Среда, Марта 20, 2019
kg_m RU

КУУда факультеттер аралык “Акыл кенч” интеллектуалдык оюну өткөрүлдү

КУУдагы соңку жаңылыктар

Окумуштуулар кеңешинин кезектеги отуруму болду

00

2019-жылдын 6-март күнү Окумуштуулар кеңешинин кезектеги отуруму болду. Аталган органдын төрагасы, КУУнун ректору Канат Садыков алып барган жыйында химия жана химиялык технологиялар, биология, кыргыз-европа факультеттеринин декандарынын, аспирантура жана докторантура бөлүм башчысынын  отчеттору угулуп, кышкы сессиянын жыйынтыгы жана окумуштуулук даражасы, наамы жана өкмөттүк сыйлыктарга байланышкан маселелер каралды. 

 

Матфактын жетекчилери эжейлерди куттукташты

00

Математика жана информатика факультетинин деканаты менен студенттик активи "Аялдардын эл аралык күнүнө" карата факультеттин айымдарына куттуктоо баракчасын тапшыруу менен бирге чексиз каалооо-тилектерин айтышып, эжейлердин көңүлдөрүн аз да болсо көтөрүштү: "Аялзат - бүт ааламдын жарык нуру! Мактоо жеткис, өтө бийик баркыңар; Жашоо улап, жанып турган шамсыңар; Жадыраган жазың менен, кош келген! Куттуу болсун 8-мартыңар!".

 

КНОКС ассоциациясы КУУга Dual Radio Access Point жабдыктарын белекке берди

00

2019-жылдын 7-мартында жогорку окуу жайларына интернет таратуучу “Кыргыз илим жана билим берүү компьютердик тармагы” (КНОКС) ассоциациясынын аткаруучу директору Кадыркул Карабукаев административдик жана чарба иштери боюнча проректор Туратбек Суранаевге жогорку ылдамдыктагы  интернет таратуучу UniFi AC Lite тибиндеги Dual Radio Access Point жабдыктарын тапшырды. Кадыркул Карабукаевдин айтымында, 450 Мбит/с ылдамдыкта 100 метрге чейин интернет таратуучу бул жабдыктар ассоциация тарабынан Улуттук университетке белекке берилди.

 

Профессор Гүлжамал Жаманкулова “Кыргыздын кыраан кызы” аталды

00

Кыргыз филологиясы факультетинин кыргыз тил илими кафедрасынын профессору, филология илимдеринин доктору Гүлжамал Жаманкулова 8-март - «Аялдардын эл аралык күнүнө карата «Кыргыз Туусу» гезитии тарабынан уюштурулган “Кыргыздын кыраан кыздары” сынагында аялзатынын коомдогу ролун арттырууга жана өлкөнүн өлкөнүн өнүгүшүнө кошкон үзүрлүү эмгектери үчүн «Кыргыздын кыраан кызы» номинациясы боюнча сертификат менен сыйланды.

 

Профкомдун төрагасы Кубанычбек Жумабеков КУУнун айымдарын жумуш ордунда куттуктады

00

Кесиптик бирлик комитетинин төрагасы Кубанычбек Жумабеков 8-март "Айымдардын эл аралык күнүнө"  карата Улуттук университеттин бардык кафедраларынын эмгек жамаатын таң эрте жумуш ордуларына барып куттуктап, күтүлбөгөн кубаныч тартуулады. Ал айымдардын ишине ийгилик каалап, университете алардын орду чоң экендигин  баса белгиледи.

 

Педфактын 1-курс студенттери эжейлерин 8-март менен куттукташты

0

Педагогика факультетининде 8-март - "Аялдардын эл аралык күнүнө" карата «Жашоо жарык сен бар үчүн аялзат» аттуу майрамдык кече болуп, педагогика илимдеринин кандидаты, доцент Гүлжамыш Абдымомунова уюштурган иш чараны 1-курс студенттери жогорку деңгээлде өткөрүштү. Кеченин соңунда азыркы жаштарга таасир берүүчү «Энелерди сыйлоо» кыска метраждуу тасмасы көрсөтүлүп, студенттер  арасында талкуу болду.

