Среда, Апреля 01, 2020
kg_m RU

Видео жаңылыктар (Баласагын ТВ + Басма сөз кызматы)

КУУдагы соңку жаңылыктар

Проректор Садык Алахан Алтай мамлекеттик университетиндеги стратегиялык сессияга катышып келди

00

Мамлекеттик тил жана тарбия иштери боюнча проректор, филология илимдеринин доктору, профессор Садык Алахан (Тиллебаев) ушул жылдын 29-январынан 2-февралына чейин Алтай мамлекеттик университетинде Азиядагы университеттердин ассоциациясы тарабынан уюштурулган “Развитие муждународного сотрудничества в Центрально-Азиатском научно-образовательном и культурном пространстве: опыт и лучшие практики” аттуу стратегиялык сессияга катышып келди. 

 

МжИТ факультетинин окутуучулары үчүн квалификацияны жогорулатуу курстары башталды

00

2020-жылдын 5-февралында башкы имараттагы Азиз Санджар атындагы ресурстук борбордо маалыматтык жана инновациялык технологиялар факультетинин профессордук-окутуучулар курамынын квалификациясын жогорулатуу максатында “Маалыматтык коопсуздук жана маалыматтарды коргоо” жана “Java тилинде программалоо (Spring Framework)” аттуу курстар башталды. Иш чараны факультет деканы Жылдызбек Какишов, анын орун басары Амантур Рыспаев жана "Эгемендик" коомдук бирикмесинин кординатору Улукман Бапаев ачып, курстун максаты жана келечектеги долбоорлор тууралуу айтып беришти.

 

Матфактын студенттери "Кой-Таш" кышкы эс алуу борборунда болушту

00

2020-жылдын 1-февралында математика жана информатика факультетинин студенттери Чүй өрөөнүндө жайгашкан "Кой-Таш" кышкы эс алуу борборуна барып, кызыктуу оюндарды ойноп, тоо-койнунда түштөнүп, сүрөткө түшүп, эс алып келишти. Эрте менен саат 9да жагымдуу маанай, жылуу кийимдер, улутубуздун улуулугун даңазалаган желек менен узап кеткен студенттер, кечки саат 18:00 чамасында жаңы энергия менен кайтышты.

 

Камкорчулук кеңешинин кезектеги отуруму болуп өттү

002020-жылдын 31-январь күнү ректораттын жыйындар залында Улуттук университеттин Камкорчулук кеңешинин кезектеги отуруму болуп өттү. Аталган кеңештин төрагасы Асылбек Токтогулов алып барган жыйында ректор Канат Садыков КУУдагы структуралык өзгөрүүлөр, пландоо-каржы бөлүмүнүн башчысы Гүлназ Мысакулова 2020-жылга бюджеттик каржылоо, ал эми административдик-чарба иштери боюнча проректор Туратбек Суранаев кесиптик колледжде иштеген кызматкерлердин эмгек акысын КР Өкмөтүнүн №511-токтомуна ылайык келтирүү жөнүндө баяндама жасашы, 

 

6-окуу имаратында жаңыланган 2-дарскана ачылды

002020-жылдын 30-январында №6-окуу имаратында жаныдан ремонттолуп бүткөн 2-дарскана ачылды. Аталган окуяга байланышкан иш чарага КУУнун ректору Канат Садыков, окуу иштери боюнча проректор Бекжан Темиров, административдик жана чарба иштери боюнча проректор Туратбек Суранаев, факультет декандары, түзүм жетекчилери жана студенттер катышты. 192 студентке эсептелген дарскананын алдына тартылган кызыл лентаны кескенден кийин, ректор аземдин катышуучуларына Улуттук университеттин өнүгүүсү жөнүндө кыскача лекция окуду.

