2019-жылдын 18-январында башкы имараттагы кичи жыйындар залында Ички иштер министрлигинин Жол кыймылынын коопсуздугун камсыздоо башкы башкармалыгынын үгүт-насаат иштери боюнча улук инспектору Тилек Оторов журналистика факультетинин студенттери менен жолугушту. Иш чараны факультет деканы доцент Айна Дүйшекеева ачып, сөз сүйлөдү..

Тилек Оторов жаңы кабыл алынган “Бузуулар жөнүндө кодекстин” жол коопсуздугуна байланышкан беренелери жөнүндө маалымат берди. Анын айтымында, жаңы кодекстин 121-128-беренелери жол кыймылынын коопсуздугун бузгандарга чара көрүү багытында иштелип чыккан жана бул беренелер менен айдоочулар гана эмес, жөө жүргүнчүлөр да таанышып коюшу шарт.

Көпчүлүк студенттер жөө жүргөнү менен, арасында айдоочулар да жок эмес. Алар өздөрүн кызыктырган суроолоруна жооп алышты. Окуу жайдын проректору Садык Алахан (Тиллебаев) да акыркы учурларда болуп жаткан жол кырсыктары, жаштар арасындагы эреже бузууларга токтолуп, студенттерди мыйзамды сыйлоого чакырды.

Эскерте кетсек, мындай жолугушууларды уюштуруу жолдо жүрүү жана жол коопсуздугун маалымдоо багытындагы ректордун буйругунун негизинде ишке ашууда.

Чынара Капарова - тарбия иштери боюнча декандын орун басары

P.S:

Үстүбүздөгү жылдын ноябрында уюштурулган марафонго түшкөн каражатка эки проектор баардык жабдуулары менен сатылып алынды. Бул нерсе студенттерибиздин практикалык сабактары үчүн да жакшы стимул болот деген ишеничибиз чоң.

Журналистика факультетинин окутуучулар жамааты жана студенттери марафонго кош көңүл карабай кол сунган баардык бүтүрүүчүлөргө ыраазычылык билдирет!