Бейшемби, Февраль 09, 2023
Баннер

Сайттын тилин тандоо

kg_m RU EN
↑↑ Журналистика факультетинин "Баласагын ТВ" студиясынын репортаждары ↑↑

Улуттук университеттеги соңку жаңылыктар

Окумуштуулар кеңешинин кезектеги отуруму болуп өттү

00

2022-жылдын 23-март күнү башкы имараттагы санариптик технологиялар борборунда Окумуштуулар кеңешинин кезектеги отуруму болуп өттү. Аталган кеңештин төрагасы, Улуттук университеттин ректору Канат Садыков алып барган жыйында "2021-жылдагы каржы-чарба иштеринин жыйынтыгы", “Ардактуу профессор” наамын ыйгаруу", олдонмо информатика багытын программалык окууга өткөрүү" жөнүндө" жана башка маселелер каралды. Онлайн жана оффлайн режимде өткөн жыйындын башында ректор кворум бар экенин билдирип, отурумдун күн тартибин добушка койду.

 

Тарых жана чөлкөм таануу факультетинин ага окутуучусу Шаршенбек кызы Айпери “Мыкты практикалык сабак” сынагына катышты

002022-жылдын 22-мартында тарых жана чөлкөм таануу факультетинин чөлкөм таануу жана кыргыз таануу кафедрасынын ага окутуучусу Шаршенбек кызы Айпери мамлекеттик тилде даярдалган “Мыкты лекция”, “Мыкты практикалык сабак” сынагынын алкагында “Чөлкөм таануу” багытындагы 2-курс студенттерине “Изилденип жаткан чөлкөмдүн маданиятынын, адабиятынын, дининин тарыхы” боюнча “Япониянын орто кылымдагы маданияты” аталышында ачык практикалык сабак өттү. Иш чарага мамлекеттик тил жана тарбмя иштери боюнча проректор Садык Алахан (Тиллебаев), мамлекеттик тил бөлүмүнүн башчысы Динара Мырзагулова, факультет деканы Турат Сырдыбаев, академиялык саясат башкармалыгынын окуу процессин координациялоо бөлүмүнүн адиси Фарида Төлөбаева жана чөлкөм таануу кафедрасынын башчысы Омурова Жамикат катышты.

 

КУУнун кыздары менен КМУнун жигиттери "Сармерден" оюнун өткөрүштү

00

"Кылымга аты дал келген, Кызыктуу оюн Сармерден. Жашоого аты дал келген, Жаштардын оюну Сармерден" демекчи, 2022-жылдын 17-март күнү И.Арабаев атындагы КМУнун концерттик залында аталган окуу жайдын тарых жана социалдык укуктук билим берүү факультетинин жигиттери жана Ж.Баласагын атындагы КУУнун тарых жана чөлкөм таануу факультетинин кымчабел сулуу кыздарынын катышуусу менен көөнөргүс салттардын бири болгон “Сармерден” оюну өткөрүлдү. Салттуу оюн саламдашуу менен башталып, кыз-жигиттерди сахнага чакырып алуу менен бирге, КМУнун тарых жана социалдык укуктук билим берүү факультетинин деканы Курбанова Н.У. сөз сүйлөдү. Ал "Сармерден" оюну жөн эле көңүл ачуучу оюн эмес, абалкы салтты азыркы күндө улап келе жаткан бирден бир салттуу оюн экенин билдирди.

 

КУУнун жамааты Нооруз майрамын белгиледи

00

2022-жылдын 21-мартында 9-жатакананын алдындагы аянтчада КУУнун жамааты Нооруз майрамын белгиледи. Бир жумадан  бери бүркөлүп турган күн дагы майрамдык салтанат алдында жарк этип ачылып, чогулган элге майрамдык маанай тартуулады. Умай эне аянтта чогулган жамаатты арча түтөтүп,_аластагандан кийин, ректор Канат Садыков менен профкомдун төрагасы Кубанычбек Жумабеков Улуттук университеттин окутуучу, кызматкер жана студенттерин Нооруз майрамы менен кызуу куттукташтыАндан кийин аянтка КУУнун таланттуу окутуучулары менен студенттери, о.э. кызматкерлердин балдары чыгып, ыр-бийлерди аткарышты.

 

Матфактын жетекчилиги Улуттук университеттин жамаатын Нооруз майрамы менен куттуктайт!

