2025-жылдын 28-ноябрында Жусуп Баласагын атындагы Кыргыз улуттук университетинин ректору, профессор Догдурбек Чонтоев Орусиянын Патрис Лумумба атындагы элдердин достугу университетинде окуган кыргызстандык студенттер менен жолугушту.
Жолугушуу жылуу жана расмий эмес маанайда өттү. Студенттер ректор менен РУДНде окуу жана жашоо менен байланышкан маселелерди талкуулашты.
“Биздин студенттерибиз дүйнөдөгү эң мыкты университеттердин биринде жогорку сапаттагы билим алып жатканын көрүп кубанып жатабыз. Биз ар дайым пикир алмашууга ачыкпыз жана студенттерибиздин суроолорун чечүүгө даярбыз”, – деди ректор Д.Чонтоев.
Студенттер ректорго колдоо көрсөткөнү үчүн ыраазычылык билдиришип, Ж.Баласагын атындагы КУУну эл аралык деңгээлде көрсөтүүгө даяр экендиктерин билдиришти. Жолугушуу ректордун РУДНге болгон иш сапарынын алкагында өттү. Ал жерде Д.Чонтоев Шанхай кызматташтык уюмунун юридикалык окуу жайлары ассоциациясынын форумуна жана II Эл аралык билим берүү форумуна катышты.
