди жаңы жумуш кабинетине ректор Төлөбек Абдырахманов, илимий иштер боюнча проректор Назаркул Ишекеев, мамлекеттик тил жана тарбия иштери боюнча проректор Садык Алахан, административдик-чарба иштери боюнча проректор Бакытбек Айтахунов киргизип, кызматтык ордуна отургузушту жана жаңы проректорго чың ден соолук, ийгиликтерди каалашты.

 

Химия жана химиялык технология факультети 1-курс студенттерин тосуп алуу аземин өткөрдү

00

2022-жылдын 22-ноябрь күнү химия жана  химиялык технология факультети башкы имараттагы чоң жыйындар залында салтка айланып калган 1-курс студенттерин тосуп алуу аземин өткөрдү. Бугунку студент, эртеңки келечегибиз болгон студенттерди  факультет деканы профессор Роза Сарымзакова видео аркылуу куттуктады. Андан кийин органикалык эмес химия жана химиялык технология кафедрасынын башчысы Астра  Дүйшөнбаева болочок химиктерге символикалуу "Сынак китепчесин"  тапшырды. Тосуп алуу аземинде студенттерди жогорку курстун студенттери жана коноктор куттуктап , ыр, бийлерди тартуулашты.

 

Аз жашап, түбөлүк из калтырган акын кыз

002022-жылдын 22-ноябрь күнү башкы имараттагы кичи жыйындар залында физика жана электроника факультетинин кызматкери, жаш калемгер, гүлгүндөй 25 жаш кургында өтүп кеткен, аз өмүрүндө маңыздуу ырларды жараткан жаш акын Боскеева Гүлбарчын Эсенбековнаны эскерүү кечеси жана анын жарык көргөн «Жазайым» ырлар жыйнагынын бет ачары болуп өттү. Кечеге жакын туугандары, кесиптештери, классташтары, группалаштары, жаш акындар жана студенттер катышты. Иш чаранын жүрүшүндө Г.Э.Боскееванын калемине таандык ырлар көркөм окулуп, анын басып өткөн изи тууралуу даректүү фильм көрсөтүлдү.

 

Кыргыз филологиясы факультетинин студенттери КТРкадагы Курултай темасына арналган көрсөтүүгө катышып келишти

002022-жылдын 21-ноябрында кыргыз филологиясы факультетинин студенттери Коомдук телерадиоберүү корпорациясынын Курултай темасына арналган түз эфирине катышып келишти. Аталган иш чарада Курултай маселеси боюнча студенттер чакырылган  конокторго өздөрү кызыккан бир катар суроолорду беришип, ынанымдуу жоопторду алышты. Мындан сырткары, өлкөбүздөгү саясий кырдаал, мамлекеттин өнүгүшү тууралуу жана коомчулукту кызыктырган Курултайдын максаты туурасында маалымат алып, жыйын пайдалуу болгондугун белгилешти.

 

Экономика факультети салтка айланып калган 1-курс студенттерин тосуп алуу аземин өткөрдү

002022-жылдын 21-ноябрь күнү башкы имараттагы чоң жыйындар залында экономика факультети салтка айланып калган 1-курс студенттерин тосуп алуу аземин өткөрдү. Кечээки абитуриент, бүгүнкү студенттерди Улуттук университетте билим алып жаткан жаштардын катарына кошулушу менен факультет деканынын орун басарлары Назарбекова Эмиля, Курамаева Эльмира жана кафедра башчысы Есеналива Бактыгуль,о.э. факультеттин студенттик кеңешинин төрагасы Самыйбек уулу Эльдар куттуктап, болочок экономисттерге символикалуу "Сынак китепчесин" жана "Билим ачкычын" тапшырышты.

 

Матфактын студенти «Жаңы маалымат технологиялары жана мамлекеттик тил» аттуу сынакта жеңди

00Мамлекеттик тил жана тил саясаты боюнча улуттук комиссия, Билим берүү жана илим министрлиги, «Улут Софт» жоопкерчилиги чектелген коом, Эл аралык инновациялык технологиялар университети тарабынан уюштурулган студенттер жана жаштар арасындагы «Жаңы маалымат технологиялары жана мамлекеттик тил» аттуу сынакка математика жана информатика факультетинин 4-курс студенти Ашырбай уулу Азирет “Word Finder – Сөздү тап” долбоору менен катышып, жыйынтыгында 1-орунга ээ болду жана тиешелүү деңгээлдеги диплом жана акыркы үлгүдөгү ноутбук менен сыйланды.