00Урматтуу Улуттук университеттин кызматкерлери жана студенттери! Cиздерди математика жана информатика факультетинин жалпы жамааты тазалыктын, аруулуктун, жаңылануунун майрамы болгон, жаз алып келген Нооруз - "Жаңы күн“ майрамы менен кызуу куттуктайт. Ушул токчулуктун, мол түшүмдүн, ырыскынын майрамында элибизде ынтымак, биримдик болсун. Бул ыйык күнү үйүңүздөргө кут конуп, ишиңиздерди ийгиликтер жылоолоп, элибизге ынтымак, үй-бүлөңүздөргө бакыт-таалай алып келсин. Дайыма жүзүңүздөрдөн күлкү кетпей, тилеген ой-максаттарыңыздар орундалсын! 

 

Нооруз майрамында кандай эс алабыз?

00

2022-жылдын 18-март күнү ректор Канат Садыков кол койгон №81-буйрукка ылайык 21-март - Нооруз күнү - Жусуп Баласагын атындагы Кыргыз улуттук университетинин кызматкерлери үчүн эс алуу күнү болуп жарыяланды. Аталган буйрук Кыргыз Республикасынын Эмгек кодексинин 113-беренесинин негизинде чыгарылды. Административдик-чарба иштери боюнча проректорго жана түзүм жетекчилерине майрам күнү университетте өрт коопсуздугун, окуу жайдын мүлкүн жана материалдык баалуулуктарынын сакталышын камсыздоо үчүн атайын кызматтардын нөөмөт жүгүртмөсүн бекитүү тапшырылды.

 

Улуттук университетте 18 факультеттин декандары шайланды

 02022-жылдын 18-мартында саат 9:00дө Улуттук университеттин 18 факультетинин декандарын шайлоо башталды. Түшкө чейин шайлоолор 9 факультетте өтүп, жыйынтыктар төмөндөгүдөй болду: Кыргыз-Европа факультетинде талапкер Нурбек Мукамбаев шайлоого катышуудан баш тартып, тизмеде Анара Камалова гана калды. Жыйынга 48 шайлоочунун 36сы катышып, алардын баары Анара Камаловага добуш беришти. Маалыматтык жана инновациялык технологиялар факультетиндеги жыйынга 51 шайлоочунун 47си катышып, алардын 29у Бактыгүл Баратовага, 15и Таалайбек Каракеевге, бирөөсү Жылдызбек Какишовго добуш берди. Эки бюллетень жараксыз деп табылды.

 

Улуттук статистика комитетинин бөлүм башчысы 2022-жылдагы Эл каттоонун өзгөчөлүктөрү тууралуу айтып берди

00

2022-жылдын 17-мартында башкы имараттагы кичи жыйындар залында Улуттук статистика комитетинин окуу процесстерин уюштуруу жана координациялоо бөлүмүнүн башчысы Бакытбек Раимжанов менен башкы адиси Чынара Рысбекова КУУнун кызматкерлерине 25-марттан 3-апрелге чейин өткөрүлүүчү Эл каттоо боюнча маалымат беришти. Бөлүм башчы бул күндөрү эл менен кошо турак жай фондун каттоо да жүргүзүлөөрүн, сурамжылоо эч кандай документтерди көрсөтпөстөн өткөрүлөөрүн белгилеп, каттоо баракчасындагы суроолор менен тааныштырды жана 2022-жылдагы Эл каттоонун өзгөчөлүктөрү тууралуу айтып берди.

 

КУУнун сыйлык берүү комиссиясынын кезектеги отуруму болуп өттү

02022-жылдын 17-март күнү Жусуп Баласагын атындагы Кыргыз улуттук университетинин кызматкерлеринин окуу, илимий жана эмгектеги ишмердүүлүгүн стимулдаштыруу жана баалоо масатында түзүлгөн КУУнун сыйлык берүү комиссиясынын кезектеги отуруму болуп өттү. Аталган органдын  төрагасы, мамлекеттик тил жана тарбия иштери боюнча проректор Садык Алахандын төрагалыгы астында өткөн жыйында комиссия мүчөлөрү окуу жайдын түзүмдөрүнөн Кыргыз Республикасынын мамлекеттик сыйлыктарына келип түшкөн сунуштарды тыкыр карап чыгып, тиешелүү чечимдерди кабыл алышты.