 

«Эсеп Проф Лайндын» директору экономикалык колледждин студенттери үчүн семинар-тренинг өткөрдү

00

2019-жылдын 6-мартында 6А-окуу имаратынын жыйындар залында «Эсеп Проф Лайн» компаниясынын директору Мирлан кызы Наргиза экономикалык колледждин студенттери үчүн семинар-тренинг өткөрдү. Өзү жетектеген компания жөнүндө кыскача маалымат берген соң, «Эсеп Проф Лайн» компаниясынын директору бухгалтердин иши жөнүндө кенен баяндама жасап, студенттердин суроолоруна жооп берди.

 

Социалдык-гуманитардык илимдер факультетинде "Аялдардын эл аралык күнү" өзгөчө белгиленди

0

2019-жылдын 5-мартында 5-окуу имаратындагы жыйындар залында социалдык-гуманитардык илимдер факультети 8-март – "Аялдардын эл аралык күнүн" өзгөчө белгиледи. Факультет деканы Камчыбек уулу Мырзабек бардык айымдарды майрамы менен куттуктап, аялзат - үй-бүлөнүн, жалпы адамзатынын куту, өмүрдүн булагы экендигин белгиледи. Салтанаттуу кечеде кызыктуу оюндар, концерттик программа көрсөтүлүп, жагымдуу маанайда аяктады.

 

Гимназиянын окуучулары "Ак калпак күнүн" концерттик программа менен белгилешти

00

2019-жылдын 5-март күнү Ак калпак майрамын кадрларды кайра даярдоо жана квалификациясын жогорлатуу факультетинин алдындагы гимназиянын окуучулары концерттик программа менен белгилешти. Гимназиянын башчысы Гүлназ Нуралиева калпактын тарыхына токтолуп, "кыргыз элинин өмүрү канча кылымга созулса, кыргыз калпагынын өмүрү да ошончо болоорун; калпак - элибиздин символу, ата-бабабыздан калган мурас" экенин белгиледи.

 

Математика жана информатика факультетинде Мамлекеттик Туу жана Ак калпак күндөрү белгиленди

00

2019-жылдын 5-март күнү математика жана информатика факультетинде "Ак калпак күнүнө" карата флешмоб өткөрүлдү. Иш-чаранын катышуучулары 6-окуу имаратынын ичинде калпакчан жүрүш жасап, сабактарга катышты. Урматтуу Улуттук университеттин жалпы кызматкерлери жана студенттери, сиздерди удаалаш келген 3-март - "Мамлекеттик Туунун күнү" жана 5-март - "Ак калпак күнү" майрамыңыздар менен чын жүрөктөн куттуктайбыз!

 

КУУнун жаштары балдар үйүнө кайрымдулук көрсөтүштү

00

2019-жылдын 2-мартында коомчулук менен байланышуу жана жаштар иштери боюнча департаменттин кызматкерлери окуу жайдын студенттери менен биргеликте Бишкек шаарындагы “Үмүт-Надежда” балдарды реабилитациялоо борборуна барышты. КУУнун жаштары ал жердеги мүмкүнчүлүгү чектелген балдар менен жолугуп, ишембилик өткөрүп, аталган борбор менен мындан ары да кызматташуу боюнча сүйлөшүп келишти.

 

КУУда студенттер менен мугалимдер үчүн вокал жана бий ийримдери ачылды

00

Коомчулук менен байланышуу жана жаштар иштери боюнча департаменти тарабынан Улуттук университеттин студенттери менен мугалимдери үчүн вокал жана бий ийримдери ачылды. Аталган түзүмдөр студенттер, кызматкерлер жана алардын балдары үчүн бекер кызмат көрсөтөт. Вокал боюнча Алымкул Мамырбай уулу сабак берсе, Айпери Маратова бийге үйрөтөт.