 

Мамлекеттик жана муниципалдык башкаруу факультетинин студенттери КУУнун спартакиадасында волейбол боюнча 1-орунду ээлешти

00

2022-жылдын 21-ноябрында мамлекеттик жана муниципалдык башкаруу факультетинин деканы Кундузгул Базакеева, экономиканы мамлекеттик жөнгө салуу кафедрасынын башчысы Издевалды Искаков жана тарбия иштери боюнча декандын орун басары Кадыр уулу Алмаз факультеттин волейболчу студенттерин университеттин 71-спартакиадасында волейбол боюнча 1-орунду  жеңип алгандыгы менен куттуктап, ыраазычылыгын билдиришти. Факультет жекекчилери “Бул силердин эле жеңишиңер эмес, бул факультетибиздин жеңиши, биз силер менен сыймыктанабыз”, - деп, өздөрүнүн акыл кеңештерин айтышты.

 

Кыргыз филологиясы факультетинде 1-курс студенттери үчүн майрамдык кече өткөрүлдү

00

2022-жылдын 19-ноябрында кыргыз филологиясы факультетинин 4-курс студенттери факультеттин босогосун жаңыдан аттаган 1-курс студенттери үчүн “Тай-Казан” кафесинде майрамдык кече уюштурушту. Иш чараны окуу иштери боюнча декандын орун басары М.Жаңыбаева ачып, 1-курстун старосталарына декандын куттуктоосун тапшырды. Андан соң ар бир группанын кураторлору сөз сүйлөп, жалпы студенттерге жакшы каалоо-тилектерин билдиришти. Тосуп алуу аземинде студенттерди куттуктап “Ак маанай” бий тобу, Паскаль, Аяна Жакшылыкова сыяктуу эстрада жылдыздары өз өнөрлөрүн тартуулашты. Кечеге келген студенттер көңүлдүү эс алып, жагымдуу маанайда үйлөрүнө кайтышты.

 

№7-жатаканада 1-курстарды тосуп алуу аземи өткөрүлдү

00

2022-жылдын 18-ноябрь күнү №7-жатаканада Студенттердин эл аралык күнүнө карата концерттик кече өткөрүлдү. Иш чарага жатаканалар боюнча менеджер Бексултан Шабданов, коомчулук менен байланышуу жана жаштар иштери боюнча  бөлүмдүн башчысы Каныбек уулу Ардакбек, аталган бөлүмдүн тарбия иштери боюнча секторунун башчысы Ынтымак Касмакунов, жатаканалар боюнча паспортист Майрам Абдрахманова, педагогика факультетинин деканынын тарбия иштери боюнча орун басары Максат Сейталиев жана КУУнун студенттик кеңешинин курамы келип, №5-жатаканада жашаган студенттер КУУнун студенттик кеңешинин төрагасы жана курамы келип, жатаканада жашаган студенттердин концертине күбө болушту.

 

Маалыматтык жана инновациялык технологиялар факультети 1-курстарды тосуп алуу аземин өткөрдү

00

2022-жылдын 18-ноябрь күнү башкы имараттагы чоң жыйындар залында маалыматтык жана инновациялык технологиялар факультети салтка айланып калган 1-курс студенттерин тосуп алуу аземин өткөрдү. Кечээки абитуриент, бүгүнкү студенттерди Улуттук университетте билим алып жаткан жаштардын катарына кошулушу менен факультет деканы Бактыгуль Баратова, окуу иштери боюнча декандын орун басары Нуржамал Эстебесова, тарбия иштери боюнча декандын орун басары Бакир Жадилов куттуктап, болочок программисттерге символикалуу "Сынак китепчесин" жана "Билим ачкычын" тапшырышты.

 

Матфактын "Жаңы муун" дебаттык клубунун мүчөлөрү "Келечек" интеллектуалдык таймашына катышты

002022-жылдын 18-ноябрь күнү Маданият, маалымат, спорт жана жаштар саясаты министрлигинин демилгеси менен Бишкек шаарындагы Салымбеков университетинде "Келечек" интеллектуалдык таймашы болуп өттү. Иш чарага жалпысынан 21 команда катышып, анын экөөсү Ош шаарынан, калган командалар Бишкек шаарындагы ЖОЖдордон келишти. Математика жана информатика факультетинин "Жаңы муун" дебаттык клубунун мүчөлөрү Балтабаева Бегимай, Нурлан кызы Сезим, Маматкулова Айчүрөк, Таалайбек уулу Жапар, Жолдубаев Бектур таймашка активдүү катышып, 4-орунга ээ болушту.