 

Тилдерди үйрөнүү борборунда Нооруз майрамына карата "Ыр десте" өткөрүлдү

002022-жылдын 16-мартында КУУнун тилдерди үйрөнүү борборунда Нооруз майрамына карата мугалимдер жана чет элдик угуучулар тарабынан уюштурулган "Ыр десте" өткөрүлдү. Иш чара аталган борбордун башчысы Симонович Тамара Ивановнанын куттуктоосу менен башталып, Умай эненин арча түтөтүп, аластоосу менен коштолду. Угуучулар "Нооруз" майрамына карата кыргызча ырларды, бийлерди аткарып, макал-лакаптарды айтып, аркан тартыш, кол күрөш, тогуз коргоол сыяктуу улуттук оюндарды ойношту. Алар о.э. улуттук тамак аштарды (сүмөлөк, боорсок, жарма, курут, талкан, каттама) даярдап келишти. Сынактын жеңүүчулөрунө белектер тапшырылды. 

 

КУУнун ректору Йемен Республикасынын Кыргызстандагы атайын жана ыйгарым укуктуу элчисин кабыл алды

002022-жылдын 16-мартында КУУнун ректору Канат Садыков Йемен Республикасынын Кыргыз Республикасындагы атайын жана ыйгарым укуктуу элчиси Мухаммед Мотахар Алашаби мырзаны кабыл алды. Жолугушуунун жүрүшүндө Йемен элчилиги менен Кыргыз улуттук университетинин ортосунда билим берүү тармагында кызматташуу маселелери талкууланды. Канат Садыков кечээ эле Президент Садыр Жапаровго ишеним грамотасын тапшырган Түштүк-Батыш Азия өлкөсүнүн жогорку деңгээлдеги дипломатиялык өкүлүн Кыргызстандагы элчилик кызматын баштоосу менен кызуу куттуктап, иштерине ийгиликтерди каалады.

 

Жогорку мектептин педагогикасы кафедрасында “Smart Edu технологиясы” боюнча семинар өткөрүлдү

00

2022-жылдын 15-март күнү cоциалдык–гуманитардык илимдер факультетинин жогорку мектептин педагогикасы кафедрасында педагогикалык дисциплиналарды окутуу процессинде жаңы технологияларды колдонуу боюнча методикалык семинар өткөрүлүп, кафедранын доценти Майрам Сатыбекова “Smart Edu технологиясы” жөнүндө  баяндама жасады. Анын айтымында, Smart-технологиялар биздин жашообузга, ишмердүүлүгүбүзгө өтө тездик менен кирип, Smart-коомду жаратат. Ал маалымат ресурстары, коммуникация каражаттары ачык жеткиликтүү өнүккөндө гана ишке ашырылат. Майрам Сатыбекова о.э. Smart–коом интернет технология менен тыгыз байланышта өнүгөөрүн, “Smart” – акылдуу, интеллектуалдуу, ал эми “Smart Edu” – бул акылдуу билим берүү дегенди түшүндүрөөрүн айтты.

 

Окуу имараттарынын айланасына арча, карагай, ак кайыңдын көчөттөрү отургузулду

002022-жылдын 14-мартында административдик-чарба иштери боюнча проректор Туратбек Суранаев баштаган окуу жайдын чарба башкармалыгынын кызматкерлери окуу имараттарынын айланасын көрктөндүрүү жана жашылдандыруу максатында башкы имарат менен 7-окуу имаратынын аймагындагы жер тилкелерине 250 түп арча, 50 түп карагай, 50 түп ак кайың жана 50 түп катальпанын көчөттөрүн отургузушту. Ботаникалык бактын башчысы Улукбек Невераевдин айтымында, мындан ары жашылдандыруу иштери улантылып, аталган аймактарга дагы 10 миң түптөн ашуун "жашыл тосмо" өсүмдүктөрү отургузулмакчы. 

 

Мамлекеттик жана муниципалдык башкаруу факультетинин студенттери "Аташовдун стипендиясын" алып жатышат

00

Мамлекеттик жана муниципалдык башкаруу факультетинин бүтүрүүчүсү Аташов Базарбек студенттердин окууга болгон кызыгуусун арттыруу максатында өзү бүтүп кеткен факультеттин студенттерине ай сайын стипендия берүүнү чечти. Стипендияга талапкерлер профессордук-окутуучулар тарабынан түзүлгөн тесттик иш жазышып, анын жыйынтыгы боюнча жеңүүүлөр аныкталып, жыйынтыгында 2-курстун студенти Бектурсунов Байман менен 3-курстун студенти Абышкаева Даткайым ай сайын "Аташовдун стипендиясын" алып жатышат. 