 

Окумуштуулар кеңешинин кезектеги отуруму болуп өттү (толукталды)

00

2020-жылдын 29-январь күнү башкы имараттагы чоң жыйындар залында Окумуштуулар кеңешинин кезектеги отуруму болуп өттү. Аталган органдын төрагасы, КУУнун ректору Канат Садыков алып барган жыйында кабыл алуу комиссиясынын жооптуу катчысы Алла Имакеева 2019/2020-окуу жылына кабыл алуунун жыйынтыгы, юридика факультетинин деканы Кынатбек Сманалиев менен эл аралык мамилелер жана чыгыш таануу факультетинин деканы Рысбүбү Бейбутова өздөрү жетектеген түзүмдөгү окуу, окуу-методикалык жана тарбиялык иштерди жакшыртуу боюнча аткарылып жаткан иштер  боюнча отчет беришти.

 

Бүгүн саат 8ден 12ге чейин интернет иштебейт

00Улуттук университеттин провайдери тарабынан мурда пландалган профилактикалык иштер жүргүзүлүп жаткандыгына байланыштуу, 2020-жылдын 30-январь күнү саат 8ден 12ге чейин интернет иштебеши мүмкүн. Маалымат технологиялары жана компьютерлерди техникалык жактан тейлөө бөлүмүнүн тармактык-маалыматтык технологиялар сектору түзүлгөн ыңгайсыздыктарды кесиптештер түшүнүү менен кабыл алат деп терең ишенет.

 

КУУнун доценти Темиркул Асанов коомдук ишмер Темир Сариев уюштурган сынактын жеңүүчүсү болду

00

Тарых жана чөлкөм таануу факультетинин "Кыргызстандын тарыхы" кафедрасынын башчысы, доцент Темиркул Асанов коомдук ишмер Темир Сариев тарабынан уюштурулган тарых тармагындагы илимий сынакка “Кыргыздардын оң канат, сол канат этносаясий түзүлүшү мамлекеттик бирикме катары” аттуу илимий эмгеги менен катышып, үч талапкердин ичинен жеңүүчү деп табылды жана 100 миң сом өлчөмүндөгү акчалай сыйлык менен сыйланды.

 

МжИТ факультетинин окутуучуларына электрондук окуу куралын түзүү боюнча семинар өткөрүлдү

00

2020-жылдын 21-январь күнү маалымат технологиялары жана компьютерлерди техникалык жактан тейлөө бөлүмүнүн башчысынын орун басары Шайлоо Карагулов маалыматтык жана инновациялык технологиялар факультетинин окутуучулары жана студенттери үчүн "Электрондук окуу куралын түзүүнүн технологиясы" деген темада семинар өткөрдү. Сабакка о.э. факультет деканы Жылдызбек Какишов, анын орун басары Амантур Рыспаев катышты.

 

Кесиптик колледжде "Укук таануу" кабинети жана "Сот отурумдары" залы ачылды (толукталды)

0

2020-жылдын 21-январында кесиптик колледж жайгашкан 6А-окуу имаратында "Укук таануу" кабинетинин жана "Сот отурумдары" залынын ачылыш аземи болду. Иш чарага окуу иштери боюнча проректор Бекжан Темиров, административдик жана чарба иштери боюнча проректор Туратбек Суранаев, академиялык саясат башкармалыгынын окуу процессин координациялоо бөлүмүнүн башчысы Лариса Курманалиева катышты.

 

КмБжЖИ боюнча департаменттин координаторлору мектеп окуучулары менен жолугушту

00

Коомчулук менен байланышуу жана жаштар иштери боюнча департаментинин координаторлору Эгембердиев Эркинбек менен Жакшылык кызы Асель “Нова” окутуу борборуна барып, ал жерде жалпы республикалык тестирлөөгө даярданып жаткан мектеп окуучуларына Улуттук университет жөнүндө жалпы маалымат берип, суроолоруна жооп берип келишти. Жолугушуунун соңунда ар бир окуучуга Кыргыз улуттук университети жөнүндө маалымат китепчелери таратылды.

