Четверг, Августа 22, 2019
kg_m RU

КУУнун ректору Лоян педуниверситетинин делегациясын кабыл алды

Математиктердин 33 жылдан кийинки жолугушуусу...

Видео жаңылыктар (Баласагын ТВ + Басма сөз кызматы)

КУУдагы соңку жаңылыктар

КУУда мамлекеттик тил боюнча факультеттер аралык студенттик олимпиада болуп өттү

00

2019-жылдын 12-апрель күнү Улуттук университетте мамлекеттик тил боюнча студенттик олимпиада болуп өттү. Мамлекеттик тил бөлүмү тарабынан жыл сайын өткөрүлүп туруучу таймашка бардык факультеттердин 1-курс студенттери катышып, "Дил баян жазуу (орус мектебин аяктагандар үчүн "Эссе жазуу"), "Көркөм окуу" жана "Долбоор коргоо" боюнча тапшырмаларды аткарышты. Таймашты 5 адамдан турган калыстар тобу баалады:

 

Профессор Гүлжамыш Абдымомунова "Жаштык мезгилдин психологиясы" боюнча ачык сабак өттү

0

2019-жылдын 12-апрелинде педагогика факультетинде педагогика илимдеринин кандидаты, профессор Гүлжамыш Абдымомунованын "Психология" предмети боюнча "Жаштык мезгилдин психологиясы" темасында ачык сабагы болуп өттү. Сабактын жүрүшүндө жаштык мезгилдин психо-физиологиялык өзгөчөлүктөрү, достук, сүйүү сезимдери тууралуу сөз болуп, куракка жараша пикир алуушуунун, үй-бүлөдөгү ата-эненин ролунун мааниси ачып берилди.

 

Матфактын студенттери Апрель окуясынын баатырларын эскеришти

002019-жылдын 12-апрель күнү математика жана информатика факультетинин студенттери "Ата-Бейит" мемориалдык комплексине барып, Сталиндик репрессияда, Апрель окуясында каза болгон баатырлардын жана Чыңгыз Айтматовдун арбагына куран окутуп келишти. Белгилей кетсек, мындан 9 жыл мурда болгон окуяда Улуттук университеттин МжИ факультетинин ага окутуучусу М.Жумаев менен СжГИ факультетинин ага окутуучусу Ж.Кудайбергенов курман болгон.

 

Табигый факультеттердин декандарына ММУнун илимий басылмалары тапшырылды

00

2019-жылдын 11-апрель күнү окуу иштери боюнча проректор Бекжан Темиров химия жана химиялык технология факультетинин деканы Анар Зариповага, физика жана электроника факультетинин деканы Самат Төлөгөновга, математика жана информатика факультетинин деканынын м.а. Иззат Усеновго Москва мамлекеттик университетинде чыккан китептерди тапшырды. Аталган китептер 2019-жылдын 27-мартында болуп өткөн РФ менен КР жогорку окуу жайларынын ректорлорунун I форумунун алкагында КУУнун ректору Канат Садыков менен ММУнун ректору Виктор Садовничий кол койгон "Кызматташтык тууралуу келишимдин" негизинде Улуттук университетке 5 апрель күнү белекке берилген.

 

Ноокат районунан келген мектеп окуучулары Улуттук университет менен таанышты

00

2018-жылдын 10-апрелинде Улуттук университетке Ноокат райондук предметтик олимпиадада байгелүү орундарды ээлеген мектеп окуучулары келип, КУУнун факультеттери, компьютердик класстары жана музейи менен таанышып кетишти. Мектеп окуучуларына Улуттук университет тууралуу коомчулук менен байланышуу жана жаштар иштери боюнча департаменттин тарбия иштер бөлүмүнүн координатору Эркинбек Эгембердиев, маалыматтык жана инновациялык технологиялар факультетинин компьютердик технологиялар жана интернет кафедрасынын башчысы Сабира Нуржанова айтып беришти.