 

Эне тилдин эл аралык күнүнө карата өткөрүлгөн жат жазууну мыкты жазган студенттерге сыйлыктар тапшырылды

0

2022-жылдын 11-март күнү башкы имараттагы 344-дарсканада Эне тилдин эл аралык күнүнө карата юридика факультети менен башкаруу жана бизнес факультетинин 1-курс студенттери үчүн окумуштуу-тилчи Жээнбай Муканбаевдин “Эл ичи – өнөр кенчи” деген эмгегинин негизинде өткөрүлгөн “Чечен” темасындагы 197 сөздөн турган жат жазуунун жыйынтыгы чыгарылып, мыкты жазган студенттерди сыйлоо аземи болду. Мамлекеттик тил жана тарбия иштери боюнча проректор Садык Алахан аларга адабий китептерди, сөздүктөрдү жана грамоталарды тапшырды. Иш чарага о.э. башкаруу жана бизнес факультетинин доценти Мээримкуль Керимкулова жана жат жазуу ишин жүргүзгөн ага окутуучулар Б.Касымалиев, К.Токтоналиева, К.Жусупкелдиев, А.Аязбекова катышты.

 

Физика жана электроника факультетинин ага окутуучусу Мурзакулова Илимгүл “Мыкты практикалык сабак” сынагына катышты

002022-жылдын 10-март күнү физика жана электроника факультетинин физика кафедрасынын ага окутуучусу Мурзакулова Илимгүл Кыргыз улуттук университетинин окутуучу-профессорлорунун арасында өткөрүлүп жаткан мамлекттик тилде окулган “Мыкты лекция”, “Мыкты практикалык сабак” сынагынын алкагында "Термодинамиканын биричи башталышынын изопроцесстерге колдонулушу. Ички энергия. Жылуулук сыйымдуулук" деген темада практикалык сабак өттү. Бул сабакка мамлекеттик тил боюнча проректор Садык Алахан, физика жана электроника факультетинин деканы Самат Токтогонов, мамлекеттик тил бөлүмүнүн башчысы Динара Мырзагулова, академиялык саясат башкармалыгынын окуу процессин координациялоо бөлүмүнүн адиси Фарида Төлөбаева катышты.

 

КУУнун жетекчилери академик Жайнаков Аманбек Жайнаковичти акыркы сапарга узатуу зыйнатына катышты

002022-жылдын 10-мартында мамлекеттик тил жана тарбия иштери боюнча проректор Садык Алахан жана административдик-чарба иштери боюнча проректор Туратбек Суранаев баш болгон КУУнун өкүлдөрү Улуттук илимдер академиясында болуп өткөн көрүнүктүү окумуштуу жана педагог, физика-математика илимдеринин доктору, профессор, Улуттук илимдер академиясынын академиги, илим жана техника боюнча Кыргыз Республикасынын Мамлекеттик сыйлыгынын лауреаты, “Манас” орденинин ээси, Кыргыз Республикасынын Эл мугалими, 2019-жылдан бери КУУнун Камкорчулук кеӊешинин мүчөсү Жайнаков Аманбек Жайнаковичти акыркы сапарга узатуу зыйнатына катышты.

 

МжМБ факультетинин студенттери Аялдардын эл аралык күнүнө карата "Кана эмесе кыздар" конкурсун өткөрүштү

00

2022-жылдын 9-мартында башкы имараттагы чоң жыйындар залында мамлекеттик жана муниципалдык башкаруу факультетинин студенттери тарабынан Аялдардын эл аралык күнүнө карата "Аалам көркү - аялзат" аттуу теманын алкагында "Кана эмесе кыздар" конкурсу өткөрүлдү. Сынакка 5 команда катышып, "Саламдашуу", "Өнөр көрсөтүү", "Чач өрүү", "Бий" жана "Тамак аш" номинациялары боюнча тапшырмаларды аткарышты. Натыйжада, ГСК-2-20 кыргыз группасы биринчи, ГСК-1-18 экинчи, ГСК-2-21 үчүнчү орунду ээлешип, кызыктыруучу сыйлыктар жана грамоталар менен сыйланышты. Студенттер өз кезегинде факультеттин окутуучу эжейлерин куттуктап, белектерин тапшырышты.

