2025-жылдын 23-октябрь күнү эрте менен саат 10.00дө Жусуп Баласагын атындагы Кыргыз улуттук университетинин 100 жылдык мааракесине арналган иш-чаралар башталды. Бул тууралуу КУУнун ректор, профессор Догдурбек Чонтоев башкы имараттын алдындагы аянтчада болгон салтанаттуу жыйында жарыя кылды.
Ректор өз сөзүндө КУУнун 100 жылдык мааракесине арналган иш-чаралар улуттук гана эмес, глобалдык мааниси жана масштабы бар иш-чаралар экендигин белгиледи.
Андан кийин ректор баштаган КУУнун жетекчилери 9-жатакананын 1-кабатында жайгашкан Башкаруу, бизнес жана менеджмент институтунун сапатты башкаруу боюнча комплекстүү лабораториясынын жана башкы имаратта жайгашкан Компьютердик технологиялар жана жасалма интеллект институтунун “Жасалма интеллект”, “Big Data” лабораторияларынын жана окуу-методикалык кабинетинин ачылыш аземине катышты.