 

Окумуштуулар кеңешинин кезектеги отуруму болду

00

2019-жылдын 10-апрель күнү Окумуштуулар кеңешинин кезектеги отуруму болду. Аталган органдын төрагасы, КУУнун ректору Канат Садыков алып барган жыйында математика жана информатика, маалыматтык жана инновациялык технологиялар, кыргыз-кытай факультеттеринин декандарынын отчеттору угулуп, КУУнун 2018-жылдагы финансы-чарба ишмердүүлүгүнүн жыйынтыктары чыгарылды. Жыйындын башында Канат Садыков КУУнун айрым окутуучуларына окумуштуулук наамдын аттестатын жана окумуштуулук даражанын дипломун тапшырды.

 

КУУнун окутуучулары үгүт иштерин жүргүзүүнү улантууда

00Ректор Канат Садыковдун демилгеси менен административдик жана чарба иштери боюнча проректор Туратбек Суранаев  баштаган КУУнун математика, кыргыз тили, орус тили, тарых боюнча окутуучулары Жайыл, Сокулук райондорунун мектептерине барып, бүтүрүүчүлөр үчүн жалпы республикалык тестирлөөгө даярдоо сабактарын өтүүдө. Аталган райондордун билим берүү бөлүмүнүн башчылары, окуучуларды коштоп келген мугалимдер, о.э. бүтүрүүчүлөр КУУнун окутуучуларына ыраазычылык билдирүү менен, "ушундай иш чаралар жыл сайын болуп турса жакшы болоор эле" деген пикирлери менен бөлүштү.

 

КУУнун ректору Казакстандын Кыргызстандагы Элчиси Карим Кокрекбаевди кабыл алды

02019-жылдын 10-апрелинде КУУнун ректору Канат Садыков Казакстандын Кыргызстандагы Атайын жана Ыйгарым укуктуу Элчиси Карим Кокрекбаевди кабыл алды. Жолугушууда Кыргыз улуттук университети менен Казакстандын жогорку окуу жайларынын ортосундагы кызматташтыкты өркүндөтүү, кыргыз филологиясы факультетинин курамында казак тили жана адабияты боюнча окутуучуларды чакыруу менен котормо тайпасын (казакчадан англисчеге, англисчеден казакчага) ачуу, орто мектептердин бүтүрүүчүлөрүн эки өлкөнүн университеттерине кабыл алуу жана башка маселелер талкууланды.

 

Экономфакта БЭТжА боюнча республикалык олимпиадага катышуучулар аныкталды

00

Экономикалык факультеттин «Бухгалтердик эсеп, талдоо жана аудит» кафедрасы "Кыргызстандын бухгалтерлер жана аудиторлор күнүнө" карата бакалавриаттын базалык жана вариативдик сабактары боюнча (бухгалтердик эсеп, талдоо жана аудит) студенттик олимпиада өткөрдү. Интеллектуалдык мелдешке кафедранын окутуучулары тарабынан даярдалган 42 студент катышты. Иш чара факультет деканы Э.У.Кулованын, декандын окуу иштери боюнча орун басары Э.К.Усеновдун жана «Бухгалтердик эсеп, талдоо жана аудит» кафедрасынын башчысы А.Б.Ботобековдун кайрылуу сөздөрү менен башталды.

 

Матфакта Бишкек шаарындагы мектептердин мугалимдери үчүн семинар өткөрүлдү

00

2019-жылдын 8-апрелинде математика жана информатика  факультетинде  Бишкектеги мектептердин математика жана информатика мугалимдери үчүн «Математика жана информатика сабактарын окутууда жаӊы маалыматтык технологияларды колдонуу» темасында семинар болуп өттү. Иш чараны факультет деканынын м.а Изат Усенов ачып, өзү башкарган түзүм жөнүндө маалымат берген соң, мугалимдерди учурдун талабына ылайык даярдоо боюнча аткарылып жаткан иштерге токтолду жана Бишкек шаардык билим берүү башкармалыгы менен мындан ары тыгыз иш алып барууга даяр экендигин билдирди.

