Веб-аналитика тармагындагы SimilarWeb сервисинен алынган маалымат боюнча КУУнун сайтына 2023-2024-жылдын Ноябрь-Январь айларында жалпысынан 385 миң 005 адам кирип, Октябрь-Декабрга караганда 53 миң 326га аз кирген.
Белгилей кетчү нерсе – өткөн жылдын июль айынан бери сайтка кирүүчүлөрдүн саны боюнча Улуттук университет өзгөчө макам алган жогорку окуу жайлардын ичинен 1-орунду ээлеп келген болсо, бул үч айлыкта алдыга Кыргыз мамлекеттик техникалык университети чыгып, биздин университет 2-орунду ээледи.
1. Сайтка кирүүчүлөрдүн саны (Ноябрь-Январь, 2023-2024):
- КМТУ = 420 миң 686 адам
- КУУ = 385 005
- КММА = 229 936
- ОшМУ = 162 890
- КМАУ = 10 804
Мындан сырткары, ошол эле сервисте сайттардын глобалдуу жана жергиликтүү рейтингдери да аныкталган.
2. Сайттардын рейтинги (Ноябрь-Январь, 2023-2024):
Глобалдуу рейтинг (Дүйнө боюнча)
- КМТУ = 340 миң 202 орунда
- КУУ = 412 637
- КММА = 608 001
- ОшМУ = 664 320
- КМАУ = 4 879 717
Жергиликтүү рейтинг (Кыргызстан боюнча)
- КМТУ = 506
- КМТУ = 572
- КММА = 963
- ОшМУ = 1 063
- КМАУ = 5 550
Диаграммаларда көрүнүп тургандай, КУУнун сайты 2 көрсөткүч боюнча да бул үч айлыкта 2-орунду ээледи.
Урматтуу кесиптештер жана сайтыбыздын коноктору!
Жогоруда айтылгандарды эске алуу менен сайтка мындан да көбүрөөк кирип, окуу жайда болуп жаткан жаңылыктар менен таанышып, сунуш-пикирлер болсо айтып, дайым байланышта болуп туруңуздар.
Мурунку айлардагы көрсөткүчтөр менен «Абалың кандай, knu.kg» рубрикасынан таанышууга болот.