2024-жылдын 8-август күнү 4-турдун жыйынтыгы менен Улуттук университеттин жогорку билим берүү программаларына өткөн абитуриенттердин документтерин кабыл алуу башталды.
Эрте менен кабыл алуу комиссиясы жайгашкан 6-окуу имаратынын эшиктери ачылаары менен, сыртта күтүп турган абитуриенттер өздөрү тандаган факультет/институттардын техкатчыларына келип, тиешелүү документтерди тапшырууга киришти.
Тапшыруу үчүн абитуриенттерге төмөндөгү документтер керек:
- жалпы орто же орто кесиптик билими жөнүндө мамлекеттик документ (түп нускасы);
- 3×4 см өлчөмүндөгү 6 фотосурөт;
- паспорттун же туулгандыгы тууралуу күбөлүктүн көчүрмөсү;
- жалпы республикалык тестирлөөнүн сертификаты (түп нускасы).
Белгилеп кетчү нерсе, 4-турда Улуттук университетке жалпысынан 447 абитуриент катталып, бул көрсөткүч боюнча КУУ Кыргызстандагы жогорку окуу жайлардын арасында 2-орунду ээледи. 1-орунда 543 абитуриент менен Кыргыз мамлекеттик техникалык университети, ал эми 3-орунда 419 абитуриент менен Кыргыз-Орус Славян университети.
Жалпы 4 турдун жыйынтыгы боюнча Улуттук университетке 7980 абитуриент катталып, бул көрсөткүч боюнча КУУ Кыргызстандагы жогорку окуу жайлардын арасында 1-орунду ээледи. 2-орунда 7094 абитуриент менен Кыргыз мамлекеттик техникалык университети, ал эми 3-орунда 6163 абитуриент менен Ош мамлекеттик университети.
Абитуриенттердин документтерин кабыл алуу 8,9,10-август күндөрү кабыл алуу комиссиясы жайгашкан 6-окуу имаратында жүргүзүлөт.
4-турдун жыйынтыгы менен https://2020.edu.gov.kg сайтынан таанышууга болот.