 

"Талисман" клубунда бильярд боюнча КУУнун ачык чемпионаты болуп өттү

002020-жылдын 12 январь куну "Талисман" клубунда салтка айланып калган бильярд боюнча КУУнун ачык чемпионаты болуп өттү. Экономика факультети тарабынан уюштурулган турнирди КУУнун ректору Канат Садыков ачып, катышуучуларга ийгиликтерди каалады. Чемпионатка жалпысынан 26 окутуучу-профессорлор катышып, жыйынтыгында 1-орунду кесиптик колледждин юридика бөлүмүнүн окутуучусу Авазбеков Анарбек, 2-орунду ошол эле бөлүмдүн окутуучусу Касымалиев Туйгунбек, ал эми 3-орунду профессор Мытыев Мухаммед жана кесиптик колледждин юридика бөлүмүнүн окутуучусу Абдрасулов Айбек ээлешти.

 

КУУда «Тилдерди окутуунун заманбап технологиялары» аттуу семинар-тренинг өткөрүлдү

00

2020-жылдын 9-10-январында башкы имараттагы кичи жыйындар залында мамлекеттик тил бөлүмү тарабынан Бишкек шаарындагы ЖОЖдордун окутуучулаы, доценттери жана профессорлору үчүн 36 академиялык саат көлөмүндөгү «Тилдерди окутуунун заманбап технологиялары» аттуу семинар-тренинг өткөрүлдү. Иш-чараны мамлекеттик тил жана тарбия иштери боюнча проректор, профессор Садык Алахан (Тиллебаев) куттуктоо сөзү менен ачып берди.

 

КУУнун окутуучусу Кадыров Бакыт – WJF 7 PRO грепплинг боюнча алтын курдун ээси

00

2019-жылдын 20-23-декабрында Тбилиси шаарында профессионалдар арасында болуп өткөн WJF 7 PRO грепплинг боюнча мелдеште дене тарбия жана спорт кафедрасынын окутуучусу, кармаш уруш боюнча спорттун эл аралык чебери Кадыров Бакыт 80 кг салмакта Грузиялык мушкер Рамил Эльчиевди чебердик менен жеңип, чемпиондук алтын курдун ээси болду. Математика жана информатика факультетинин жалпы жамааты Бакыт мырзаны бул ийгилик менен чын жүрөктөн куттуктап, мындан аркы спорттук жеңиштерди каалайт.

 

Математика жана информатика факультети - футбол боюнча КУУнун чемпиону

00

Математика жана информатика факультетинин футбол боюнча курама командасы Энергетиктердин күнүнө карата 2019-жылдын 23-декабрь күнү №6-окуу имаратынын спорт залында Улуттук университеттин факультеттеринин арасында өткөрүлгөн турнирде 1-орунга ээ болуп, мелдештин чемпиону аталды. Факультет жамааты өз командасын бул ийгилик менен куттуктап, мындан аркы спорттук жеңиштерди каалайт.

 

КУУнун студенттери президенттик стипендияга ээ болушту

00

Окууда, илимий-чыгармачыл жана коомдук иштерде айырмалангандыгы үчүн КУУнун 4-курс студенттери Илимов Ильяс (экономика факультети), Жумашов Өмүрбек (маалыматтык жана инновациялык технологиялар факультети), Жапаркулова Айтурган (журналисттика факультети) жана Курмангазиева Маликал аралык мамилелер жана чыгыш таануу факультети) Кыргыз Республикасынын Президентинин стипендиясына ээ болушту. Аталган сыйлыкты алар 2019-жылдын 27-декабрында өлкө башчысы Сооронбай Жээнбековдун өз колунан алышты.

 

Профессор Айсалкын Асанова "Эркин Тоо" гезити тарабынан “Жылдын мыкты жетекчиси” деп таанылды

00

2019-жылдын 24-декабрында "Менеджмент" кафедрасынын башчысы, Кыргыз Республикасынын илимине эмгек синирген ишмер, экономика илимдеринин доктору, профессор Асанова Айсалкын Асановнага Кыргыз Республикасынын "Эркин Тоо" мамлекеттик расмий гезити тарабынан “Жылдын мыкты жетекчиси” деген наам ыйгарылып, тиешелүү диплом тапшырылды. Башкаруу жана бизнес факультетинин эмгек жамааты Айсалкын Асанованы бул сыйлыгы менен чын жүрөктөн куттуктап, мындан аркы чыгармачыл ийгиликтерди каалайт.