 

КУУнун мурдагы ректору, профессор Исамидинов Искендер Чоңмурунович дүйнөдөн өттү

00

Өмүр бою адамдык тагдырын билим берүүгө, рух дүйнөсүнө арнаган көрүнүктүү окумуштуу, мамлекеттик ишмер, илимпоз Исамидинов Искендер Чоңмурунович 2022-жылдын 17-ноябрь күнү дүйнөдөн өттү. Искендер Чоңмурунович 1952-жылы Чүй облусунун Чүй районунун Кегети айылында төрөлгөн. 1973-жылы Кыргыз  улуттук университетинин филология факультетин бүтүргөн. Педагогика илимдеринин доктору (2004), профессор. Кыргыз Республикасынын билим берүүсүнө эмгек сиңирген ишмер (2003). 1973 – 2014-жылга, б.а. ардактуу эс алууга чыкканга чейин Жусуп Баласагын атындагы Кыргыз улуттук университетинде эмгектенди. Алгач филология факультетинде окутуучу, улук окутуучу, доцент, декандын тарбия иштери, окуу иштери боюнча орун басары болуп иштеген. 1993-жылдан 2011-жылга чейин университеттин жетекчи кызматтарында иштеп, кадрларды максаттуу даярдоо институтунун директору, окуу жайдын тарбия иштери боюнча, окуу иштери боюнча проректору, ал ами 2011 – 2014-жылдары Улуттук университеттин ректору болуп кызмат өтөгөн.

 

Юридика факультетинде 1-курс студенттерин тосуп алуу аземи болуп өттү

00

2022-жылдын 17-ноябрында №2-окуу имаратындагы жыйындар залында юридика факультетинин 1-курс студенттерин тосуп алуу аземи болуп өттү. Майрамдык иш-чара мамлекеттик гимн менен ачылып, жагымдуу атмосфера ыр, күлкү жана бий номерлери менен коштолду.  Жаркын бийлер, жагымдуу ырлар, студенттердин мыкты тамашалары көңүлдү көтөрүп, агай эжейлерге күлкү тартуулады. Майрам кызыктуу сынактар, алып баруучулардын жаркыраган тамашаларына жана көрүүчүлөрдүн кол чабууларына толду. Факультет деканы Сманалиев К.М. ар бир студентке жаңы студенттик билетти жана сынак китепчени салтанаттуу түрдө тапшырып, ийгиликтерди каалады.

 

КУУнун өкүлдөрү инновациялык өнүгүү боюнча I Улуттук форумга катышты

002022-жылдын 17-ноябрында Билим берүү жана илим министрлиги, Маданият, маалымат, спорт жана жаштар саясаты министрлиги жана Кыргыз улуттук китепканасы тарабынан уюштурулган "Кыргыз Республикаснын инновациялык өнүгүүсү үчүн маалыматтык технологиялар" аттуу I Улуттук форум болуп өттү. Жыйынга КУУнун ректору Төлөбек Абдырахманов, илим жана инновация бөлүмүнүн башчысы Асель Шайылдаева, “КУУнун жарчысы” редакциялык-басма бөлүмүнүн башчысы Шакирова К.К. жана башкы адиси Мая Джаилканова катышты. Форумдун алкагында “Антиплагиат”, “Сlarivat”, “EBSCO Information Servieces”, “ID Logic” “Инфра-М”, “Ирбис kg”, “ProQuest”, «Elinepress» сыяктуу басмаканалардын жана компаниялардын өкүлдөрү маалыматтык ресурстар жана инновациялык технологиялардын өнүгүүсү жөнүндө мазмундуу баяндамаларды жасашты. 

 

Журналистика факультетинде Студенттердин эл аралык күнү белгиленди

002022-жылдын 17-ноябрда КУУнун журналистика факультетинде Эл аралык студенттер күнүнө арналган салтанаттуу иш-чара болуп өттү. Студенттерди майрамы менен окуу иштери боюнча проректор Бекжан Темиров куттуктап, окууларына ийгилик каалады. Ал эми факультет деканы Ширин Костюк куттуктоо сөзүндө журналисттик кесип жоопкерчиликтүү, кызыктуу экенин белгиледи. Иш чаранын жүрүшүндө сууда сүзүү боюнча спорт чебери Камчыбеков Дастан тууралуу кыска метраждуу мотивациялык тасма көрсөтүлүп, активдүү, жигердүү студенттер ардак грамоталар менен сыйланды. Андан тышкары, факультеттин студенттик сенатынын мүчөлөрү кийинки муунга милдетин өткөрүп беришти. Салтанаттуу иш-чара 4-курстун студенттеринин 1-курстун студенттерине зачеттук китепчени тапшыруусу менен аяктады.

