2024-жылдын 5-июль күнү ректор Төлөбек Абдырахманов университеттин механика-математика факультетинин 1974-жылкы бүтүрүүчүлөрү Шаршенбек Алиев, Мураталы Жаманбаев, Жамалкан Салмоорбекова, Адылбек Шабданов менен жолугушту.
Бүтүрүүчүлөр Улуттук университетте окуп жүргөн кезде керектүү, жакшы нерселерди үйрөнүп, турмушка туура багыт алышканын белгилеп, элдин түйшүгү үчүн оор жүктү аркалап келе жаткан КУУнун азыркы жетекчилигине ийгиликтерди каалашты.
Жолугушуунун жүрүшүндө о.э. азыркы билим берүү системасындагы абал боюнча пикир алмашуу болду.