 

Улуттук университеттин бардык түзүмдөрүндө ишембилик өткөрүлдү

00

2019-жылдын 2-март күнү Улуттук университеттин бардык түзүмдөрүндө ишембилик өткөрүлүп, окутуучулар, студенттер жана кызматкерлер окуу имараттарынын, жатаканалардын айланасын кыш бою чогулган акыр-чикирден тазалап, тартипке келтиришти. Эгер "ишембилик - жаз келгендин белгиси" болсо, анда баарыңыздарды Жаздын келиши менен куттуктап, жазгы маанай, бакыт-таалай жана чыгармачыл ийгиликтерди каалайбыз, урматтуу кесиптештер. Аткарган ишиңиздердин акыбети кайтсын.

 

Матфакта Ооган согушунун ардагерлери менен жолугушуу болду

002019-жылдын 28-февралында математика жана информатика факультетинде "Ооганстан - айыкпаган жара" аттуу кече өткөрүп, иш-чарага ооган согушунун ардагерлери Кадыр Уметов, Алайбек Шамшиев жана Адылбек Маматовдор чакырылды. Жыйынды факультет деканын м.а. Изат Усенов ачып, бул жолугушуу студенттердин патриоттук сезимин дагы бир жолу ойготоорун жана тынчтыкты сактоо - жашап жаткан коомдогу эң негизги баалуулук экенин баса белгиледи.

 

Гимназиянын окуучулары арасында спорттук эстафета өткөрүлдү

00

2019-жылдын 27-февралында №6-окуу имаратындагы спорт залда кадрларды кайра даярдоо жана квалификациясын жогорулатуу факультетинин гимназиясынын 10 жана 11-класстары арасында 23-февраль жана 8-мартка карата спорттук эстафета өткөрүлдү. 10-класстын окуучуларынан түзүлгөн “Лидер” жана 11-класстын “Хищники” командаларынын оюнчулары "Саламдашуу", "Эмблеманы жактоо", "Форма" жана "Ураан" деп аталган тапшырмаларды аткаруу менен оюнду ачышкандан соң, 10 этаптан турган эстафета башталып, кызыктуу оюн көрсөтүлдү.

 

Педагогика факультетинде окуу-таанышуу практикасынын жыйынтыктары чыгарылды

00

2019-жылдын 27-февралында педагогика факультетинде 2-курс студенттеринин үч жумалык окуу-таанышуу практикасынын жыйынтыктарына арналган конференция болуп өттү. Иш-чарага факультет деканы Рахат Сулайманова, КУУнун практика боюнча башкы адиси Азиза Исраилова, декандын орун басарлары Г.Назарбекова, У.Турдалиев, кафедра башчылары К.Сураналиева, Г.Адылбек кызы жана практика жетекчилери катышты.

 

КУУнун спортчулары “Ден-соолук” спартакиадасынан олжолуу кайтышты

00

2019-жылдын 12-27-февраль күндөрү Кыргыз мамлекеттик дене тарбия жана спорт академиясында, Кыргыз улуттук университетинде, Кыргыз мамлекеттик техникалык университетинде жана Кыргыз мамлекеттик медициналык академиясында Жаштар иштери, дене тарбия жана спорт боюнча мамлекеттик агенттигинин Мектеп жана студенттик спортту өнүктүрүү боюнча дирекциясы тарабынан Бишкек шаарындагы жогорку жана кесипчилик орто окуу жайларынын кызматкерлеринин арасында "Чылымы жок” деген ураандын астында “Ден-соолук” спартакиадасы болуп өттү.

 

GLOBE уюмунун өкүлдөрү экологиялык билим берүү боюнча тренинг өтүштү

00

21-23-февраль күндөрү эл аралык GLOBE уюмунун Чехиядан, Голландиядан жана Россиядан келген өкүлдөрү Улуттук университетте Кыргызстандык мектеп географтары үчүн “Экологиялык билим берүүнү жогорулатуу” темасында тренинг өтүштү. Иш чаранын ачылышында КУУнун ректору Канат Садыков, КББАнын президенти  Алмаз Токтомаметов, GLOBE-дун алгачкы координатору Батыйгүл Баячорова, Россиянын GLOBE координатору Ф.Сурков ж.б. сөз сүйлөштү.