 

Профессор Г.Жаманкулованын “Байыркы кыргыз тили” аттуу эмгеги Москвадагы китеп көргөзмөнүн алтын медалына татыктуу болду

00

34-Москва эл аралык китеп көргөзмө-ярмаркасы Москва шаарынын «Экспоцентр” борбордук көргөзмө комплексинде 2021-жылдын 27-сентябрында өткөн. Көргөзмө Эл аралык китеп көргөзмөлөрүнүн жана ярмаркаларынын башкы дирекциясы тарабынан Россия Федерациясынын жана Өкмөтүнүн санариптик өнүгүү, байланыштар жана массалык коммуникациялар министрлигинин жана Москва өкмөтүнүн колдоосу менен өткөрүлгөн. Көргөзмө-ярмарка иштеген төрт күн ичинде аны көрүүгө 25 миң адам келген. Көргөзмө-ярмаркага 203 басма үйү (россиялык, чет өлкөлүк) өз китептерин коюшкан.

 

КУУнун Камкорчулук кеӊешинин мүчөсү, академик Жайнаков Аманбек Жайнакович дүйнө салды

00

Кыргыз Республикасынын илими, билим берүүсү, атпай журту орду толгус чоң жоготууга учурады. 2022-жылдын 8-март күнү көрүнүктүү окумуштуу жана педагог, физика-математика илимдеринин доктору, профессор, Улуттук илимдер академиясынын академиги, илим жана техника боюнча Кыргыз Республикасынын Мамлекеттик сыйлыгынын лауреаты (1992), “Манас” орденинин ээси (2006), Кыргыз Республикасынын Эл мугалими (2011), математикалык жана теориялык физика, механика, математикалык моделдештирүү жана компьютердик технологиялар боюнча ири окумуштуу, 2016-жылдан бери Улуттук университеттин Окумуштуулар кеӊешинин, 2019-жылдан бери Камкорчулук кеӊешинин мүчөсү Жайнаков Аманбек Жайнакович 81 жашында көз жумду.

 

Кыргыз филологиясы факультетинде Аялдардын эл аралык күнү белгиленди

00

2022-жылдын 7-мартында кыргыз филологиясы факультетинин балдар жамааты факультеттин жалпы айымдарын 8-март – Аялдардын эл аралык күнү менен куттуктап, “Аруусуңар, назиксиңер айымдар; Куттуу болсун 8-мартыңар” аттуу концерт тартуулашты. Концертте кыздар арасында өткөрүлгөн футбол оюну боюнча жеңүүчүлөргө грамота тапшырылды (аталган оюн 3-мартта айымдардын майрамына карата уюштурулган). Концерттин жүрүшүндө балдар өз өнөрлөрүн көрсөтүшүп, факультеттин жалпы айымдарына майрамдык маанай тартуулашты жана өлчөмү 5 квадрат метр болгон күзгү белек кылышты. 

 

7-жатаканада "Жатакана Периси" аныкталды

00

2022-жылдын 7-март күнү 7-жатаканада жашаган кыздар арасында "Жатакана Периси" аттуу сулуулар сынагы болуп өттү. Сынакка 5 кыз катышып, өз өнөрлөрүн тартуулашты. Конкурстун жүрүшүндө "Саламдашуу", "Үй тапшырма", "Дасторкон ажары", "Мода - 2022", "Күтүлбөгөн тапшырма" жана "Суроо-жооп" деген тапшырмалар берилип, аларды аткарууга 2-5 мүнөттөн убакыт берилди. Калыстар тобу тарабынан сынактын жыйынтыгы төмөндөгүдөй аныкталды: 1-орун: Нурситилла кызы Каныгүл (ардак грамота жана 3000 сом акчалай сыйлык), 2-орун: Мурзабек кызы Жаркын (ардак грамота жана 2000 сом акчалай сыйлык), 3-орун: Мансурова Альбина (ардак грамота жана 1000 сом акчалай сыйлык).