 

КУУнун окутуучулары абитуриенттерге бекер сабактарды өтүштү

00

2019-жылдын 8-апрель күнү КУУнун окутуучулары Бишкек шаарынын Биринчи май районундагы мектеп бүтүрүүчүлөрүн ЖРТга даярдоо максатында математика, кыргыз тили жана тарых сабактарынан бекер сабактарды өтүп келишти. Алар бүтүрүүчүлөргө Кыргызстандагы жогорку окуу жайларга тапшыруу үчүн негизги тестти сөзсүз түрдө жана тандаган адистиги боюнча предметтик тесттерди тапшыруусу зарыл экендигин айтып, жалпы республикалык тестирлөөдө ийгилик калашты.

 

КУУнун студенттери Бишкек шаарынын көрктөнүүсүнө салымын кошууда

00

2019-жылдын 5-апрелинде география экология жана туризм факультетинин “Физикалык география” бөлүмүнүн 3-курс студенттери Э.Гареев атындагы Ботаникалык бакта ишембилик өткөрүштү жана факультет менен кызматташкан “Раздольный” орто мектебине ботбактын кызматкерлери көрктөндүрүү үчүн берген 150дөй клен, каштан, ясень, свидина, ак терек ж.б. дарактардын көчөттөрүн жеткиришти. Иш чара студенттердин университеттен алган теориялык билимин практика жүзүнө ашыруу жана мекенибизди көрктөндүрүүгө салым кошуу максатында өткөрүлдү.

 

Матфакта футбол боюнча "Декандын кубогу" ойнотулду

00

2019 жылдын 5-апрелинде 6-окуу имаратындагы спорт аянтчада математика жана информатика факультетинин "Деканынын кубогун" жеңип алуу үчүн мини-футбол боюнча турнир өткөрүлдү. Апрель баатырларын эскерүү багытында КУУда өтүкөрүлүүчү турнирге мыкты футболчуларды таңдоо максатында  өткөрүлгөн мелдешке 6 команда катышты. Турнир аябай кызыктуу өтүп, жеңүүчү командаларды факультеттин деканынын м.а. Изат Усенов кубок жана дипломдор менен сыйлады.

 

Педфактын студенттери Апрель курмандыктарын эскеришти

00

2019-жылдын 4-апрелинде педагогикалык факультет менен кесиптик-педагогикалык колледждин студенттери факультет деканы Рахат Сулайманова менен бирге Ата-Бейит мемориалдык комплексине 7-апрель курмандыктарын эскерүү үчүн барышты. Иш чаранын жүрүшүндө курман болгондордун эстелигине гүл коюлуп, куран окутулду. Студенттер менен бирге о.э. тарбия иштери боюнча декандын орун басары С.Жолочиев, Г.Адылбек кызы, А.Салиева жана М.Шарабидинов болушту.

 

КУУнун Көзөмөлчүлүк кеңешинин кезектеги отуруму болуп өттү

00

2019-жылдын 4-апрелинде КУУнун Көзөмөлчүлүк кеңешинин кезектеги отуруму болуп өттү. Жыйында "КУУнун 2018-жылдагы каржы-чарбалык иштеринин жыйынтыгы", "КР Президентинин 2019-жылдын 6-февралында КУУга барышынын жыйынтыгы боюнча берилген тапшырмаларына байланыштуу университетти өнүктүрүү пландары" сыяктуу маселелер каралды. Кеңештин мурдагы төрагасы Аманбек Жайнаков ден соолугуна байланыштуу ээлеген кызматынан бошотууну суранып, жаны төрагалыкка Асылбек Токтогулов шайланды.

 

"Апрель революциясынын баатыры" Жолдошбек Кудайбергеновду "Эскерүү тактасы" ачылды

00

2019-жылдын 4-апрелинде Улуттук университетте "Апрель революциясынын баатыры", социалдык-гуманитардык илимдер факультетинин окутуучусу Жолдошбек Кудайбергеновдун жаркын элесине арналган "Эскерүү тактасы" ачылды жана тегерек стол болуп өттү. Аталган иш чараларга КУУнун ректору Канат Садыков, баатырдын энеси Нурия апа, таякеси Нурлан Айдабосунов, "Мекен шейиттери" коомдук уюмунун төрагасы Арстан Сагындыковкурсташтары, о.э. окутуучулар менен студенттер катышты.