 

Кыргыз филологиясы факультетинде Аалы Токомбаевдин чыгармачылыгы талкууланды

00

2022-жылдын 17-ноябрь күнү кыргыз филологиясы факультетинде Кыргыз Эл жазуучусу Аалы Токомбаевдин чыгармачылыгы тууралуу талкуу болуп өттү. Аталган иш-чараны кыргыз адабияты кафедрасынын башчысы, профессор Курманбек Абакиров ачып, жазуучунун чыгармачылыгы тууралуу кыскача баяндама жасады. Андан соң студенттерге КР Эл артисти, режиссёр Асанкожо Айтикеев тарабынан тартылган документалдуу фильм көрсөтүлүп, тасманын аягында студенттер менен суроо-жооп уюуштурулуп, пикир алышуу болду. Талкуунун соңунда мамлекеттик тил жана тарбия иштери боюнча проректор Садык Алахан жазуучунун эмгектери жана анын чыгармачылыгындагы урунттуу окуяларды айтып берип, кыргыз адабиятынын түптөлүшүнө чоң салым кошконун баса белгилеп өттү.

 

Математика жана информатика факультетинде Студенттердин эл аралык күнү белгиленди

00

2022-жылдын 17-ноябрь күнү математика жана информатика факультетинде Студенттердин эл аралык күнү белгиленди. Факультет деканы Изат Усенов жыйындын катышуучуларын бүгүнкү майрамы менен куттуктап, алардын заманбап билим алып, өз кесиптеринин татыктуу ээлери болушуна, өлкөбүздүн өсүп-өнүгүүсүнө өз салымдарын кошушуна тилектеш экендигин билдирип, активист студенттерди окуудагы жана кайрымдуулук иштердеги ийгиликтери үчүн ардак грамота менен сыйлады.

 

Страница 5 из 20

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Сейчас 652 гостей онлайн
Баннер

Пресс меню

Администратордон

Абитуриенттердин ?-лору

  • Сезим 10.09.2022 16:21
    казахстандын жараны заочныйга тапшырса болобу?

    Толугу менен...

     
  • Аман 31.08.2022 20:34
    Саламатсызбы, мен Юридический факультетке тапшыргам. Ватсаптан групп ачкан жок каяка саат канчага ...

    Толугу менен...

     
  • Шарип кызы Сезим 12.08.2022 07:18
    Саламатсызбы! Мен Нарын Мамлекеттик университетинин педагогика факультетин химия предметинен бакалавр ...

    Толугу менен...

Студенттердин ?-лору

  • Акылай 05.01.2023 01:39
    Саламатсызбы? "Tömer" курсуна катталуу үчүн кайда, кайсы номерге кайрылышым керек ?

    Толугу менен...

     
  • Сезим 27.10.2022 02:18
    Здравствуйте,я училась в в проф колледже им.Ж Баласагына,меня отчислили за фин долг.Дело вот в чем,я ...

    Толугу менен...

     
  • ФИИТ 26.09.2022 10:42
    Я учусь в ФИИТе уже третий курс, и хотел поинтересоватьс я, есть ли у нас программы по обмену за ...

    Толугу менен...

Бүтүрүүчүлөрдүн ?-лору

  • Ислам 05.12.2022 15:02
    Саламатсызбы мамлекеттик жана муниципалдык башкаруу факультетине тапшыруу үчүн Ортдан кошумча ...

    Толугу менен...

     
  • Гулиза 13.09.2022 14:52
    Саламатсынарбы, мен 2015 жылы чет тилдер институтун бутургонмун, андан лингвист окуттуучу деп диплом ...

    Толугу менен...

     
  • Жазгул 03.09.2022 21:15
    Саламатсызбы!Ме н 2009жылы тапшырып 2014жылы бутмокмун.Гос.э кзаменге жаны диплом защитага ...

    Толугу менен...

Пикирлер жана сунуштар

  • Жыпаркул 24.01.2023 10:32
    Кнунун 6 корпусу ото эле суук???? окуганга мумкун эмес????

    Толугу менен...

     
  • Канышай 24.01.2023 10:28
    Саламатсызбы.6- корпустун 1-этажы абдан суук болуп,окуганга оор болуп жатат.Үшуп,оору п жатабыз.Ушул ...

    Толугу менен...

     
  • Юрфак 2 курс спо 22.12.2022 03:10
    Те кто сдали деньги получают высокие баллы а те кто не сдал деньги но старательно учились получают ...

    Толугу менен...

Биздин өнөктөштөр

Баннер
Баннер
Баннер
Баннер
Баннер
Баннер

Окутуучулардын макалалары