И.Ч Исамидинов атындагы педагогикалык кадрларды максаттуу даярдоо институтунун студенттери 2023 жылдын 1, 2-октябрь күндөрү “Камкордук” жеке пансионуна, “Хамида” карылар үйүнө барышып, ал жерде күн кечирип жаткан ата-апалардан кабар алышты.
Жолугушууда карыларга урмат-сый көрсөтүлүп, чакан концерттик программа тартууланып, чакан белектер тапшырылды.
Иш чаранын соңунда ата-апалар студенттерге алакан жайып, каалоо-тилектерин айтып, бата беришти.
Ата-энеси бар адам – эң бактылуу адам! Ата-энени көзү барда сыйлай билели!
(С) Максат Сейитказиев – директордун орун басары