 

МжМБ факультетинде "Чамда жигит" кароо-сынагы болуп өттү

00

Мамлекеттик жана муниципиалдык башкаруу факультетинде "Ата Мекенди коргоочунун күнүнө" карата "Чамда жигит" кароо-сынагы болуп өттү. Сынакка жалпысынан 6 команда катышып, "Атактууларга пародия" , "Акыл таймаш", "Тартынуу", "Аскер ырын аткарып аскерлердей басуу" жана "Противогазды убакытка кийүү" номинациялары боюнча тапшырмаларды аткарышты. Жыйынтыгында, 1-орунду "Бат кыймылдаган шок жигиттер" командасы, 2-орунду "Жалын" командасы, ал эми 3-орунду  "Көчөнүн балдары - реальные пацаны" командасы  багындырып, сыйлуу байгелерге арзышты.

 

КУУ жаштарынын лидерлери көк бөрү боюнча турнирге катышты

00

Белгилүү болгондой, 23-февраль - "Ата Мекенди коргоочунун күнүнө" карата "Аккула" ат майданында көк бөрү боюнча турнир болуп, оюнга Кыргыз Өкмөтүнүн, Жогорку Кеңештин, Жаштар иштери, дене тарбия жана спорт агенттиктин жана Жалпыга маалымдоо каражаттарынын командалары катышты. Өкмөт курама командасын вице-премьер Замирбек Аскаров, ал эми депутаттар командасын спикер Дастан Жумабеков баштап чыкты.

 

Матфакта "Мекенди коргоочунун күнү" белгиленди

00

2019-жылдын 22-февралында математика жана информатика факультетинде "Мекенди коргоочунун күнү" белгиленип, иш чарага дене тарбия жана спорт кафедрасынын башчысы Шаршен Абдыкеримов менен кафедранын окутуучусу Бакыт Кадыров чакырылды. Декандын м.а. Изат Усенов мындай жолугушуулар жаш студент-спортсмендерге дем берип, дүйнөлүк аренада чоң-чоң ийгиликтерди жаратуусуна түрткү болоорун белгиледи. 

 

СГИФ студенттери Ооган согушунун ардагерлери менен жолугушту

00

2019-жылдын 21-февралында социалдык-гуманитардык илимдер факультетинде "Ата Мекенди коргоочунун күнүнө" карата Ооган согушунун ардагерлери, «Кызыл Жылдыз» ордени менен бир нече медалдардын ээси Доолокеев Кубатбек жана «За отвагу» медалынын ээси Тешебаев Сагынбай менен жолугушуу болду. Ардагерлер студенттерди атуулдукка, Мекенди сүйүүгө үндөп, өз өмүр баяндарынан кыскача айтып беришти жана, студенттердин берген суроолорунан улам, ордендери менен медалдарынын таржымалдарына да токтолушуп, согуштун каардуу учурларын эскерип өтүштү.

 

КУУда "Тилдер фестивалы" болуп өттү

0

2019-жылдын 21-февралында башкы окуу имаратындагы чоң жыйындар залында "Эне тилдин эл аралык күнүнө" карата мамлекеттик тил бөлүмү жана факультеттер аралык чет тилдер кафедрасы тарабынан уюштурулган "Тилдер фестивалы" болуп өттү. Иш чараны кириш сөз менен мамлекеттик тил жана тарбия иштери боюнча проректор Садык Алахан (Тиллебаев) ачты. Жыйындын катышуучуларын "Эне тилдин эл аралык күнү" менен КР Президентинин алдындагы Мамлекеттик тил боюнча улуттук комиссиянын жетектөөчү адиси Кутмырза Жакыбалиев жана поляк  диаспорасынын төрайымы Зенона Бегалиева-Шлензак айым куттукташты.

