2023-жылдын 12-декабрь күнү №6-окуу имаратындагы №126-дарсканада математика жана информатика факультетинин “Жаңы муун” дебаттык клубунун демилгеси менен 1-2-курстар арасында Чыңгыз Айтматовдун 95-жылдыгына жана Улуттук адабият күнүнө карата “Адабият майданы” аттуу интелектуалдык таймаш өткөрүлдү.
Жаштардын ой өрүшүн өркүндөтүп, адабият таанымын кеңейтүүгө “Ак-Кеме”, «Дилгир», “Бетме-бет”, “Намыс”,” Биримдик” жана “Билимдар” командалары катышты. Оюндун 1-туру “Айтматов жана сынчыл ой жүгүртүү” жана “Алыкул Осмоновдун чыгармалары студенттердин көзү менен” темаларына байланыштуу тапшырмалар менен коштолуп, 2-турда кыргыз адабиятынын өкүлдөрү, белгилүү сүрөтчүлөр жөнүндө суроолор берилди. 3-турда команда капитандары “Мыкты капитан” наамын жеңип алуу үчүн күч сынашты, 4-турда ар бир команда бирден категория тандашты.
Студенттер бул иш-чара факультеттин активдүү студенттерин бир аянтчага чогултуп, алардын тажырыйба жана идея алмашуусуна шарт түзгөн пайдалyy жолугушуу болгонун баса белгилешти.
Мелдештин жыйынтыгында “Дилгир” командасы 1-орунду ээлесе, “Мыкты капитан” номинациясында “Ак-Кеме” командасынын капитаны Эрнис уулу Мирбек жеңишке ээ болду.
Иш-чаранын соңунда факультет деканы Изат Усенов байгелүү орундарга ээ болгон командаларды жана активдүү катышкан студенттерди ардак грамоталар менен сыйлады.
(С) Бактияр Рахманкулов — тарбия иштери боюнча декандын орун басары, ф.м.и.к., доцент
