2026-жылдын 11-мартында Муса Рыскулбеков атындагы Кыргыз экономикалык университетинде “Брейншторм” аттуу колледждер аралык III интеллектуалдык турнир болуп өттү. Мелдешке Жусуп Баласагын атындагы Кыргыз улуттук университетинин Кесиптик колледжинин “Bit Nova” командасы да катышып, 1-орунду ээледи.
Турнирдин негизги максаты — студенттердин логикалык ой жүгүртүүсүн, креативдүүлүгүн жана командалык иштөө жөндөмдөрүн өнүктүрүү. Иш-чарага шаардагы бир катар жогорку окуу жайлардын колледждеринен келген командалар катышып, өздөрүнүн билим деңгээлин жана интеллектуалдык мүмкүнчүлүктөрүн көрсөтүштү.
Турнирдин жыйынтыгында байгелүү орундарга төмөнкү командалар ээ болушту:
- 🥇 1-орун — Ж.Баласагын атындагы Кыргыз улуттук университетинин Кесиптик колледжи;
- 🥈 2-орун — М.Рыскулбеков атындагы Кыргыз экономикалык университети;
- 🥉 3-орун — И.Раззаков атындагы Кыргыз мамлекеттик техникалык университети;
- 4-орун — И.Арабаев атындагы Кыргыз мамлекеттик университети
Жеңүүчүлөр акчалай сыйлыктар менен сыйланып, бардык катышуучуларга сертификаттар, ал эми командалардын жетекчилерине ыраазычылык каттар тапшырылды.
“Bit Nova” командасынын курамы:
- Ишенов Дөөлөт — ПОВТиАС-1-23 тайпасы;
- Чыңгызбекова Айдина — ПОВТиАС-2-23 тайпасы;
- Абылов Байэл — ПОВТиАС-2-23 тайпасы;
- Мадиярбекова Асема — ПОВТиАС-3-23 тайпасы;
- Мытапов Амир — ПИ-1-25 тайпасы.
Команданын жетекчилери:
Маалыматтык технологиялар бөлүмүнүн окутуучулары Урматова Айдана Урматовна жана Дыйканова Мээрим Тынарбековна
(С) Мамбеталиев Мирбек — Кесиптик колледждин маалыматтык технологиялар бөлүмүнүн башчысы