 

"Кош жылдыз" сынагынын жеңүүчүсү Толкун Салыбекова плазмалык телевизор менен сыйланды

002019-жылдын 26-декабрь күнү мамлекеттик тил жана тарбия иштери боюнча проректор Садык Алахан (Тиллебаев) менен административдик жана чарба иштери боюнча проректор Туратбек Суранаев республикалык "Кош жылдыз" сынагында 1-орунду ээлеген юридика факультетинин жазык процесси жана соттук экспертиза кафедрасынын башчысы Толкун Салыбекованы кабыл алып, жеңиши менен куттукташты жана плазмалык телевизор белек кылышты.

 

Университеттин кызматкерлерине “13-айлык" деп аталган сыйлык толугу менен берилет

002019-жылдын 8-январынан 31-декабрына чейин иштеген университеттин штаттык кызматкерлерине ректордун буйругу менен "13-айлык" деп аталган сыйлык 100 пайыз өлчөмүндө берилет. Документке ылайык, дисциплинардык чара катары «эскертүү» алган кызматкерлерге сыйлык 50% өлчөмүндө төлөнсө, «сөгүш» алган кызматкерлерге 100% берилбейт. Календардык жылда бала багуу жана акы төлөнбөгөн эмгек өргүүсүнөн чыккан кызматкерлерге сыйлык 2019-жылы иштеген убактысына жараша пропорционалдуу төлөнсө, декреттик жана эмгек акы төлөнбөгөн өргүүдө жүргөн кызматкерлерге сыйлык төлөнбөйт.
 

Матфакта Турдакун Усубалиевдин 100 жылдыгына арналган иш чара өттү

00

2019-жылдын 25-декабрында №6-окуу имаратынын 113А-дарсканасында математика жана информатика факультети көрүнүктүү мамлекеттик жана коомдук ишмер Турдакун Усубалиевдин 100 жылдыгына карата “Турдакун Усубалиев өз заманын феномени” темасында иш чара өткөрүп, табигый илимдер факультетинин китептер абонементинин бөлүм башчысы Дыйканбаева Токтобүбү улуу инсан тууралуу баяндама жасады.

 

Социалдык-гуманитардык илимдер факультетинде жаны жылдык кече болуп өттү

002019-жылдын 24-декабрында башкы имараттагы чоң жыйындар залында социология жана социалдык иштер кафедрасы тарабынан социалдык-гуманитардык илимдер факультетинин окутуучулары жана студенттери үчүн жаңы жылдык кече өткөрүлдү. Майрамдык иш чараны факультет деканы Камчыбек уулу Мырзабек ачып, бардык студенттер менен окутуучуларды келе жаткан Жаңы жыл менен куттуктап, токчулуктун, молчулуктун, жакшылыктын жана тынчтыктын жылы болушун тиледи.

 

КУУда футбол боюнча факультеттер аралык турнир өткөрүлдү

00

2019-жылдын 23-декабрь күнү №6-окуу имаратынын спорт залында Энергетиктердин күнүнө карата футбол боюнча факультеттер аралык турнир өткөрүлдү. Мелдешке математика жана информатика; география, экология жана туризм; экономика; юридикалык факультеттеринин, ректораттын жана университет электриктеринин командалары катышты. Турнирдин катышуучуларын факультеттер аралык дене тарбия жана спорт кафедрасынын башчысы Абдыкеримов Шаршен, укуктук камсыздоо секторунун башчысы Токтоналиев Рустиван куттуктап, оюндун калыс өтүшүн каалады.

