2025-жылдын 6-8-ноябрында География, экология жана туризм факультетинин доценттери: Т.А.Супатаев, Т.А.Торобекова жана Р.Б.Осмонбекова Аль-Фараби атындагы Казак улуттук университетинин география жана жаратылышты пайдалануу, биология жана биотехнология факультеттери уюштурган “Борбордук Азияда биологиялык ар түрдүүлүктү сактоонун көйгөйлөрү жана келечеги” аттуу эл аралык илимий-практикалык конференцияга катышып келишти. Иш-чарага о.э. Биология факультетинен Б.К.Кадырова менен Б.К.Шаршеева онлайн форматта катышты.
Илимий-практикалык конференцияга Германия, Азербайжан, Өзбекстан (Каракалпакстан Республикасы), Тажикстан, Кытай, Кыргызстан, Йемен, Канада, Монголия, Россия мамлекеттеринен окумуштуулар келди.
Конференциянын негизги максаты – Борбордук Азиядагы биологиялык ар түрдүүлүктүн акыркы жетишкендиктери, Сиверс алмасын (Malus sieversii (Ledeb.) M.Roem.) сактоо, айлана-чөйрөнү коргоо, экотуризм жана билим берүү жаатындагы экологиялык билим алмашуу болду.
Аль-Фараби атындагы Казак улуттук университетинде жаңы изилдөө борбору – Борбордук Азия-Германия экосистемаларды сактоо жана биологиялык ар түрдүүлүктү изилдөө институту ачылды. Институттун негизги максаты – Борбордук Азия өлкөлөрүндө экосистеманын туруктуулугун камсыз кылуу жана биологиялык ар түрдүүлүктү сактоо боюнча демилгелерди илимий негизде иштеп чыгуу.
(С) Торобекова Тамара – “Туризм, рекреациялык география жана экология” кафедрасынын доценти