 

Журналистика факультетинде "Ата Мекенди коргоочунун күнү" белгиленди

00

2019-жылдын 19-февраль күнү башкы имараттагы чоң жыйындар залында журналистика факультетинин мезгилдүү басма сөз кафедрасы тарабынан "Ата Мекенди коргоочунун күнүнө" карата майрамдык иш чара өткөрүлдү. Административдик жана чарба иштери боюнча проректор Туратбек Суранаев чакырылган меймандарды жана жыйындын катышуучуларын майрам менен куттуктап, Мекенди коргоо - ар бир кыргыз жигитинин ыйык милдети экенин белгиледи.

 

Страница 1 из 14

КУУнун түзүмдөрүндөгү жаңылыктар

Баннер
Баннер
Баннер
Баннер
Баннер
Сейчас 207 гостей онлайн
Баннер
Баннер

Пресс меню

Администратордон

Студенттердин ?-лору

  • Модератор 04.09.2018 09:01
    Окуу бөлүмүнөн билдиришкендей, которулса болот. Ал үчүн адегенде 1-курстун контрагын төлөп, андан ...

    Подробнее...

     
  • Модератор 27.08.2018 10:21
    Окуу бөлүмүнөн билдиришкендей, КУУдагы бардык которуулар 27-августтан 27-сентябрга чейин ишке ашырылат.

    Подробнее...

     
  • Аид 27.12.2017 00:35
    Саламатсызбы! R.knu.kg сайты иштебей жатат. Экзаменден канча баа алганымды билбей жатам. Логин парольуму ...

    Подробнее...

Абитуриенттердин ?-лору

  • Модератор 04.09.2018 09:09
    1) Окуу бөлүмүнөн билдиришкендей, кайра ордуна келүүгө болот, 27-сентябрга чейин. 2) Ал үчүн адегенде ...

    Подробнее...

     
  • Модератор 27.08.2018 10:26
    1-сентябрда эле келесиз. 1) Мүмкүн 2) Окуу бөлүмүнөн билдиришкендей, КУУдагы бардык которуулар ...

    Подробнее...

     
  • Модератор 26.01.2018 13:17
    9-бүтүп КУУнун колледждерине гана тапшыра аласыз. Факультеттерге тапшыруу үчүн аттестат керек. Эгер ...

    Подробнее...

Бүтүрүүчүлөрдүн ?-лору

  • Модератор 04.09.2018 09:21
    Билим тууралуу документтерди даярдоо жана чыгаруу бөлүмүнө кайрыласыз. Тел.: 32-20-74, 61-45-04 Окуу ...

    Подробнее...

     
  • ОПВДОО 04.01.2018 10:34
    Маалымат алуу учун, КУУнун пландоо болуму менен байланышыныздар

    Подробнее...

     
  • aman 19.12.2017 20:13
    Физика жана электроника факультетинде 4 - курста билим алып жатам. Ююджеттик орунда. Мен контрактын ордун ...

    Подробнее...

Пикирлер жана сунуштар

  • Student 07.04.2018 18:22
    Урматтуу ректор бул айтылгандын баары чындык. Булардын баарын оз козунуз менен коруп, студенттердин ...

    Подробнее...

     
  • Айзада 07.04.2018 17:09
    Здравствуйте Канат Жалилович и Урмат Олжобекович я студентка ФИЯ 3-Курс...Как всем известно 3- корпус ...

    Подробнее...

     
  • Гулкайыр 28.03.2018 17:38
    Саламатсыздарбы !!! мен КУУ нун Чет тилдер факультетинде 3 корпуста окуйм. Биз контракт төлөйбүз ...

    Подробнее...

Биздин өнөктөштөр

Баннер
Баннер
Баннер
Баннер

Башка ЖОЖдор менен мекемелердин маалымат каттары жана кулактандыруулары