 

Матфактын 3-курс студенттери педагогикалык практиканы ийгиликтүү өтүп келишти

00

Математика жана информатика факультетинин 3-курсунун МБ-1-19, МБ-2-19 тайпаларынын студенттери Бишкек шаарындагы №1-мектеп-интернатта жана №9-орто мектепте педагогикалык практиканы ийгиликтүү өтүп келишип, 2022-жылдын 7-мартында өз отчеттерин беришти. Практиканы доценттер Мунапысова Г.Т. менен Исраилова Г.Т. жетектешип, студенттер менен дайыма тыгыз байланышта болушту. Педагогикалык практиканын жүрүшүндө студенттер мугалимдик кесиптин ардактуу да, түйшүктүү да жактары менен иш жүзүндө таанышып, тиешелүү кесиптик-методикалык тажырыйба топтоого жетишти. Сабактарын жогорку бааларга өтүү менен бирге, класстан тышкаркы иш-чараларды да кызыктуу уюштуруп, окуучулардын зор сүймөнчүлүгүнө ээ болушту.

 

БжБФ жетекчилиги факульттеттин курама командасын кичи футбол боюнча турнирде 3-орунга ээ болушу менен куттуктайт

00Мурда кабарлангандай2022-жылдын 1-мартында 6-окуу имараты тараптагы футбол талаасында «Ректордун кубогун» утуп алуу үчүн кичи футбол боюнча турнир болуп өткөн. Башкаруу жана бизнес факультетинин жетекчилиги факульттеттин студенттеринен куралган кичи-футбол боюнча командасын аталган таймашта 3-орунга ээ болушу менен куттуктайт жана ушул жетишкендик менен чектелип калбастан, мындан ары да көптөгөн спорттук ийгиликтерди багынтып, Улуттук университеттин чемпиону болушуна тилектеш экендигин билдирет.

 

Страница 17 из 20

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Баннер
Сейчас 657 гостей онлайн
Баннер

Пресс меню

Администратордон

Абитуриенттердин ?-лору

  • Сезим 10.09.2022 16:21
    казахстандын жараны заочныйга тапшырса болобу?

    Толугу менен...

     
  • Аман 31.08.2022 20:34
    Саламатсызбы, мен Юридический факультетке тапшыргам. Ватсаптан групп ачкан жок каяка саат канчага ...

    Толугу менен...

     
  • Шарип кызы Сезим 12.08.2022 07:18
    Саламатсызбы! Мен Нарын Мамлекеттик университетинин педагогика факультетин химия предметинен бакалавр ...

    Толугу менен...

Студенттердин ?-лору

  • Акылай 05.01.2023 01:39
    Саламатсызбы? "Tömer" курсуна катталуу үчүн кайда, кайсы номерге кайрылышым керек ?

    Толугу менен...

     
  • Сезим 27.10.2022 02:18
    Здравствуйте,я училась в в проф колледже им.Ж Баласагына,меня отчислили за фин долг.Дело вот в чем,я ...

    Толугу менен...

     
  • ФИИТ 26.09.2022 10:42
    Я учусь в ФИИТе уже третий курс, и хотел поинтересоватьс я, есть ли у нас программы по обмену за ...

    Толугу менен...

Бүтүрүүчүлөрдүн ?-лору

  • Ислам 05.12.2022 15:02
    Саламатсызбы мамлекеттик жана муниципалдык башкаруу факультетине тапшыруу үчүн Ортдан кошумча ...

    Толугу менен...

     
  • Гулиза 13.09.2022 14:52
    Саламатсынарбы, мен 2015 жылы чет тилдер институтун бутургонмун, андан лингвист окуттуучу деп диплом ...

    Толугу менен...

     
  • Жазгул 03.09.2022 21:15
    Саламатсызбы!Ме н 2009жылы тапшырып 2014жылы бутмокмун.Гос.э кзаменге жаны диплом защитага ...

    Толугу менен...

Пикирлер жана сунуштар

  • Жыпаркул 24.01.2023 10:32
    Кнунун 6 корпусу ото эле суук???? окуганга мумкун эмес????

    Толугу менен...

     
  • Канышай 24.01.2023 10:28
    Саламатсызбы.6- корпустун 1-этажы абдан суук болуп,окуганга оор болуп жатат.Үшуп,оору п жатабыз.Ушул ...

    Толугу менен...

     
  • Юрфак 2 курс спо 22.12.2022 03:10
    Те кто сдали деньги получают высокие баллы а те кто не сдал деньги но старательно учились получают ...

    Толугу менен...

Биздин өнөктөштөр

Баннер
Баннер
Баннер
Баннер
Баннер
Баннер

Окутуучулардын макалалары