 

Химфактын 3-курс студенттери айнек, күзгү чыгаруунун технологиясы менен таанышты

00

Химия жана химиялык технология факультетинин 3-курс студенттери Токмоктогу «Интергласс» айнек заводуна мугалимдердин коштоосунда экскурсияга барышып, айнек жана күзгү чыгаруунун технологиясы менен таанышып келишти. Ишкананын химик-технолог, химик-лаборанттары менен болгон маек учурунда «Интергласс» - Орто Азия боюнча айнек чыгарган жалгыз завод экендигин жана эң жогорку сапатта чыгарылган продукция кошуна өлкөлөргө экспорттолоорун билишти.

 

"Секом" билим берүү комплексинин бүтүрүүчүлөрү КУУ менен таанышты

00

2019-жылдын 2-апрелинде "Секом" билим берүү комплексинин 200дөй бүтүрүүчүлөрү Улуттук университетке келип, окуу жайдын факультеттери менен таанышып кетишти. Башкы имараттагы чоң жыйындар залында болгон жолугушууда КУУ тууралуу жалпы маалыматты "болочок студенттерге" кабыл алуу комиссиясынын жооптуу катчысы Алла Имакеева, ал эми факультеттер тууралуу - декандардын орун басарлары менен окутуучулары берди.

 

Матфактын 1-курс студенттери "Бурана" комлексине экскурсияга барышты

00

2019-жылдын 31-март күнү математика жана информатика факультетинин 1-курс студенттери Улуттук университет атын алып жүргөн улуу илимпоз Жусуп Баласагын жашаган шаардын тарыхын билүү үчүн "Бурана" архитектуралык музей комлексине экскурсияга барышты. Студенттер комлекстин менеджеринен "Бурана" мунарасы Баласагын шаарында жайгашканын жана Караханийлер дооруна таандык тарыхий-архитектуралык эстелик экенин билишти.

 

КУУда "Атмосферадагы наноөлчөмдүү бөлүкчөлөрдүн мониторинги” лабораториясы ачылды

00

2019-жылдын 29-март күнү 6-окуу имаратындагы 7-дарсканада ’’Бишкек шаарынын бүгүнкү күндөгү экологиялык абалы” аталышындагы тегерек стол болуп өттү. Иш чарага Өзгөчө кырдаалдар министрлигине караштуу гидрометеорология боюнча агенттиктин директорунун орун басары Рыскелди Асанходжаев менен КУУнун ректору Канат Садыков катышып, «Атмосферадагы наноөлчөмдүү бөлүкчөлөрдүн мониторинги” биргелешкен лабораториясын ачышты жана анын жобосун бекитишти.

 

Кургак учук айыгат!

002019-жылдын 29-март күнү математика жана информатика факультетинде "Кургак учук менен күрөшүүнүн бүткүл дүйнөлүк күнүнө" карата "Кургак учук айыгат!" аттуу иш чара болуп, анын биринчи  бөлүмүндө "Кургак учукту бирге жеңебиз" деген видео-ролик, "Жаңы муун" дебаттык клубу тарабынан аталган тема боюнча оюн көрсөтүлсө, экинчи бөлүмүндө медицина кызматкерлери менен студенттердин ортосунда "Кургак учуктун дартын аныктоо жана дарылоо" деген теманын алкагында талкуу болду. 

 

Алтай мамлекеттик университетинин профессору КУУнун студенттерине лекция окуду

00ШКУ университетинин алкагында макулдашылган келишимге ылайык жана тажрыйба алмашуу максатында Алтай мамлекеттик университетинин тарых факультетинин чыгыш таануу кафедрасынын профессору Юлия Лысенко 2019-жылдын 27-мартында тарых жана чөлкөм таануу факультетинин чөлкөм таануу багытынын студенттерине “Этапы формирования центральноазиатской подсистемы международных отношений” деген темада лекция өттү.