 

№5-жатаканада жашаган студенттер Жаңы жылды тосушту

00

2019-жылдын 23-декабрында башкы имараттагы чоң жыйындар залында №5-жатакананын студенттери жаңы жылдык кече өткөрүшүп, концерттик программа менен коштолгон майрамдык иш чарага коомчулук менен байланышуу жана жаштар иштери боюнча департаменттин директору Ардакбек Каныбек уулу, кесиптик бирлик комитетинин төрагасы Кубанычбек Жумабеков, факультет декандары катышты. Жатакананын коменданты жана ал жерде жашаган активдүү студенттер демөөрчүлөр тарабынан Алматы шаарына туристтик жолдомо менен сыйланышса, декандар жатакананын китепканасына китептерди берди. Ал эми университеттин администрациясы студенттерге бир канча шахматтарды белекке берип, Жаңы жыл менен куттуктады.

 

AIP журналына профессор Бекболот Канетовдун илимий макалалары жарыяланды

0

Алгебра, геометрия, топология жана жогорку математиканы окутуу кафедрасынын башчысы, ф-м.и.д., профессор Бекболот Канетовдун аспиранттары менен биргеликте жазган “On some completeness properties of uniform spaces”, “On a uniform analogue of paracompact spaces” жана “Some remainders properties of uniform spaces and uniformly continuous mappings” аталыштагы 3 илимий макалалары америкадагы AIP журналынын 2019-жылдын декабрь айындагы санында жарык көрдү.

 

Страница 4 из 29

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Баннер
Баннер
Сейчас 332 гостей онлайн
Баннер
Баннер

Пресс меню

Администратордон

Студенттердин ?-лору

  • Студент 28.02.2020 00:22
    Саламатсызбы! Мен 5курста окуймун дистанционно Летний сессияны тапшырганга доступ бербей жатышат,келип ...

    Подробнее...

     
  • Алина 02.02.2020 19:24
    Здравствуйте, я еще 13го января написала заявление о переводе на другой факультет, но приказ от ректора ...

    Подробнее...

     
  • Мээрим 01.02.2020 11:24
    Здравствуйте, говорили стипендию повышают , значит мы будем получать больше 1000?

    Подробнее...

Абитуриенттердин ?-лору

  • Merazhidin 20.02.2020 13:43
    Мурда физ матта метеорология группасы болгон. Азыр барбы?

    Подробнее...

     
  • Эрмек 14.02.2020 21:42
    Саламатсыздарбы мен Нарын мамлекеттик университетинде 1курс окуйм 2 курста которулса болобу жана ...

    Подробнее...

     
  • Asanbai 13.02.2020 11:09
    Саламатсызбы. Менин сиздерге суроом бар эле. Мен шахмат боюнча кыргызстандын биринече жолку чемпиону ...

    Подробнее...

Бүтүрүүчүлөрдүн ?-лору

  • medina 06.01.2020 15:55
    Саламатсыздарбы ? Биз журналистика факультетинин жарнама жана коомчулук менен байланыш багытынын 2019 ...

    Подробнее...

     
  • Кулпунай 01.01.2020 16:05
    Саламатсызбы 4 курсту Толук бутуп Дипломдук ишти жактабай койсо кийин келип 4 окубай Дипломдук ...

    Подробнее...

     
  • Гульнура 16.12.2019 12:26
    Здравствуйте! Я в2001г.закончил а факультет биологии я проучилась с 1995 по 2001 заочно у меня степень ...

    Подробнее...

Пикирлер жана сунуштар

  • Темирлан 11.11.2019 18:11
    Саламатсызбы Мен Шакулуев Темирлан Сиздерге бир суроом бар эле мен азыркы учурда ЮУрГУда 1 курста ...

    Подробнее...

     
  • Student 07.04.2018 18:22
    Урматтуу ректор бул айтылгандын баары чындык. Булардын баарын оз козунуз менен коруп, студенттердин ...

    Подробнее...

     
  • Айзада 07.04.2018 17:09
    Здравствуйте Канат Жалилович и Урмат Олжобекович я студентка ФИЯ 3-Курс...Как всем известно 3- корпус ...

    Подробнее...

Биздин өнөктөштөр

Баннер
Баннер
Баннер
Баннер
Баннер