Мурда кабарлангандай, 2026-жылдын 11-сентябрында Жусуп Баласагын атындагы Кыргыз улуттук университетинин ректору Догдурбек Чонтоев КУУнун Таластагы көп тармактуу инстититутунун бүтүрүүүлөрүнө диплом тапшырды.
Диплом тапшыруу аземи бул күнү Улуттук университеттин аймактык түзүмдөрүндө да бир мезгилде болуп, бүтүрүүчүлөргө дипломдор тапшырылды:
С.Нааматов атындагы Нарын аймактык көп тармактуу институту
Салтанаттуу иш-чарага КУУнун илимий иштер боюнча проректору Мырзабек Камчыбек уулу катышып, институттун бүтүрүүчүлөрүнө жогорку билим алгандыгын ырастаган дипломдор салтанаттуу түрдө тапшырылды. Бул күн бүтүрүүчүлөрдүн студенттик мезгилин жыйынтыктаган маанилүү учур болуп, алардын кесиптик жана коомдук ишмердүүлүгүндөгү жаңы этаптын башталышын белгиледи.
Бүтүрүүчүлөрдү бул маанилүү жетишкендиги менен куттуктап, тандаган кесиби боюнча ийгиликтүү эмгектенүүнү, жаңы билимдерди жана тажрыйбаларды өздөштүрүүнү, мекендин өнүгүшүнө өз салымын кошкон кесипкөй адис болууну, о.э. кең келечек, жаңы жетишкендиктерди каалайбыз!
(С) Чоробек кызы Айзат — С.Нааматов атындагы Нарын аймактык көп тармактуу институтунун директорунун академиялык иштер боюнча орун басары