 

Кесиптик-педагогикалык колледжде практика жыйынтыгы чыгарылды

00

2019-жылдын 26-мартында кесиптик-педагогикалык колледжде окуу-таанышуу, өндүрүштүк жана педагогикалык практикалар боюнча жыйынтыктоочу конференция өттү. Иш чарага педагогика факультетинин деканы Р.Сулайманова, колледждин башчысы А.Салиева,  КУУнун академиялык саясатты башкаруу башкармалыгынын жетектөөчү адиси А.Исраилова, о.э. практика жетекчилери жана практика өтүп келген студенттер катышты.

 

Журфакта профилдик предметтер иш берүүчүлөр менен талкууланды

00

2019-жылдын 26-мартында башкы имараттагы кичи жыйындар залында «Журналистика» жана «Жарнама жана коомчулук менен байланыштар” багыттары боюнча профилдик предметтер иш берүүчүлөр менен талкуланды. Заман талабына ылайык аталган багыттар боюнча мамлекеттик билим берүү стандарттарына киргизилген толуктоолор жана түзөтүүлөр жөнүндө программалардын жетекчилери Айна Дуйшекеева менен Бегайым Максутова маалымат беришти.

 

Страница 4 из 18

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Баннер
Баннер
Сейчас 331 гостей онлайн
Баннер
Баннер

Пресс меню

Администратордон

Студенттердин ?-лору

  • Модератор 04.09.2018 09:01
    Окуу бөлүмүнөн билдиришкендей, которулса болот. Ал үчүн адегенде 1-курстун контрагын төлөп, андан ...

    Подробнее...

     
  • Модератор 27.08.2018 10:21
    Окуу бөлүмүнөн билдиришкендей, КУУдагы бардык которуулар 27-августтан 27-сентябрга чейин ишке ашырылат.

    Подробнее...

     
  • Аид 27.12.2017 00:35
    Саламатсызбы! R.knu.kg сайты иштебей жатат. Экзаменден канча баа алганымды билбей жатам. Логин парольуму ...

    Подробнее...

Абитуриенттердин ?-лору

  • Модератор 04.09.2018 09:09
    1) Окуу бөлүмүнөн билдиришкендей, кайра ордуна келүүгө болот, 27-сентябрга чейин. 2) Ал үчүн адегенде ...

    Подробнее...

     
  • Модератор 27.08.2018 10:26
    1-сентябрда эле келесиз. 1) Мүмкүн 2) Окуу бөлүмүнөн билдиришкендей, КУУдагы бардык которуулар ...

    Подробнее...

     
  • Модератор 26.01.2018 13:17
    9-бүтүп КУУнун колледждерине гана тапшыра аласыз. Факультеттерге тапшыруу үчүн аттестат керек. Эгер ...

    Подробнее...

Бүтүрүүчүлөрдүн ?-лору

  • Модератор 04.09.2018 09:21
    Билим тууралуу документтерди даярдоо жана чыгаруу бөлүмүнө кайрыласыз. Тел.: 32-20-74, 61-45-04 Окуу ...

    Подробнее...

     
  • ОПВДОО 04.01.2018 10:34
    Маалымат алуу учун, КУУнун пландоо болуму менен байланышыныздар

    Подробнее...

     
  • aman 19.12.2017 20:13
    Физика жана электроника факультетинде 4 - курста билим алып жатам. Ююджеттик орунда. Мен контрактын ордун ...

    Подробнее...

Пикирлер жана сунуштар

  • Student 07.04.2018 18:22
    Урматтуу ректор бул айтылгандын баары чындык. Булардын баарын оз козунуз менен коруп, студенттердин ...

    Подробнее...

     
  • Айзада 07.04.2018 17:09
    Здравствуйте Канат Жалилович и Урмат Олжобекович я студентка ФИЯ 3-Курс...Как всем известно 3- корпус ...

    Подробнее...

     
  • Гулкайыр 28.03.2018 17:38
    Саламатсыздарбы !!! мен КУУ нун Чет тилдер факультетинде 3 корпуста окуйм. Биз контракт төлөйбүз ...

    Подробнее...

Биздин өнөктөштөр

Баннер
Баннер
Баннер
Баннер
Баннер